Kšpçilik ğemidä jürgänlär munasip bahalandi

0
23 ret oqıldı

Mälumki, hazir Parlament deputatliri elimizniŋ barliq vilayätliri bilän şähär-yezilirini arilap, sayliğuçilar bilän uçrişip, ularniŋ qolğa kältürüvatqan utuq-muvappäqiyätliri, muŋ-muhtaҗi bilän yeqindin tonuşuvatidu. Şu җümlidin millitimiz väkili, Qazaqstan Җumhuriyiti Parlamenti Mäҗlisiniŋ deputati, QHA Keŋişiniŋ äzasi, ҖUEM räisi Şahimärdan Üsäyinoğli Nurumovmu štkän häptidä Almuta vilayitiniŋ Talğir, İli, Җambul, Uyğur vä Panfilov nahiyäliridä bolup, jut-җamaätçilik bilän uçrişişlarni štküzdi.

Şämşidin AYuPOV,
«Uyğur avazi»

Mana moşu hildiki baş qoşuş düşänbä küni Almuta şähiridiki «Dostluq šyidä» bolup štti. Uniŋğa birtürküm ziyalilar, alimlar, jurnalistlar, ҖUEMniŋ başqarma äzaliri bilän etnomädäniyät märkäzliriniŋ rähbärliri, şundaqla Almuta şähiri vä uniŋ ätrapidiki mähällilärniŋ häm Talğir nahiyäsidiki yezilarniŋ jigitbaşliri, hanim-qizliri vä җämiyätlik işlarniŋ aktivistliri qatnaşti.
Uçrişiş moderatori – «Uyğur avazi» gezitiniŋ baş muhärriri, QHA äzasi Erşat Äsmätov mäzkür baş qoşuşniŋ asasiy mähsitini häm uniŋ kün tärtivini qisqiçä çüşändürgändin keyin, däsläpki sšzni Qazaqstan Җumhuriyiti Parlamenti Mäҗlisiniŋ deputati, QHA Keŋişiniŋ äzasi Şahimärdan Nurumovqa bärdi. Şahimärdan Üsäyinoğli uçrişiş qatnaşquçilirini Yeŋi jil mäyrimi bilän täbrikläp, ularniŋ ailisigä hatirҗämlik vä işiğa utuq tilidi.
Mäҗlis deputati şundaqla adresliq iҗtimaiy yardäm, mäҗburiy iҗtimaiy meditsiniliq ğämsizländürüş vä başqimu muhim iҗtimaiy mäsililär boyiçä yeŋi qobul qilinğan qanunlarğa häm ularniŋ qazaqstanliqlarğa kšpligän yahşiliqlarni elip kelidiğanliğiğa ätrapliq tohtaldi.
Baş qoşuşniŋ ikkinçi qismi «Uyğur avazi» gezitiğa muştiri toplaşqa paal qatnaşqan gezitimiz җankšyärlirini räğbätländürüşkä beğişlandi. «Uyğur avazi» gezitiniŋ baş muhärriri Erşat Mollahunoğli jiğin mähsitini çüşändürgäç, gezitimizğa muştiri toplaşqa paal qatnaşqan barliq җankšyärlirimizgä minnätdarliğini izhar qildi. Andin u sšz novitini ҖUEM räisi Şahimärdan Nurumovqa bärdi. Natiq, šz sšzidä, җumhuriyätlik «Uyğur avazi» gezitiniŋ җämiyättä egiläydiğan roliğa qisqiçä tohtilip štkäç, gezitniŋ paaliyitigä yeqindin arilişip, uniŋ mäzmuniniŋ yahşilinişiğa vä tariliş dairisiniŋ käŋiyişigä salmaqliq hässä qoşqan birtürküm alimlarğa, jigitbaşliriğa, hanim-qizlarğa, gezit kollektiviğa, umumän, mäniviy oyğinişqa qarap yüzlinivatqan barçä uyğur җamaätçiligigä sämimiy minnätdarliğini bildürdi.
Şahimärdan Üsäyinoğli şundaqla šz sšzidä balilirimizni šziniŋ ana tilida oqutuşniŋ zšrürlüginimu alahidä tilğa aldi. «Biz šzimizniŋ ana tilimiz bilän mädäniyitimizni, tarihimizni üginidiğanğa, urpi-adätlirimizni saqlap qalidiğanğa häm uniŋ hämmisini käynimizdä šsüp kelivatqan qarakšzlirimizgä qalduridiğanğa päqät mustäqil Qazaqstan dšlitidila mümkinçilik bar. Moşuni yadimizdin çiqarmayli, qerindaşlar!», dedi u sšzini yäkünläp.
Şuniŋdin keyin җämiyätlik işlarda paaliyätçanliq kšrsitivatqan qerindaşlirimizğa QHAniŋ, Parlament Mäҗlisiniŋ häm җumhuriyätlik Uyğur etnomädäniyät märkiziniŋ vä «Uyğur avazi» gezitiniŋ mukapatliri tapşuruldi. Şundaq qilip, Şahimärdan Üsäyinoğli Nurumovniŋ qolidin birtürküm şähslär QHAniŋ häm Almuta şähärlik QHAniŋ vä Qazaqstan Җumhuriyiti Parlamenti Mäҗlisiniŋ Täşäkkürnamisini elişqa muyässär boldi.
U küni şundaqla Almuta vä uniŋ ätrapidiki mähällilärdin häm Talğir nahiyäsiniŋ yeziliridin kälgän 40qa yeqin jigitbeşi bilän hanim-qizlar häm birtürküm җämiyätlik işlarniŋ aktivisti ҖUEM bilän «Uyğur avazi» gezitiniŋ pähriy yarliqliri bilän mukapatlandi. Qisqisi, kšpçilik ğemida säkparä bolup, hardim-taldim demäy işligänlärniŋ şiҗaätlik häm pidakaranä ämgigi munasip bahalandi.
Täkitläş keräkki, Mäҗlis deputatiniŋ qolidin mukapat alğanlarniŋ hoşalliğida çäk yoq. Ular «Uyğur avazi» geziti kollektivi bilän ҖUEM täripidin kšrsitilgän bu zor hšrmätni kšrüp, bšläkçä hayaҗanlandi. Därväqä, milliy mädäniyitimizniŋ, mätbuatimizniŋ häqiqiy җankšyärliri bolğan hanim-qizlar bilän jigitbaşliriniŋ, bolupmu birtürküm alimlirimizniŋ mukapatlinişi – ularniŋ rohini tehimu kštärdi.
Kün tärtividä şundaqla täşkiliy mäsilä qaraldi. ҖUEMniŋ Almuta şähärlik şšbisiniŋ räisi, meditsina pänliriniŋ namziti Äbäydullam Җapparov ҖUEM räisiniŋ orunbasari, Talğir nahiyäsiniŋ baş jigitbeşi Oktyabr' Qurbanniyazov ҖUEM yenidiki Jigitbaşliri keŋişi räisiniŋ orunbasari, milliy mädäniyitimizniŋ җankšyäri Saniyäm Bavdinova ҖUEM Almuta şähärlik şšbisiniŋ Türksib nahiyäsi boyiçä räisi bolup saylandi.
***
Seşänbä küni Şahimärdan Nurumov Almuta şähiridiki A.Rozibaqiev namidiki 153-mäktäp-gimnaziyaniŋ mäҗlislär zalida Ävezov nahiyäsiniŋ turğunliri bilän uçraşti. U yärdä Şahimärdan Üsäyinoğli adresliq iҗtimaiy yardäm, mäҗburiy iҗtimaiy meditsiniliq ğämsizländürüş, muällim märtivisini kštiriş vä başqimu muhim iҗtimaiy mäsililär boyiçä yeŋi qobul qilinğan qanunlar toğriliq doklad oqudi.
Uçrişişta qatnaşquçilar täripidin deputatqa birqatar soallar qoyuldi. Gimnaziya kitaphaniçisi Gülbostan Zäynalova mäktäp kitaphaniçiliriniŋ ayliğiniŋ tšvänligi, mäsilän, yeŋidin işqa kälgän mutähässisniŋ 65 — 75 miŋ täŋgä ätrapida maaş alidiğanliği, şundaqla bu sahada 95 payiz pensionerlarniŋ işläydiğanliğini täkitlidi. U şundaqla ilgiri Qazaq Qizlar pedagogika universitetida kitaphaniçi mutähässislär täyyarlanğan bolsa, hazir bu bšlümniŋ yepilip kätkänligi toğriliqmu eytti. «Dostıq» pätir egiliri kooperativiniŋ räisi Pärhat Sayitov gaz egiligigä munasivätlik problemilarğa tohtaldi. Qoyulğan soallarğa Mäҗlis deputati qanaätlinärlik җavap bärdi vä ularni tegişlik orunlarğa yätküzüşni vädä qildi.
Bu küni Ş.Nurumov vä bir türküm mehmanlar štkän jili muräkkäp җšndäştin štüp, toniğusiz däriҗidä šzgärgän gimnaziya benasini arilap çiqti. Sinip bšlmilirini, sport vä mäҗlis zallirini kšrüp, ularniŋ näpäsi bilän yeqindin tonuşti.
Uçrişiş ahirida gimnaziya mudiri, Almuta şähärlik mäslihätniŋ deputati Şavkät Ömärov qimmät vaqtini bšlüp, nahiyä turğunliri bilän uçrişiş mähsitidä qädäm täşrip qilğan deputatqa sämimiy minnätdarliğini bildürdi.

Bälüşüş

Javap qalduruŋ