Muällimlär sulalisi

0
110 ret oqıldı

Bu maqalimizda biz päqät, Çonҗa yezisidila ämäs, bälki Uyğur nahiyäsidä abroy-inavätlik, ülgilik aililärniŋ biri bolğan Mäŋsürovlar ailisi häqqidä tohtalmaqçimiz. Az künlärdä šy-oçaqliq bolğiniğa 50 jil tolidiğan Hudavädi Mäŋsürov bilän Hasiyäthan Mäŋsürovalar «Altun toyini» nişanlimaqçi.

Sabiräm ÄNVÄROVA,
«Uyğur avazi»

Bir qiziği, bu ailini «muällimlär sulalisi» däp atisaqmu bolidu. Çünki Hudavädi vä Hasiyäthan Mäŋsürovalar häm ularniŋ pärzäntliriniŋmu talliğan käspi bir. Uyğur nahiyäsiniŋ Pähriy grajdini Hudavädi Mäŋsürovni häliq ubdan tonuydu. Çünki u uzaq jillar mabaynida muällim bolup işläp, hšrmätlik däm elişqa çiqqan peşqädäm ustaz.
Hudavädi aka ämgäk paaliyitini 1967-jili Çoŋ Dehan säkkiz jilliq mäktividä başlidi, andin 1985-jildin 1993-jilğiçä nahiyälik bilim bšlümidä metodist, inspektor-metodist hizmätlirini atquridu. Bilimgä bolğan hahişi üstün kelip, iştin qol üzmäy QazPİni tamamlaydu. 1993 –1999-jilliri Bahar yezisida A.Rozibaqiev namidiki ottura mäktäpniŋ mudiri, andin 1999 – 2010-jilliri mäzkür mäktäptä uyğur tili vä ädäbiyati pänliridin däris berip, hšrmätlik däm elişqa çiqidu. Һazir u Uyğur nahiyälik «Qaradala tınısı – Qaradala näpäsi» gezitiniŋ hadimi.
«Ana – šyniŋ çiriği» demäkçi, duniyağa ikki qiz, bir oğul elip kälgän Hasiyäthan aniniŋmu maarip sahasiğa kšp äҗri siŋgän. U pütkül aŋliq hayatini bala tärbiyisigä beğişliğan ilğar märipätçi. Öziniŋ 40 jildin oşuq iş-paaliyitidä kšpligän şagirtlarni bilim buliği bilän suğarğan Hasiyäthan Mäŋsürova, hususän, märipät sahasida uyğur başlanğuç sinipliri üçün, eniğiraq qilip eytsaq, 6 yaşliqlarni oqutuş dävridiki islahatta uyğur sinipliri üçün matematika vä oquş pänliri üçün programma tüzüp, uniŋ oqutuluş җäriyani boyiçä metodikiliq qollanmilarni yazğan. Şundaqla «6 yaşliqlarni oqutuş» namliq iş-täҗribisigä beğişlanğan kitapçiniŋ vä 1 — 4-siniplarğa beğişlanğan «Diktantlar topliminiŋ» muällipi. Pedagogniŋ minnätsiz ämgigi munasip bahalinip, «Metodist-ustaz» vä «Qazaqstan maarip älaçisi» pähriy namliriğa muyässär bolup, Bilim ministrliginiŋ Һšrmät gramotisi vä nurğunliğan maddiy vä mäniviy mukapatlarğa egä bolğan. Hudavädi vä Hasiyäthan Mäŋsürovlarni bügünki kündä kšpligän adämlär «Ustazlarniŋ ustazi» däp tilğa alidu.
Mana moşundaq aliyҗanap insanlarniŋ pärzäntlirimu ata-ana izini besip kälmäktä. Çoŋ qizi Gülçehrä Mäŋsürova mäktäpni «Kümüç medal'ğa» tamamliğandin keyin, Abay namidiki ADUniŋ himiya-biologiya fakul'tetini äla bahalar bilän tamamlidi. Һazir 4-Çonҗa ottura mäktividä himiya pänidin däris beridu. Gülçehrä hädiniŋ yätkän utuqlirimu az ämäs. Җümlidin 2015-jili «Qazaqstan Wstazı» җämiyätlik birläşmisiniŋ İİ däriҗilik medali bilän mukapatlanğan. Yänä bir qizi Gülvira Mäŋsürova ottura mäktäpni «Altun bälgügä» pütirip, ADUniŋ filologiya vä tarih fakul'tetini tamamlidi. Bügünki kündä u İ.Bähtiya namidiki 3-Çonҗa uyğur ottura mäktividä ilmiy mudir.
Täkitläş lazimki, štkän jili u «I.Altınsarin» namidiki medal'niŋ sahibi ataldi. Oğli Nurmähämät Mäŋsürov sport-turizm akademiyasidä tähsil kšrgän. Keyin härbiy ofitserlarni täyyarlaydiğan qisqa muddätlik institutta bilim alğan. U elimizniŋ kšpligän härbiy qisimlirida hizmät qildi, hazir podpolkovnik unvani bilän Almuta härbiy çegara başqarmisi Şärqiy härbiy çegara regioni boyiçä täntärbiyä vä sport bšlümini başquridu.
Pärzäntliriniŋ utuği – ata-aniniŋ mahtinişi ämäsmu! Balilirini aliy bilim därgahlirida oqutup, җämiyätkä yaramliq insanlardin bolup yetilip çiqişi üçün ayanmay ämgäk qilğan mštivärlär bügün җapasiğa çuşluq halavitini kšrüp, nävrä-çävriliri bilän haläk. Nävriliridin Mehrinsa mäktäpni «Altun bälgügä» tamamlap, S.Asfendiyarov namidiki Qazaq milliy meditsina universitetida tähsil kšrüvatidu. Yänä bir nävrisi Baturҗan däl şu bilim därgahiniŋ 5-kurs studenti. Nävrisi Qutluqҗan Almuta avtomehanika vä jük toşuş kolledjida oquvatidu.
Altä nävriniŋ bova-momisi atalğan qädirdanlar üçün buniŋdin oşuq bähit bolmisa keräk. Mäŋsürovlar ailisi, häqiqätänmu, kimgila bolsun ülgä qilip kšrsätkidäk aililärdin. Gäp ularniŋ hizmät yolidila ämäs, bälki aliy insaniy hislätliri, jut bilän bolğan munasivitigimu bağliqtur, älvättä.

Bälüşüş

Javap qalduruŋ