Muällim märtivisi

0
116 ret oqıldı

Pedagog – bu kona grek tilidin šzläşkän sšz bolup, «balini yetäkligüçi» degän mänani bildüridekän. Bir qiziği, kona Grekiyadä «pedagog» däp muällimlärni ämäs, balini mäktäpkä yetäkläp apirip, keyin qayturup elip kelidiğan qulni atiğanmiş. Yäni, pedagog hizmitigä qolidin eğir iş kälmäydiğan qullar tallavelinğan ekän. Һä, hazir «pedagog» däp muällimlärni ataymiz. Zaman yeŋilinip, bu sšzniŋ märtivisi šzgärgän bolsimu, pedagoglar bügüngä küngä qädär «qulluq» säyasitidin üzül-kesil qutulalmayvatqandäk…

Sabiräm ÄNVÄROVA,
«Uyğur avazi»

Şundaq, pedagoglar häqqidä sšz qozğisaq, bizni bearam qilidiğan soallar kšp. Keyinki jillarda elimizdä pedagog märtivisi häqqidä helä naraziliqlar päyda bolup, kšpçilikniŋ pikri kšçniŋ beşiğimu yätti. Häyriyat, aliy bilim därgahliridin muällim mutähässisligi boyiçä diplom alidiğan yaşlar nurğun bolğini bilän, mutähässislärniŋ eytişiçä, elimizdä heliğiçä pedagoglar tapçil ekän. Şuŋlaşqa hšrmätlik däm elişqa çiqqan muällimlärniŋ bir qismi ämgäktin qol üzmäy hizmät qilişqa mäҗbur boluvetiptu. Nemişkä? Sävävi, bügünki künniŋ yaşliri muällim boluşni halimaydu. Buniŋğa, birinçidin, muällimlärniŋ zimmisigä jüklängän jük, ikkinçidin, maaşiniŋ mäşäqitigä layiq ämäsligi säväp bolğan. Şuŋlaşqa Tunҗa Prezident – Elbası Nursultan Nazarbaev «Pedagog märtivisi» toğriliq qanun layihisini täyyarlaşni tapşurğan edi.
Җümlidin Yeŋi jil harpisida Prezidentimiz Qasım-Jomart Toqaevniŋ uşbu qanunğa qol qoyğanliği mälum boldi. Bu hävär muällimlär üçün 2020-jilniŋ asasiy yeŋiliğiğa aylandi. «Tšmürni qiziğida soq» demäkçi, bizmu bu mavzuni näzärdin sirt qaldurmiduq. Qisqisi, qolumizğa çüşkän mälumatlarğa asaslinidiğan bolsaq, qanunda pedagoglar üçün yeqimliq yeŋiliqlar kšp…
Bir sšz bilän eytqanda, buniŋdin keyin muällimniŋ abroyiğa nuqsan kältüridiğan ähvallar etivarsiz qalmaydu. Mäzkür qanunğa muvapiq muällimlärniŋ barliq hoquqliri qoğdilip, hizmitigä tamamän alaqisi yoq mäs°uliyätlärdin qutulidu.
Yaponiyaniŋ imperatori Seva šzidin keyinki äŋ kšp maaşni muällimlärgä tähsimligän ekän. Huş qilidiğini, Prezidentimiz Qasım-Jomart Toqaev eytqandäk, biyilqi jildin başlap elimizdiki muällimlärniŋ maaşi häqqi yänä 25 payizğa šsti.
Hulasiläp kälgändä, «Pedagog märtivisi toğriliq» däp atilidiğan mäzkür qanunniŋ elimizdiki bir yerim milliondin oşuq muällimniŋ märtivisini kštirip, abroyini šstüridiğanliğiğa işinimiz.

Bälüşüş

Javap qalduruŋ