Oğaq bilän Kätmän

0
172 ret oqıldı

(Mäsäl)

Şipaŋniŋ astidiki tamda esiqliq turğan Oğaq yärdä yatqan Kätmänni kšrüp, til qatti:
– Һäy, Kätmän beçarä, boynuŋni qisip yärdä yetipsänğu? Egäŋ seni kšzigä ilmay yärgä taşlap qoyuptu. Äŋ bolmiğanda, tamğa yšläp qoysiçu? Demäk, egimiz saŋa qariğanda, meni toliraq ätivalaydiğan ohşaydu.
– Һäy, buradär, egimiz seni balilar oynap bir yerini kesivalmisun däp, ularniŋ qoli yätmäydiğan yärgä esip qoyğan, äşunimu bilmämsän? — dedi Kätmän mäğrurlinip. — Sän bšküŋni aldiŋğa qoyup oylap baqqina, qaysimiz җiq iş qilip, egimizniŋ haҗitidin çiqimiz?
– Rast, egimiz seni kšpiräk işlitidu, – däp «Attin çüşsimu, üzäŋgidin çüşmäptu» degändäk, Oğaqmu boş kälmidi. – Män aşliq, qomuç, çšplärni oruymän. Sän äşu işlarni qilalamsän?
– Toğra dediŋ, Oğaqҗan, – dedi Kätmän külümsiräp. – Män qilğan işlarni sän qilalamsän? Egäm meniŋ bilän aşliq, kšktat, kšçätlärni suğiridu, eriq-šstäŋlärni tazilaydu, kšktatlarni otaydu, mšgilärniŋ tüvini yumşitidu, lay etidu, ora-kodaŋlarni kolap, topisini tšpigä taşlaydu. Demäk, män seniŋdin näççä hässä kšp iş qilimän. İkkimizniŋ egimizgä qilidiğan hizmitimizni taraziğa selip kšrsäŋ bolidu. Şu çağda qaysimizniŋ ätivaliq ekänligimizni bilisän.
Sšzgä Kätmän bilän Oğaqniŋ munazirisini aŋlap turğan Palta arilaşti:
– Һäy, ağinilär, egimizniŋ işlitidiğan җabduqliriniŋ šzigä has işliri bolidu. Ägär štmüşkä näzär salğidäk bolsaq, qedimiy zamanda adämlär dehançiliqni җotu (kätmänniŋ däsläpki bir türi) bilän başliğan. Vaqitniŋ štüşi bilän dehançiliq qurallirini işlitişkä qolayliq qilip, näççä qetim šzgärtkän. Һazir tehnikiniŋ täräqqiy etişi bilän bizniŋ qilidiğan işlirimizni yeza egiligi maşiniliri (kombayn, traktor, seyalka, jük maşiniliri) atquridu. Biz helä aram elip qalduq. Buniŋğa şükri qilip, hoşal bolayli. Һelimu egimiz uşşaq-çüşäk işlirini biz bilän orunliğaçqa, qädrimizgä yetip, bizni kütüp-saqlap kelivatidu. «Ötkän künüŋni untuma, şir çoruğiŋni qurutma» degän hälqimizniŋ dana sšziniŋ mänasini adämlär yahşi bilgäçkä, bizdin ayrilğusi kälmäydu. Qol ämgigi bar yärdä bizmu bar. Һärqaysimiz qolumizdin kälgän işni egimizniŋ kšŋlidin çiqqidäk qilip, uni razi qilişni untumayli, – däp Oğaq bilän Kätmängä nesihät qiptu…

Qasim İSMAYİLOV.

Bälüşüş

Javap qalduruŋ