«Şagirtlirimni balamdäk kšrimän»

0
289 ret oqıldı

Mäşür SASİQOV,
«Uyğur avzi»

Täҗribilik mäşiqländürgüçi İliyas Anayätovniŋ şagirtliri arisida duniya çempioni atalğanlar bar.
Yeqinda uniŋ yänä bir şagirti – Horlan Jahanşa Nur-Sultan şähiridä grek-rim kürişi boyiçä štkän duniya çempionatida 55 kilogramm salmaq däriҗisidä ikkinçi orunğa erişip, ustazini hoşalliqqa bšlidi. Çünki 120 mämlikättin kälgän sportçilar iştrak qilğan çempionatta utuq qazanğan şagirtini İliyas aka kiçigidin tärbiyiläp kelivatidu. Yänä kelip, u sportniŋ bu türi boyiçä Almuta vilayiti boyiçä bu baldaqqa kštirilgän Nurbaqıt Teŋizbaev vä Demeu Jadıraevtin keyinki üçinçi adäm bolup hesaplinidu. Jiraq-yeqindin şagirtiniŋ utuği bilän täbriklişivatqan käsipdaşliriniŋ illiq tiläkliridin İliyas akiniŋ beşi kškkä yätti.
Bu häqqidä İliyas aka mundaq däydu: «Horlan bilän Bağlan gezäklär vä qabiliyätlik sportçilar. Män ularni, hatalaşmisam, ikkinçi yaki üçinçi siniptin başlap mäşiqländürüp kelivatimän. Һazir ularniŋ yeşi ottuzğa taqap qalsimu, sportni taşliğini yoq. Mäsilän, Bağlan 2013-jili İranda härbiylär arisida štkän duniya çempionatida birinçi orunni egilidi. Bu — uniŋ tirişçanliğiniŋ nätiҗisi”.
Mäşiqländürgüçiniŋ eytişiçä, şagirtliriniŋ arisida mäşiqlärgä bir-ikki qetim kelip qoyup, izi yoqaydiğanlar kšp uçrişidiğan ohşaydu. Һä, ändi bäzilärni «kälmä» desäŋmu, äldin burun zalniŋ aldida «bezirip» turidu. Äynä şundaq balilardin häqiqiy sportçilar yetilip çiqidiğanliği eniq.
Moşu yärdä sšhbätdişimiz toğriliq ikki eğiz sšz. İliyas Anayätov 2007-jildin buyan häliqara däriҗidiki mäşiqländürgüçi. Öz sahasi boyiçä Evropa vä başqimu ällärdä şärtnamä boyiçä işläp kälgän. Ämgäk paaliyitidä on sport mahiri, ikki häliqara däriҗidiki sport mahiri, bir Qazaqstanğa hizmät kšrsätkän sport mahirini tärbiyiligän.
Ömrini yaşlarni sağlam hayat tärizigä çaqirip, ularniŋ härqandaq illätlärdin jiraq boluşini istigän İliyas Anayätov hazir Talğir nahiyäsiniŋ Tuzdıbastav yezisida qiriqqa yeqin balini mäşiqländürüvatidu.

Bälüşüş

Javap qalduruŋ