Ailidiki zorluq-zombiliq üçün җavapkärlik küçäytildi

0
93 ret oqıldı

Yoldaş MOLOTOV,
«Uyğur avazi»

Mälumki, štkän jilniŋ ahirida Prezident Qasım-Jomart Toqaev birmunçä qanunni imzalidi. Şularniŋ arisida «Җinaiy, җinaiy-protsessual qanunlirini vä şähsniŋ hoquqini himayä qiliş mäsililirini küçäytiş boyiçä Qazaqstan Җumhuriyitiniŋ ayrim qanun aktliriğa šzgirişlär vä toluqturuşlar kirgüzüş toğriliq» qanunmu bar. Qanunğa kirgüzülgän normilar ailidiki zorluq-zombiliq üçün җavapkärlikni küçäytidu.
Täkitläş lazimki, yeŋi jildin buyan küçigä kirgän bu qanun hazir җämiyitimizdä çoŋ bäs-munazirilärni päyda qilmaqta. Pikir eytivatqanlarniŋ bir qismi qanunğa kirgüzülgän šzgiriş vä toluqturuşlar ailidä zorluq-zombiliq kšrüvatqanlarniŋ hoquqlirini häqiqiy mänada himayä qilmaydu, äksiçä, җinayätçilärgä ayrim yenikçiliklärni yaritidu deyişmäktä. Ändi ayrimliri bolsa, “bu qanun ailidiki zorluq-zombiliq üçün җavapkärlikni küçäytidu” degän pikirni alğa sürmäktä.
Şuŋlaşqa štkän häptidä qobul qilinğan qanunniŋ ähmiyiti, alahidilikliri toğriliq İçki işlar ministrligi Mämuriy politsiya komitetiniŋ başqarma başliği Aleksey Milyuk jurnalistlarğa täpsiliy çüşänçilärni bärdi.
Һazir bizgä «nemişkä ailidiki zorluq-zombiliq üçün selinidiğan җäriman män°iy qilindi, uçastkiliq politsiya hadimi qanunğa hilapliq qilğanlarni qamaqqa alalamdu?» degän soallar bilän muraҗiät qilivatqanlar kšp, — dedi A.Milyuk. — Ändi qanunğa muvapiq, däsläpki qetim qanunğa hilapliq qilğanlarğa äskärtiş elan qilinidu vä 24 saatqiçä qamaqqa elinidu. Ägär sot “äskärtiş bu yärdä azliq qilidu häm zorluq-zombiliqniŋ davami boluşi mümkin” degän gumanda bolsa, җinayät däsläpki qetim ämälgä aşurulğan halättimu, 15 tävlükkä qamaqqa eliş qararini çiqiriş hoquqiğa egä bolidu. Uniŋdin taşqiri, sot qanunğa hilapliq qilğuçiğa munasivätlik alahidä män°iy qiliş täläplirini qobul qilişi mümkin. Bu җäriyan ilgärkigä qariğanda tehimu qattiq. Undaq män°iy qilişlar tšvändikilärdin ibarät. Qanunğa hilapliq qilğuçi zorluq-zombiliqqa duçar bolğan şähsniŋ hahişisiz uniŋ bilän munasivättä boluşi, alkogol' içimliklirini istimal qilişi, qural-yaraq tutuşi män°iy qilinidu.
Mälumki, ilgiri sot män°iy qilişlarni päqät җäriyan qatnaşquçiliri yaki politsiya tävsiyäsi bilän qobul qilatti. Ändi mundaq qararni šzi qobul qilidu. Şundaqla šzara kelişiş җäriyanlirimu küçäytildi. Ändi bu päqät sot qarari arqiliqla häl qilinidu. Yäni ilgiri šzara kelişiş sotqiçä häl qilinatti. Qanunğa muvapiq ändi šzara kelişiş җäriyani kältürülgän çiqim äsligä kältürülgändin vä mediatsiya җäriyanidin štkändin keyinla häl qilinidu. Ändi qanunda aililär zorluq-zombiliqta äyiplängän şähslärgä җäriman seliş küçidin qalduruldi. Ämäliyat kšrsätkinidäk, җäriman ailä byudjetiğa sälbiy täsir qilidu. Kšp vaqitlarda җärimanni yänila şu zorluq-zombiliq zärdavini tartqanlarniŋ šzliri tšläydu. Şuŋlaşqa bu nätiҗidarliği tšvän amil ämäliyattin qalduruldi.

Bälüşüş

Javap qalduruŋ