“Sergektin” sägäk boluŋ!

0
93 ret oqıldı

Yeŋi jildin tartip җänubiy paytähttä qoşumçä 400 “Sergek” videonazarät kameriliri işläşkä başlidi.
Nasirahun ROZAHUNOV,
“Uyğur avazi”

Mälum boluşiçä, megapolistiki nazarät kameriliriniŋ sani on ikki hässigä aşqan.
Nazarät kamerilirini ornitiş bilän şuğullinidiğan “Kšrkem Telekom” җavapkärligi çäklängän yoldaşliğiniŋ mudiri Äset Ahmetovniŋ sšziçä, ularniŋ sani yolniŋ näççä qatarliqliğiğa bağliq. Buniŋdin taşqiri kamerilar ayrim bir qatarğila qaritilişi, şundaqla käŋ miqiyasliq nazarät qilişi mümkin.
Birinçi ähvalda, ildamliqni aşuruş vä yol siziqliriğa riayä qilmasliq ohşaş qanunğa hilapliq qilişlar tirkilidu. Lekin härbir qanunni buzuş ähvali talaş-tartiş päyda qilişi ehtimaldin jiraq ämäs, sävävi, jürgüzgüçini yol qaidisini buzuşqa mäҗburliğan ähvallar moҗut boluşi mümkin. Mana şu çağda ikkinçi tiptiki kamerilar yardämgä kelidu.
Şuni täkitläş keräkki, moşundaq vaqiälärniŋ härqaysisi boyiçä җäriman türini bälgüläş avtomatik türdiki videonazarät kameriliri ämäs, hoquq qoğdaş organliriniŋ hadimliri qobul qilidu. Mälum boluşiçä, mähsus täyyarliqtin štkän inspektorğa mähsus elektronluq açquç berilidu, uniŋ yardimi arqiliq inspektor härbir ähval boyiçä šzgirişlärni kirgüzüp, tegişlik җäriman türini bälgüläydu.
Alahidä täkitläş keräkki, kamerilar yol qaidisini buzuş ähvallirini bir vaqittila çüşiridu. Mäsilän, jürgüzgüçi җämiyätlik transport üçün bšlüngän qatarğa çiqip, uniŋ üstigä bälgülängän ildamliqni aşurğan bolsa, ikki märtä yol qaidisini buzğanliği üçün җäriman tšläydu.
Yoldaşliq mudiriniŋ täkitlişiçä, jürgüzgüçi maşinisida koçiniŋ boş ämäs qiyilişiş җayiğa çiqiveliş ohşaş yol qaidisini buzuş ähvaliğa bağliqmu çüşiniksizlik moҗut.
Qanunğa muvapiq mäzkür punktqa bağliq däsläpki qetim hilapliq qilğanliği üçün jürgüzgüçigä agahlanduruş elan qilinidu, päqät ikkinçi qetimla җäriman selinidu. Äpsus, “Sergek” sistemisi jürgüzgüçiniŋ näççinçi qetim yol qaidisiniŋ mäzkür punktini buzğanliğini eniqlalmaydu. Şundaqla videonazarät kameriliri maşininiŋ içidä nemä yüz berivatqanliğini eniq çüşirälmäydu. Buniŋğa avtomobil' derizilirigä çaplanğan plenkilar (tonirovka) yaki kün nuridin äynäklärniŋ paqirişi mümkinçilik bärmäydu.
Şundaq ekän, “Sergektin” jürgüzgüçiniŋ behätärlik remeniniŋ bäkitilmigänligi yaki yanfon arqiliq sšzläşkänligi üçün җärimanniŋ kelişi muräkkäp mäsilä.
Mudirniŋ sšziçä, härqandaq inspektor jürgüzgüçiniŋ yol qaidisini buzğanliğiğa yüz payiz işäşlik bolğandila җäriman yezip ävätişkä hoquqluq. U mäzkür härikiti üçün qanun aldida җavap beridu.
Buniŋdin taşqiri keläçäktä mämlikitimizniŋ barliq regionlirida “Sergeklarni” ornitiş kšzdä tutulmaqta.

Bälüşüş

Javap qalduruŋ