Yaş alimäniŋ utuği

0
126 ret oqıldı

Öz zamanida ayallarniŋ hoquqi šy işliri vä bala kütümi bilän çäklängänligini bilimiz. Ular җämiyätlik işlarğa arilişip, bilim elip, hizmät qiliştin jiraqlitilğan ekän. Amma kona iqlim yeŋi zamanniŋ kšläŋgisidä qaldi. Bügünki kündä ayallar häm šy işliriğa baş bolup, häm ärlär bilän bir säptä hizmät qilip, šz iqtidarini kšrsätmäktä. Qaysila sahani elip qarimaŋ, ayallarniŋ ülüşi ärlärniŋkidin kam ämäs. Öyniŋ tügimäs tirikçiligi bilän qatar җämiyättiki ornini yoqatmiğan, äksiçä, bilimini yetildürüp, zaman bilän täŋ ilgirilävatqan hanim-qizlirimiz yetärlik.

Sabiräm ÄNVÄROVA,
«Uyğur avazi»

Bügün biz yaş bolsimu, çoŋ utuqlarni qolğa kältürüp, qabiliyiti bilän talaylarni qayil qilip jürgän Diana Nasirova häqqidä qäläm tävrätmäkçimiz. Filosofiya boyiçä PhD doktori Diana Mahmutqizi 1983-jili 20-noyabr'da Uyğur nahiyäsiniŋ Çoŋ Aqsu yezisida tuğuldi. 2001-jili Ğ.Sädvaqasov namidiki Çoŋ Aqsu ottura mäktivini äla bahalar bilän tamamlap, şu jili Abay namidiki Qazaq milliy pedagogika universitetiniŋ fizika-matematika fakul'tetiğa oquşqa çüşidu. 2005-jili mäzkür aliy oquş ornida magistraturida oqup, «pedagog-fizik» däriҗisigä sazavär bolidu. Bilimini tehimu yetildürüş mähsitidä 2010-jili Abay namidiki Qazaq milliy pedagogika universitetida «fizika» mutähässisligi boyiçä doktoranturida tähsil kšridu. Şu yärdä oqup jürginidä Germaniyadiki Vuppertal' universitetiğa oquşqa çüşüp, professor German Boosniŋ rähbärligidä ilmiy tätqiqat işlirini davamlaşturidu.
Diana Mahmutqizi 2013-jili «Trehçastiçnıe effektı v izluçenii sverhplotnıh zvezd» mavzusida dissertatsiya yaqlaydu. Bu ämgäk yadroliq astrofizikidiki äŋ muhim mäsililärniŋ biri bolup hesaplinidu. Yaş alimä ottuzdin oşuq ilmiy-ämgäkniŋ vä birtürküm därislikniŋ häm «Prob­le­mı yader­noy ast­ro­fi­zi­ki (Sos­toya­nie ve­öe­st­va v eks­tre­mal'­nıh us­lo­viyah)» monografiyasiniŋ qoş muällipidur. İlmiy işliriniŋ birnäççisi «Thomson Reuters» vä «Scopus» bazisidiki ilmiy jurnalğa besilip çiqti. «Oquğan yärdä qalmaydu» demäkçi, keläçigidin tehimu zor ümütlärni kütküzüvatqan jutdişimiz bügünki kündä Abay namidiki Qazaq milliy pedagogika universitetiniŋ fizika kafedrisida çoŋ oqutquçi lavazimida ämgäk qilivatidu.
Diana Nasirova ailisidä vapadar yar. Yoldişi Dolqun İmirbaqiev bilän turmuş qurup, Ahat, Samir isimliq ikki oğul quçqan mehrivan ana. Hulasiläp kälgändä, yaşliğiğa qarimay bir qoli bilän alämni, bir qoli bilän bšşükni tävritip, hizmät bilän ailidiki väzipilirini täŋ hapaşlap, tilğa alarliq utuqlarğa yätkän Diana Mahmutqiziniŋ tehimu yüksäk çoqqilarni beqinduruşiğa tiläkdaşmiz.

Bälüşüş

Javap qalduruŋ