Şeirlirim – hayatimniŋ çäşmisi

0
286 ret oqıldı

Һayat çäşmiliri
Qurlarğa täğdirniŋ sirlirin tizip,
Һär näpis sezimni näqişläp sizip.
Şeiriyät gülzarida kälmäktimän,
Gšdäk käbi astağinä «täytäy besip».

“Şairsimaq” däp bäzilär sšküşti,
Äl aldida zaŋliq qilip külüşti.
Şeirimdin šz äksini kšrgänlär,
Zähirini ilan käbi tšküşti.

Şeirlirim – hayatimniŋ çäşmisi,
Çüşänmäskän, äpsus, buni hämmisi.
Yazğinimni bahalaşta ataqliq
Şairlarniŋ bardur kšpläp hässisi.

Ämäsligim şair ayan šzämgä,
Minnätdarmän mänasini säzgängä.
Mähsitim bir – şairliqniŋ jükini
Kštirimän çüşärmästin yälkämdä.

Һayatimniŋ altundäk küzi
Ägäştürmä meni käyniŋdin,
Һayatimniŋ altundäk küzi.
Aqarsimu kümüçtäk başlar.
Qeriliqniŋ ämäs bälgüsi.

Pütkini yoq maŋğan yollirim,
İzlirimni basmas başqisi.
Maŋliyimda kšrüngän qoruq,
Gül yazimniŋ bärgän çaşqisi.

Män qorqmaymän jügrük jillardin,
Aşar davan aldimda tehi.
Sän jiraqlap ketivär mändin
Һayatimniŋ altundäk küzi.

Küz şamili
Jüräklärgä selip ändişä,
Tohtimastin çiqip keçiçä.
Küz şamili uzartip barar,
İssiqlarni bolğan yaziçä.

Yärgä çüşkän seriq yapraqlar.
Özlirini yan-yanğa atar.
Silkip, julup, urğanda şamal,
Egilidu yapraqsiz tallar.

Huddi açkšz bšridäk huvlar,
Yär-җahanni tirnaqlap morlar.
Һškümranliq qilip hämmigä,
Boysunduruş heylisin oylar.

Һä, başqursa biligi küçlük,
Küçsiz aŋa bolidu küçük.
Şamal ohşaş kšmsä topiğa
Eytqin, hali insanniŋ neçük.

Nemişkä?
Nemişkä?
Yalvurimiz qerindaşqa šz tiliŋda oqut däp,
Yoqap kätsä tilimiz, qalmasmizmu eytip “häp”.
Özgä tilda sšzlisä, hoşal bolup mahtinip,
Taparmizmu duniyada yaraşqidäk birär näp?

Nemişkä?
Män uyğur däp kerilip, kškrigiŋgä urisän,
Tiläk eytip rusçida toy-bäzmidä jürisän.
Ana tilda sšzlisä yaqturmastin šzäŋçä,
Huddi heҗaq maymundäk hirildişip külisän.

Nemişkä?
Ğulap barar çoŋqurni, qerindaşlar, kšrmäymiz?
Äҗdadimiz qaldurğan mirasiğa kšymäymiz?
Qädirlisäŋ bariŋni, setivätmäy hariŋni,
Miŋ yaşaymiz duniyada, yoqimaymiz, šlmäymiz!

Şair Mämnunni äsläp
Äslidim, şair aka, qut ismiŋni,
Mäğruranä tutqan ediŋ sän beşiŋni.
Hälqi aläm aldidimu üzüŋ yoruq,
Bostan qildiŋ şeiriyät gülşinini.

Yaşidiŋ kişilärgä tälmürmästin,
Şšhrätkä, mahtaşlarğa tälpünmästin.
Märtligiŋ şu ämäsmu – mukapatni
Alğiniŋda turğan ediŋ mahtanmastin.

Yaşidiŋ sän iҗattin qol üzmästin,
Täğdirniŋ tänisigä boy bärmästin.
Qerindaştäk bolğan ediŋ atam bilän
Ränҗişip, qiydaşmiğan yoq närsidin.

Ailidin bardi seniŋ zor amitiŋ,
Pärzäntliriŋ boldi seniŋ qoş qanitiŋ.
Ularğa yšläk bolğan yaşaş üçün
Mehriŋ bilän iradäŋ häm gül qamitiŋ.

Dostliriŋ “Mämnun” dätti äylişip zoq,
Dehan desäm dehandursän mol hosulluq.
Rubaiy, dastanliriŋiz – tamğaŋdur,
Ävlatqa nur kšrsitip çaqnar nurluq.

Yaşaş, šlüş muqärrärdur bu hayatta,
Mäŋgülük heçnärsä yoq häm җahanda.
Sän kättiŋ, amma mäŋgü yadlinisän,
Muhlisliriŋ untumaydu heçqaçanda.

Tepilar amalim
Qädirsizlär koçisida sinimaymän qädrimni,
Därt tartmiğan därtsiz bilän
bšlüşmäymän därdimni.
Hästä kšŋlüm şat ätküçi vapadarim – yarimğa,
Juğirilğan çin sšygüdä yätküzimän lävzimni.

Nalä qilip jiğlimaymän, eytip kšpkä ärzimni,
Qähritanğa aylandurmay gšzäl bahar päslimni.
Dostumğimu, düşmängimu
çaqçaq qilip, küldürüp,
Kšrsitimän sahtiliq yoq mehir tolğan äslimni.

Qiriq җanni äta qilğan ayallarğa, ilahim,
Qiriq җenim bolmisimu, yetär küçüm-madarim.
Sävirliktä kesip putqa salğan koyza-tuzaqni,
Mändä bardur başlaydiğan alğa mähsät-qararim.
Qädirsizlär koçisida sinimaymän qädrimni,
Bu šmrümni güllitişkä tepilar miŋ amalim.

Kšŋlüm
Kšŋlüm, päqät yahşilarğa işik aç,
Mehir bilän sadaqätniŋ nurin çaç.
Vapasizlar kelip çäksä navada,
Yeqinlatma sän šzäŋgä – neri qaç.

Һämmisila birdäk ohşaş «aq» demä,
Muhtaҗlarğa eçinğindä, «yaq» demä.
Һayat – deŋiz kemisidä nadanğa,
«Armanğa bir yetäyli, җür, aq», – demä.

Tirikkänmän, yultuz käbi çaqniğin,
Maŋa ayan seniŋ sudin pakliğiŋ.
Nazuk kšŋlüm, sehi kšŋlüm, yolumda
Putlaşturma, işänçimni aqliğin.

Dadamğa
Qeriliqniŋ iznasini bügünla,
Kšrüptimän yüziŋizdin, җan dada.
Qayğurmattim heçnemidin zadila,
Mäslihätçim bar bolğaçqa yenimda.

Ağriq sorap kirmäydekän äslidä,
Änsiräymän “yäŋmisekän” däp sizni.
Ärkiläpla jürüptimän bäzidä,
Oylimastin boynumdiki qärzimni.

Mehriŋizgä, dada, tehi toymidim,
Säzmigändim çoŋliğimni tehila.
Bariŋizda çoqqilarni boylidim,
Asta kirip şeiriyät beğiğa.

İkkimizniŋ mähsitimiz җiq, dada,
Bu ağriqqa siz asanla berilmäŋ.
“Şipa berip yšlisun, – däp häm Alla”
Ömrüŋizni här duada tiläymän.

Täbrik
Kirip qapsiz ällik bäş yaşqa,
Kšzliriŋiz tolmisun yaşqa.
Kšŋliŋizdä bolmisun ğämlär,
Qayğurmaŋ siz, akiҗan, başqa.
Talay sävda štsimu baştin,
Pällilärdin tinmay aştiŋiz.
Ömür däriya dolqunlirida
Ğäriq bolmay, qädäm bastiŋiz.
Qalğan hayat štsekän parlaq,
Ağrimastin yaşaŋ, siz, uzaq.

Çin dostlarmu yandin tepilip,
Düşminiŋiz qoymisun tuzaq.
Ämgäk etip, tepiŋ bärikät,
Aldiŋizda jügärsun amät.
İşäş qilip tutqan yariŋiz,
Yeniŋizdin kätmisun päqät.
Tuğulğan kün bolsun mubaräk,
Soğa qildim şeiriy tiläk.
Һayat-ğälvür tasqiğan çağda,
Bolsun mändäk siŋliŋiz yšläk…

Ötüp baridu
Ömür štüp baridu, säzdürmästin,
Gülzarida yaşliqniŋ käzdürmästin.
Şükri däyli maŋğuzğanğa, ilahim,
Ägri-donay yollarda, täzdürmästin.

Ömür štüp baridu kütälmästin,
Mähsätlärgä qalmayli yetälmästin.
Käçüräyli vädisigä vapasiz
Kätkänlärni bähitlik etälmästin.

Ömür štüp baridu qayrilmastin,
Yeqinlardin jüräyli ayrilmastin.
Sšzlär bilän kšŋülgä tiğ salmayli,
Täkküzgändä oq-yadäk, paylimastin.

Ömür štüp baridu ayimastin,
Qalğinini yaşayli kayimastin.
Nalä qilip här küni, tovva qilmay,
Seğizğandäk şaraqlap sayrimastin.

Qazaq dostumğa
Bir mäktäptä ustaz bolup işläydiğan,
Kšrüşmisäk, kinişip izdäydiğan.
Dostum bar – qazaqniŋ gšzäl qizi,
Uyğurçini šz tilidäk sšzläydiğan.

Käspimizgä sadiq bolup kelimiz,
Buliğidin bilimniŋ su sepimiz.
İliya bilän Muqaŋlardin ülgä elip,
Dost, sšziniŋ qädrigä biz yetimiz.

Qäläm elip qolğa Bilal, Abaydäk,
Ädäbiyat gülzarida «sayray» däp.
İlhamlinip şeir yezip qoyimiz,
“Jürigidin häliqniŋ җay tapay” däp.

Elim ohşaş dästihiniŋ seniŋ käŋ,
Dostqa sadiq hislitiŋni küyläy män,
Ärkinliktä kšk bayriğiŋ astida
Mustäqillik toyuŋni täŋ toylay män.

Muhtämilat
Päläkniŋ gärdişi aylinar bop çaq,
Bäzidä yaqmaskän, qilsa dost çaqçaq.
Nadanliq ilkidä bolmiğin tutqun,
Bilimniŋ meğizin šmürboyi çaq.
***
Һeçkimgä bärmäymän seni ändi, yaq
Seğinip barğanda sän bağriŋğa yaq.
Eriştuq bähitkä ändi degändä,
Ayrilip kätmäyli, sän – u, män – buyaq.
***
Jürigim, düşmänlärgä muz bolup qat,
İlhamim, dostlirimni misralarğa qat.
Muhäbbät işik çekip kälsä, kšŋlüm,
Mehriŋdin kšrpä salğin näççä qat-qat.
Gülçehrä ÄKRÄM.

Bälüşüş

Javap qalduruŋ