Kiçik yezidiki çoŋ dohtur

0
184 ret oqıldı

Elimizniŋ Tunҗa Prezidenti – Elbası Nursultan Nazarbaevniŋ «Keläçäkkä nişan: mäniviy yeŋiliniş» namliq maqalisida mustäqillik jillirida ämgäk qilip, elimizniŋ täräqqiyatiğa salmaqliq hässä qoşqan vätändaşlirimizniŋ ämgigi untulup qalmaydiğanliği qäyt qilinğan. Yäni Mustäqillik dävridä šziniŋ ämgigi bilän ozup çiqqan zamandaşlirimizni yaşlarğa ülgä qilip kšrsitişimiz lazimliği täkitlängän. Şuni asasqa alğan halda, män bügün älgä ämgigi siŋgän jutdişim, täҗribilik dohtur Maratҗan Qadirov häqqidä gäp qilmaqçimän.
Ämäliyatta, җan-dili bilän äl ğemi üçün tär tškkän mehnätkäş insanlar, häliqniŋ juquri hšrmitigä sazavär bolsimu, nam-şšhritini kšpkä җar selip, mahtinişni halimaydu. Aŋliq hayatida käspigä iştiyaq bağliğan Maratҗan Qadirov mana şu җümlidindur.
Ağriğiğa şipa izdäp kälgän härbir bemarniŋ jürigigä siliq-sipayä müҗäzi arqiliq yol tepip, üzülgän ümütlärni ulap, hayat üçün kürişip kelivatqan salamätlik pasibani Maratҗan aka Qadirovni tonumaydiğanlar kamdin-kam. U 1970-jili Kätmän ottura mäktivini äla bahalarğa tamamlap, S.Asfendiyarov namidiki Qazaq milliy meditsina universitetiğa oquşqa çüşidu. Uni muvappäqiyätlik tamamlap, qoliğa diplom alğandin keyin, birdin ana juti – Kätmän yezisiğa qaytip kelip, ämgäk yolini başlaydu. Mana şuniŋdin etivarän ta bügünki küngiçä yeziliq ağriqhanida işlävatidu
Qiriq jildin oşuq iş-paaliyitidä šz käspiniŋ mahiri ekänligini dälilligän vraç-terapevt Maratҗan aka bir jilliri yepilişqa yüzlängän yeza ağriqhanisini saqlap qelip, jut-җamaätniŋ minnätdarliği vä zor iltipatiğa erişti. Hulläs, yezimizdiki täҗribilik dohtur häqqidä aŋlap-bilgänlär jutumizniŋ bosuğisidin atlap, kesiligä dava tapmaqta. Һätta, Nur-Sultan vä Almuta ohşaş täräqqiy ätkän şähärlärniŋ turğunlirimu, zamaniviy tehnologiyalär bilän җabduqlanğan ağriqhanilarğa barmay, kiçik yezidiki puhta bilimgä egä, täҗribilik vraç Marat Qadirovqa kšrünüşni ävzäl kšridu. Һäptiniŋ qaysi küni yaki künniŋ qaysi vaqti boluşiğa qarimay, işigini çäkkän bemarniŋ kim yaki qäyärdin ekänligidin qät°iy näzär, hämmigä birdäk ğämhorluq qilip, kšŋlini qaldurmaydiğan salamätlik pasibaniniŋ, älvättä, häliq aldida abroyi üstün.
Nahiyä märkizidin yüz çaqirim jiraqliqta orunlaşqan Kätmän yezisidiki ağriqhaniniŋ namini çiqarğan Maratҗan aka Qadirovniŋ yätkän utuqliri, alğan mukapatliri sanap tügätküsiz. Lekin kiçik peyil, kämtar jutdişimiz šzini mahtiğandin jiraq.
Җämiyätlik işlarniŋ täşäbbuskari süpitidä jutniŋ otidin kirip, süyidin çiqip jürgän Maratҗan aka šmürlük җüpti Zäytünäm hädä bilän ailä qurup, 4 pärzänt sšydi. Zäytünäm hädä 40 jil mäktäptä matematika pänidin däris berip, hšrmätlik däm elişqa çiqqan peşqädäm ustaz. Parasätlik insanlarniŋ ailisidä šskän balilarniŋmu җämiyättin šz ornini tapidiğanliği talaşsiz. Җümlidin, çoŋ oğli Muratҗan aliy bilimlik – stomatolog. Şeräli 28 yeşida PhD doktor ilmiy däriҗisini alğan. AQŞta matematika päni boyiçä uzun jillar çät ällärdä ilmiy iş bilän şuğullanğan. Һazir u Suleyman Demirel universitetida däris beridu. Känҗä oğli Bähitҗanmu mäzkür universitetta hizmät qilidu. Ändi, yalğuz ğunçisi Zul'fiya bolsa, çevär tikinçi.
«Yahşiniŋ yahşiliğini eyt…» demäkçi, ämgigi mahtaşqa munasip vraç Maratҗan İskalinoğliğa «Uyğur nahiyäsiniŋ Pähriy grajdini» atiği berilsä, nur üstigä nur bolar edi degüm kelidu. Çünki bu meniŋ şähsiy pikrim ämäs, bälki pütkül kätmänliklärniŋ qälbidä jürgän oy. Biz härqaçan ämgäksšygüç jutdaşlirimiz bilän pähirlinip, yahşilarniŋ yahşiliğini yeziştin harğan ämäsmiz.
Şatliq SOPÄKOV.
Uyğur nahiyäsi.

Bälüşüş

Javap qalduruŋ