Yaş alimä Madinur

0
126 ret oqıldı

Gšhärbüvi İSMAYİLҖANOVA,
«Uyğur avazi»

Hazir Panfilov nahiyäsidä millitimiz väkilliridin ilim-pän bilän şuğullinivatqan alimlar barmaq bilän sanavalğidäkla. Şähsän šzäm filologiya pänliriniŋ namziti Hakimҗan Hämraev bilän psihologiya pänliriniŋ namziti Asiyäm Sayitovani bilimän. Bügünki kündä här ikkilisi milliy mäktäplirimizdä ustazliq qilmaqta. Moşu yeqinda ularniŋ sepi yänä bir alim bilän toluqturuldi. Җümlidin Madinur Ähmätova “Tağ-kan işi” bilim beriş programmisi boyiçä “Tehnologiyalik maşinilar vä qural-җabduqlar” mutähässisligi boyiçä PhD doktorluq dissertatsiyasini muvappäqiyätlik himayä qildi.
Madinurniŋ atisi İsmayilҗan Çuluqay yezisidiki «Ähmätov» şähsiy egiligini qurup, dehançiliq bilän şuğullinidu. Jilniŋ tšrt päslidä qutluq kätmini bilän yeza egiligi sahasiğa šziniŋ birkişilik hässisini qoşuvatqan addiy yeza turğuni. Anisi Helimäm Velämova – aliy mälumatliq pedagog. Yezidiki Җ.Bosaqov namidiki mäktäpniŋ başlanğuç sinip muällimi.
Ailidä ular tšrt balini, ikki qiz, ikki oğulni tärbiyiläp qatarğa qoşmaqta. Ularniŋ hämmisila mäktäptä yahşi oqup, tärtiptä intizamliq balilardin bolup yetildi.
– Balilarniŋ tunҗisi Madinur Çuluqay yezisidiki mäktäpni 2008-jili tamamlap, Almutidiki Qazaqstan İnjener tehnologiya institutiniŋ «Tehnologiyalik maşinilar vä qural-җabduqlar» fakul'tetiğa oquşqa çüşkändä biz ändişidä qalduq. Çünki «Qizimiz oqup, mutähässislik egiläp qaytip kälsä iş tepilarmu? Yeza yeridä näniŋ zavod-fabrikisi bolsun?» däp, kšŋülläşmigän yerimizmu boldi. Lekin Madinur tirişçanliği tüpäyli, tallavalğan mutähässisligi boyiçä aliy oquş ornida tšrt jil mabaynida päqät äla bahalarğa oqup, bizni hoşal qilip jürdi. Universitettin keyin Q.Sätpaev namidiki Qazaqstan tehnika universitetiniŋ magistraturisiğa oquşqa çüşti. Magistraturini qizil diplomğa tamamlap, universtetniŋ doktoranturisida doktorluq dissertatsiyasini yaqlap, alim ataldi, – däp hoşalliğini yoşurmidi ata-anisi İsmayilҗan bilän Helimäm.
Häqiqätänmu Madinur ilmiy dissertatsiyasidä universitettiki ilmiy rähbärliri – tehnika pänliriniŋ doktori İvan Stolpovskih vä Katoviöe şähiri (Pol'şa) Silez tehnikiliq universitetiniŋ doktori professor Aleksandr Sladkovskiniŋ ämgiginiŋ zor ekänligini täkitläydu.
– Meniŋ ilmiy ämgigimni moşu sahaniŋ mutähässisliri yahşi çüşinidu. Çünki bu yšniliştä män päqät çoŋ zavod-fabrikilar bar şähärlärdä, aliy oquş orunlirida iş elip berişim keräk. Män doktorluq bilim eliş päytidä çät ällärdä ämäliy täҗribilärdä boldum. Çätällik ilmiy näşirlärdä, şundaqla moşu saha boyiçä Bilim ministrligi täsis qilivatqan bäş näşirdä ilmiy ämgäklirim elan qilindi. Pol'şada štkän Häliqara «Vİİ İnternational Sumpozium of yoing Rekarchers» vä «İX İnternational conference» häm Rossiyaniŋ Perm', Magnitogorsk şähärliridä bolup štkän «Gornaya i neftyanaya elektromehanika», «Dobıça, obrabotka i primenenie prirodnogo kamnya» mavuzulirida štkän änҗumanlarğa iştrak qildim, – däydu u biz bilän bolğan sšhbättä.
Madinur Ähmätova hazir Almutidiki “Perspektiva” kolledjida oqutquçiliq qilivatidu.
Uyğur mäktividin uçum bolğan yaş alimä Madinur elimizniŋ Tunҗa Prezidenti Elbası – Nursultan Nazarbaev elan qilğan «Yaşlar jilida» äynä şundaq çoŋ utuqlarğa qol yätküzmäktä. Ändiliktä aliy bilim eliş üçün yezidin Almutiğa kälgän ukiliriğa baş-kšz boluş bilän billä ularniŋmu šzi ohşaş tirişip oquşi üçün mäslihitini berip, yol-yoruq kšrsitidiğan bolidu.

Panfilov nahiyäsi.

Bälüşüş

Javap qalduruŋ