Äl Pähri

0
249 ret oqıldı

Tunҗa Prezident küni – qazaqstanliqlarniŋ inavätlik mäyrimi. Bu –intayin ähmiyätlik tarihiy kün, barçä vätändaşlirimizniŋ Millät Lideriniŋ ätrapiğa toplişidiğan küni.

Şämşidin AYuPOV,
«Uyğur avazi»

«Är yoq bolsa, äl – jitim, eli bahalimisa, är – jitim», däydu häliq danaliği. Şükri, bizdä elini šrgä yetäkläydiğan ärmu, pärzändini izzätläydiğan älmu bar.
Mälumki, biyil Vätinimiz säkkizinçi qetim dšlät mäyrimi Tunҗa Prezident künini nişanlaydu. Prezidentliq hakimiyät bilän mustäqillikniŋ 28 jilliq täҗribisi Qazaqstan üçün uşbu başquruş şäkliniŋ nätiҗidarliq ekänligini dälilläp, içki vä taşqi säyasätniŋ asasiy yšnilişlirini eniqlaşqa mümkinçilik bärdi.
Millät Lideriniŋ dana säyasiti tüpäyli, Qazaqstan Märkiziy Aziya bilän MDҺda aldinqi orunğa çiqti. İҗtimaiy-programmiliq ihtisadiy yšniliştiki täşäbbuslar zamaniviy, sür°ätlik täräqqiy qilğuçi dšlät quruşni täminlidi.
Buniŋdin 22 jil muqäddäm elimizniŋ Tunҗa Prezidenti – Elbası Nursultan Nazarbaev äl täräqqiyatiniŋ dağdam yolini kšrsitip beridiğan uzaq muddätlik «Qazaqstan – 2030» Strategiyalik programmisini tävsiyä qilğini mälum. Mäzkür hšҗҗättä štkän künlär täriplinip, keläçäktä atqurulidiğan izgü işlarniŋ plani tüzüldi. 1997-jili uşbu programmini elan qilğanda, Elbası: «Biz nemini qurğumiz kelidu, kšzligän mähsitimizgä yätküzidiğan täräqqiyatimizniŋ traektoriyasi, magistrali qandaq boluşi tegiş, uni eniq bilişimiz vä roşän his qilişimiz keräk», degän edi. Eytqini orunlandi. Qazaqstan hälqi şiҗaätlik ämgäk qilip, elimizniŋ iҗtimaiy-ihtisadiy täräqqiyati sür°ätlik ilgirilimäktä.
Pursiti kälgäçkä täkitläş lazimki, elimizniŋ paytähtidä bolup štkän Nur Otan partiyasiniŋ novättin taşqiri HIH qurultiyida partiya räisi Nursultan Nazarbaev Prezident saylimiğa Qasım-Jomart Toqaevniŋ çüşidiğanliğini eytqan edi. Qasım-Jomart Toqaev 2019-jili 20-martta Qazaqstan Prezidenti lavazimini egiläp, uniŋdin bir kün ilgiri Elbası Nursultan Nazarbaev Prezidentliq vakalitini tohtatqan edi. Bu – danaliqla ämäs, zor işänçä!
2019-jili 2-sentyabr'dä Qazaqstan Prezidenti Qasım-Jomart Toqaev Parlament palatiliriniŋ birläşkän oltirişida «Konstruktiv jämiyätlik dialog – Qazaqstanniŋ turaqliqliği vä güllinişiniŋ asasi» namliq Qazaqstan hälqigä Mäktübini yollidi.
– Keläçäk yšnilişini, maŋidiğan yolini, šsüş yolidiki mähsitini eniq bilgän mämlikätlärniŋ qandaq utuq-muvappäqiyätlärgä erişkänligini tarihtin yahşi bilimiz. Elimiz mustäqillikkä ändila qol yätküzüvatqanda kälgüsidiki 30 jilini oylisa, ändi qäddini rusliğanda jiddiy mähsätlärni alğa sürdi. Җiddiy mähsätlär – häliqniŋ ähvali, җiddiy mähsätlär – älniŋ yüksilişi. Җiddiy mähsätlär – paravän hayat.
Biz buniŋğa Elbası säyasitiniŋ uyğunluğini saqlap, sistemiliq islahatlar jürgüzüş arqiliq qol yätküzäläymiz. Özäŋlarğa mälumki, moşuniŋ hämmisi meniŋ saylam aldidiki programmamğa asas boldi. Һazir dšlät organliri uni ämälgä aşuruş üçün haҗät işlarni ämälgä aşurmaqta. Män häliqqä bärgän vädilirimni җäzmän orunlaymän, – dedi Prezident Qasım-Jomart Toqaev.
Elbası – Qazaqstanniŋ milliy behätärligi bilän region behätärligini mustähkämläşkä alahidä ähmiyät berip kelivatqan mäşhur şähs. Buniŋ eniq kšrünüşi – Kollektivliq behätärlik toğriliq şärtnamä täşkilatiniŋ vakalätlik organliriğa Qazaqstanniŋ räislik qilişi. Moşundaq izgü başlanmilarğa täşäbbuskar bolğan Elbasıni säyasiy ekspertlar «evraziyalik integratsiyaniŋ patriarhi» däp juquri bahalidi.
Qazaqstanniŋ İslam hämkarliq täşkilatiğa räislik qilişi – uşbu utuqniŋ qanuniy davami. Täşkilatqa äza bolğandin buyan 57 dšlätniŋ içidä umumiy içki mähsulatniŋ däriҗisi җähitidin Qazaqstan 12-orunğa kštirildi.
Äl qädirligän, duniya mädhiyiligän Elbası Nursultan Nazarbaev bar küç-ğäyritini, äqil-parasitini elimizniŋ paydisi üçün särip qilip, vaqit kšçidin alğa ozup, kälgüsi ävlatqa parlaq hayatniŋ asasini selip jürginini häliqara däriҗidiki ekspertlar bilän säyasätşunaslar yezip-bahalap kelivatidu.
Nursultan Nazarbaev 1992-jili dekabr' eyida bolup štkän Qazaqstan hälqi forumida elimizdiki birlik bilän razimänlikniŋ kapaliti – Qazaqstan hälqi Assambleyasini quruş toğriliq täşäbbus kštärdi. Bügünki kündä Assambleya paaliyiti Elbası işänçä-ümütini aqliğanliğini elimizdiki bärikä-birliktin kšrünidu. Һärbir elät väkilliri bir šyniŋ balisidäk tirikçilik qilip, bärpakarliq bayriğini kškkä kštärdi. Bu turğudin elip qariğanda, uşbu nazuk sahani ilmiy-metodikiliq җähättin qollap-quvätläş üçün җumhuriyättä däsläpki qetim mähsus kafedra Evraziya milliy universitetida eçildi. Һazir җumhuriyät boyiçä moşundaq kafedrilarniŋ sani 30ğa yätti. QHA kafedriliri birlik bilän paravänlikni tählil qilidiğan ilmiy-ämäliy mäydaniğa aylandi.
Elbasıniŋ «Umumğa ortaq ämgäk җämiyitigä qarap 20 qädäm», «Keläçäkkä nişan: mäniviy yeŋiliniş» namliq programmiliq maqaliliri – tünügünmu, bügünmu häm kälgüsidimu ähmiyitini yoqatmaydiğan çoŋ kontseptsiya. Tunҗa Prezidentimiz ämgäk arqiliq nätiҗigä qol yätküzüşniŋ yolini, sistemisini kšrsätti. Mäsilän, moşuniŋdin vuҗutqa kälgän «İş bilän täminläşniŋ yol häritisi – 2020» programmisi, uniŋ bäş jilğa uzartilişi, «İҗtimaiy bäş täşäbbus» häliqqä beridiğini çäksiz däp bilimiz.
«Uluq Dalaniŋ yättä qiri» namliq maqalä – milliy abroy-inavätni kšrsitidiğan, millätni ülgä-nämunä pällisigä başlaydiğan yol, yeŋilanğan Qazaqstanniŋ yarqin qiblinamisi. Elbasıniŋ mäzkür maqalisini strategiyalik ähmiyiti bar vä ilmiy-metodologiyalik maqalä däp çüşinişimiz keräk. Bu täsadipi yezilğan maqalä ämäs. Bu – Elbasıniŋ sistemiliq, mähsätlik hizmitiniŋ davami. Çünki buniŋdin ilgiri Millät Lideri «Mädäniy miras» programmisini tävsiyä qilğan edi. Şuniŋdin keyin «Häliq: tarih eqimida», «Keläçäkkä nişan: mäniviy yeŋiliniş» programmisi tävsiyä qilindi. Mana moşundaq sistema bilän kelivatqan programma. Şuŋlaşqimu Elbasıniŋ mäzkür ämgigini moşu çoŋ işniŋ davami däp bilişimiz keräk.
Yäkünläp eytqanda, Nursultan Nazarbaev – Qazaqstan hälqi üçün kün-tün demäy hizmät qilğan, yüksäk pälligä abroyi bilän yätkän bärpakar şähs. Bu pikirni häliqara däriҗidiki ekspertlar qäyt qilidu, biz uniŋ bilän älvättä, pähirlinimiz.

Bälüşüş

Javap qalduruŋ