«Yättä qerindaş» başlap bärdi, kim davamlaşturidu?

0
179 ret oqıldı

Bähtişat SOPİEV,
«Uyğur avazi»

Bu Almutidiki adättiki qerindaşlar mäşrivi. Uniŋğa Taşmähämät haҗim Ğoҗamiyarov rähbärlik qilidu. Äsli qerindaşlarniŋ beşini qoşqanmu şu yaq. U künlärni Taşmähämät haҗim eğir «uh» tartip äsläydu.
Atmişinçi jilliri Ğoҗamiyarovlar ailisi tarihiy Vätinimizdin çiqip, Җambul nahiyäsiniŋ Uzunağaş yezisiğa orunlaşqan ekän. Balilarniŋ tunҗisi bolğan u oqätniŋ epi-җepini tepip almutiliq bolidu. «Gaday bolsaŋ, şä talaş» degändäk, asta-asta qerindaşlirini yeniğa äkevalidu. Aldini šylükmu qilidu. Ularniŋ tirikçiligimu bir boldi. Şähärdiki däsläpki «Arzu» namliq milliy aşhana äynä şu Ğoҗamiyarovlarniŋ bolidiğan. Keyiniräk alma beğini bärpa qilidu. Һazir härqaysiniŋ šz aldiğa tirikçiligi bar. Äŋ ävzili, ular pat-pat «Yättä qerindaş» mäşrividä baş qoşidu.
Mäşräpniŋ paşşapbegi Turğan haҗim qurulğiniğa jigirmä jil bolğan mäşräpniŋ paaliyitigä qisqiçä tohtaldi. İlgiri hoquq qoğdaş organlirida işligän Turğan haҗim birinçi novättä tärtip-intizamğa ämäl qilidu. Ularda keçikiş, säväpsiz mäşräp taşlaş degän yoq. Һämmä närsä mäşräpniŋ qaidisi boyiçä maŋidu. Qaidigä riayä qilmiğanlarni dava-dästürgä çaqirip, «җazalaydiğan» päytlärmu uçrişidu.
… Mana novät nahşa-sazğa berildi. Nurpaşa vä Asiyäm hädilär adättikidäk šzliriniŋ yeqimliq nahşiliri bilän mäşräpni qizdurdi. Ularniŋ birini “Kšktšbiniŋ, yänä birini Avatniŋ bulbulliri” däpmu qoyidu. Qerindaşlarniŋ balilirimu huddi moşundaq mäşräp oynaydekän. Ular jigirmidin eşiptu. Novät nävrilärniŋ ohşaydu.
Nahşa-saz, oyun-külkä šz aldiğa. Qerindaşlar baş qoşqanda millitimizniŋmu ğemini qilidu. Tapqininiŋ mälum qismini muhtaҗlar bilän bšlüşüşkä adätlängän qerindaşlar bu qetim Taşmähämät haҗimniŋ täşäbbusi bilän «Uyğur avaziniŋ» oquğuçiliri saniniŋ kšpiyişigä ülüşini qoşuşni niyät qildi. Yättä qerindaşniŋ hämmisi gezitimizğa muştiri boptu. Bu baş qoşuşta ular yänä yättä adämniŋ gezitqa muştiri boluşiğa yardäm qolini sundi.
— Arimizda gezitqa yezilişqa ihtisadi yar bärmäy, milliy näşrimizgä täşna insanlar boluşi mümkin. Bizdä äynä şundaq yättä adämniŋ rohiy usluğini qanduruş istigi päyda boluvatidu, – däydu Taşmähämät haҗim biz bilän bolğan sšhbättä. – «Kšp tükärsä, kšl bolur» demäkçi, gezithanlirimiz sanini 20 miŋğa yätküzsäk, nur üstigä nur bolmamdu?
Mäşräpbeginiŋ bu täşäbbusini qerindaşlar bir eğizdin qollap-quvätläşti. Bizmu bu täşäbbusni hoşalliqlar ilkidä qarşi alduq. Mundaq başlanmini «Yättä qerindaş» mäşräp ähli başlap bärdi. Ändi uni kim davamlaşturidu?

Bälüşüş

Javap qalduruŋ