Diniy bilim därgahi eçildi

0
48 ret oqıldı

Sabiräm ÄNVÄROVA,
«Uyğur avazi»

Öz zamanisida mäktäptin burun diniy mädrisilär eçilip, häliq aval diniy savatini açqan. Yäni, konilar bilim berişni diniy tälim-tärbiyä bilän ziç bağlaşturğan. Һazirqi ähval tamamän başqa. Diniy mädrisilär yoq ämäs, bälki kšp. Biraq ularniŋ içidin durus yolğa başlaydiğan, qanun asasida işqa qoşulğan mädrisilärni talliğan toğra. «Aç qulaq – toq qulaq» demäkçi, kšpinçä ata-anilar baliliriniŋ yat diniy eqimniŋ toriğa çüşüp qelişidin änsiräp, mädrisä ämäs, meçitlarğimu ävätiştin baş tartidu. Nätiҗidä ayrim yaşlirimizniŋ dindin jiraqlap, Evropa mädäniyitini boyiğa siŋirip šsüvatqanliği häqiqät. Qisqisi, bar gunani zamanğa artip, şuniŋğa imkaniyät yaritip berivatqan yänila šzimiz.
Därhäqiqät, Uyğur nahiyäsidiki yezilarniŋ barliğida degidäk bir-birdin meçit bar. Һä, hälqi kšp, mäydani çoŋ nahiyä märkizi Çonҗa yezisida bir ämäs, üç meçitniŋ huli tiklängän. Meçitqu kšp, amma moşu küngiçä nahiyädä birmu-bir diniy savat eçiş därgahi bolmiğan. Yeqinda Qazaqstan Diniy başqarmisiniŋ ruhsiti bilän Çonҗa yezisidiki märkiziy meçitniŋ yenidin diniy savat eçiş mädrisisi räsmiy türdä šz işini başlidi. İnsanlarni toğra yolğa, yahşiliqqa başlaydiğan muqäddäs därgahni salğan tiҗarätçi – Alimҗan Aşimov.
– Bu – märhum dadamniŋ armini edi, – däydu Alimҗan sšhbätara. – Atam Tohti haҗi din yolida yaşiğan insan. Äslidä, Çonҗiğa meçit selişni oyliğan eduq. Amma imamlar bilän mäslihätläşkändin keyin, nahiyämizgä mädrisä haҗätligini uqtuq. Һäqiqätän, Çonҗa yezisida 3 meçit bar. Lekin diniy savat eçişqa beğişlanğan birmu-bir mädrisä yoq ekänligini etivarğa elip, atamniŋ amanitini ämälgä aşuruşqa kiriştim. Allaniŋ raziliği üçün «bismilla» däp märkiziy meçit yenidin mädrisä vä 400 orunluq näzirhaniniŋ quruluşini qolğa alduq. Mana bügün mädrisiniŋ işigi eçilsa, Huda halisa, ätiyazda näzirhanini paydilinişqa berimiz.
Tšrt bšlmilik mädrisä zaman tälivigä layiq җabduqlanğan. Bu yärdä härqandaq yaştikilär häqsiz türdä diniy savat alalaydu. Һazirqi päyttä märkiziy meçitniŋ naib imami Sabırjan Uzbekov yeŋi mädrisidä mudärrislik qilmaqta.
Hulläs, arimizda yançuğidiki tšrt täŋgisini pitir-sädiqigä qiymaydiğan insanlar bar. Şundaqla Alimҗan Aşimovtäk duniyaniŋ qiziği üçün ämäs, Allaniŋ raziliği üçün tirikçilik qilidiğan jürigi käŋ, märt-märdanä äzimätlirimizmu az ämäs. İlahim, ätrapimizda şundaq yahşi adämlär kšpiyivärsun degümiz kelidu.

Bälüşüş

Javap qalduruŋ