İkki җüp kšz

0
118 ret oqıldı

İssaq Basiti

(Һekayä)

U künniŋ issiğidin qeçip, yolniŋ ğärbiy täripidiki bükkidä šskän akkatsiya däräqliri astiğa qatar qoyulğan җozilarniŋ birigä oltirip, bir botulka pivo aldurdi.
“Vaqqidä” qilip eçilğan botulkidin etilip çiqqan muzdäk, kšpüklük pivoni äynäk stakanğa quyup, bir qetimdila içip tügättidä: “Pah, pah, pah, nemä degän rahät!” dedi. U bokalğa pivoni ikkinçi qetim tolturup quyup, qapliq tamakisidin birini elip tutaşturdi.
Ätrapqa “salqin içimlik” satquçilarniŋ toŋlatquliri qatar qoyulğan. Һärbiriniŋ üstidä pivo, muzşekär, qetiq… qatarliq salqin içimliklärniŋ ävrişkisiliri turatti. Trotuar moşu qaraŋğu, baraqsan akkatsiya däräqliriniŋ astida bolup, issiqta adämgä tolimu rahät beğişlatti. U ikkinçi bokal pivoni ändila ağziğa apirişiğa, huddi asmandin çüşkändäkla, bir pärizat aldida päyda bolup qaldi. Uniŋ nepiz, qisqa kofta-yubkisi toluq appaq bädinigä him çaplişip kälgän. Çeçini yeŋiçä yasitip, üzigä bilinär-bilinmäs grim qilivalğanliqtin tolimu çirayliq, omaq edi.
“Pärizat» dukan egisigä telefon qilmaqçi ekänligini eytti. Bu dukanda ammiviy telefon barliğini jigit ändi bildi.
Qiz telefon arqiliq buyrutma berip, šzigä keräk nomerni eytip bärdidä, orunduqta oltardi vä lappidä qilip jigitkä qaridi.
Qizniŋ otluq qarişi jigitni säl bearam qildimu, umu uniŋğa bir qaravelip, bokaldiki pivodin bir jutum içti. Yaş dukan egisimu bu qizniŋ nazlinişiğa şäyda bolup, “Pärizatniŋ” hizmitigä täyyarlinip, uniŋdin kšzini almay qarap turatti.
Telefon җiriŋlidi.
– Meniŋğu däymän? – qiz şundaq degäç, telefonni därru qoliğa aldi. Rastinla şundaq ekän.
Jigit uniŋ turqiğa bir җüp kšzini tikip, qarap turupla qaldi.
Qiz sšzläşmäktä:
– Untup qaldiŋizmu? Һäy, maŋa qaraŋa, nemä degän yalğançi siz. Ahşam yataqiçä uzitip qoyup, “kelimän” degän adäm tehiçä nädä jürisiz? Һoy, aldamçi! Poçi, – qiz külüp kätti. – Väy, maŋa qaraŋa, sizni poçi desä işänmäptimänkä, rastinla poçi ekänsiz җumuŋ? Yaq, boldi! Kelämsiz? Undaq bolsa, mäşädä kütimän. Qäyärdä dämsiz? Män nädin biläy. Şähiriŋizgä tehi ahşam kälgän tursam. Һazir koçidin telefon berivatimän.
Qiz telefonni qolida tutup turup, jigittin soridi:
– Qäyär bu?
– İli mehmanhanisiniŋ aldidiki däŋ, — dedi jigit. – Tohtaŋ, radiostantsiyaniŋ aldi desiŋizmu bolidu.
– Meniŋ turğan yerim radiostantsiyaniŋ aldi ekän. Mehmanhaniniŋ yenida, dämdu nemä? Һa-ha! Ölä qeri, teziraq hä…
Qiz telefonni җayiğa qoyup, kiçikkinä pul qapçuğidin bir som çiqardi.
– 70 tiyin, – dedi dukançi. – Tohtaŋ, mavu 30 tiyinni eliŋ… Qiz yenik särvi ravan qädäm bilän bällirini tolğap, mehmanhana täräpkä kätti.
Jigit bir җüp kšzini qizniŋ hšsni-җamalidin alalmay qaldi.
– “Kasapät, sirttin käptu, çoqum bir çoŋiraq puli bar sodigär äpligän ekändä buni, pah! Nemä degän bädän bu?!”.
U qalğan pivosini içip tügättidä, pulini tšläp därhal qizğa ägäşti. Qiz jigirmä qädämçä aldida tolğinip ketip baratti. Qiz birdinla mehmanhana işigi yenidiki dukan aldida tohtiğan taksidin çüşkän gävdilik bir adämniŋ yeniğa uçup degidäk yetip bardi. U adäm qoyuq qariyağaç sayisida turğanliqtin, jigit uni oçuq kšrälmisimu, u adämniŋ kiyivalğan üçäy şlyapisi aldidiki bir җüp kšzlirini qizğa tikip turğanliğini päräz qiliş täs ämäs edi.
Jigit iştik aylinip štüp, u adämgä kšzi çüşüşi bilänla qattiq vaqiravätkili tasla qaldi.
– Dadam!!!

Bälüşüş

Javap qalduruŋ