Tuğuthana hämşirisi

0
361 ret oqıldı

Raşidäm RÄҺMANOVA,
«Uyğur avazi»

Çeläklik Nurbüvi Tohtahunova – hayatiniŋ 28 jilini tuğuthana hämşirisi hizmitigä beğişliğan insan. Һäqiqitini eytsaq, Nurbüvi anini kšrüp, uni säksängä käldi deyişkä härgiz tilimiz barmidi. Bu uniŋ tallavalğan käspigä yüz payiz bağliqmekin däp oyliduq, halas.
Nurbüvi aniniŋ tärҗimihaliğa tohtalsaq, u Çeläktä tuğulup šsti. Atisi Ömär 1941-jili 35-36 yaşlirida mäydanğa atlandi. Anisi Märiyäm Tursunbüvi, Mahinur vä Nurbüvi isimliq qizlirini bağriğa besip qaldi. Keçä-kündüz kolhozniŋ işini qildi. Ömär atiğa uruştin qaytip keliş nesip bolmidi. Uruş tügäp helidin keyin ailisi uniŋ süyiginiŋ Pol'şa şähärliriniŋ biridiki qerindaşliq qäbirstanliğida yärlängänligi häqqidä uçur aldi.
Uruştin keyin Nurbüviniŋ kamalätkä tolğan hädiliri biridin keyin biri talaliq bolup kätti. Nurbüvi bolsa, Kirov namidiki mäktäpni äla bahağa tügätti. Andin şu zamanniŋ tälivi bilän ikki jil Çeläk basmihanisida işlidi. Şu päyttä Çeläktä däsläpki mäşräpni qurğuçilarniŋ biri – Һakimҗan Ğayipovqa turmuşqa çiqti. Ötkän äsirniŋ 40-jilliri atisi İşmuhämät bilän Çeläktä püvdäp çalidiğan äsvaplar orkestrini qurğan bu insanni şu dävirniŋ adämliri yahşi bilätti. Çünki bu yezidiki birdin-bir orkestr bolğanliqtin, uniŋ abroy-inaviti bšläkçä bolğan edi. Nahiyälik Mädäniyät šyidä yaşlar üçün uyuşturulğan käçlär uşbu orkestrniŋ qatnişisiz štmätti. Şundaqla ular nahiyälik, vilayätlik sän°ät kšrüklirigä iştrak qilip, birnäççä qetim mukapatliq orunlarğa erişkän edi. Atisidin keyin orkestrğa Һakimҗan rähbärlik qildi. U iҗadiy kollektivqa täväniŋ talantliq yaşlirini җälip qilip, tirişçanliği tüpäyli jutdaşliriniŋ alqişiğa bšländi.
Mana moşundaq ilğar pikirlik insan bilän üç qiz tapqan Nurbüvi yoldişiğa baliliq dävridin tuğuthana hämşirisi boluşni arzulaydiğanliğini eytidu. Һakimҗan uni qollap-quvätläydu. Nurbüvi 1966-jili Talğir meditsina uçiliöesini tamamlap, Çeläk pärzänthanisiğa işqa kirip, 28 jil ta pensiyagä çiqqiçä şu yärdä işläydu.
Uzun jillar mabaynida Çeläk nahiyälik ağriqhaniniŋ baş dohturliri Qasim Qadirov, Qojahmet Ämirov, Mähämätҗan Ğäniev, bšlüm başliqliri, akuşer-dohturlar Nikolay Savinov, Natal'ya Çagay, balilar dohturliri Qayşa Äbdikarimova, Roza Muhametjanova ohşaş meditsina sahasiniŋ älaçiliri bilän yanmu-yan ämgäk qiliş nätiҗisidä Nurbüvi Tohtahunovamu ilğarlar qataridin orun elip, kšpligän jillarda uniŋ räsimi Һšrmät tahtisidin orun aldi.
– Birdä Çeläk tuğuthanisi remontqa yepilip qaldi. Biz bäş-altä ay davamida Bijanov yezisidiki tuğuthaniniŋ tärkividä işliduq. Şu çağda män ismi rivayätkä aylanğan dohtur Emmanuel' Nazaryan bilän işläş bähtigä egä boldum. Qisqa vaqit içidä uniŋdin nurğun närsini üginip, täҗribä aldim. «Meditsinidiki äŋ çirayliq operatsiya – baliniŋ tuğuluşi» däydiğan edi u hemişäm.
Yüzligän balilarniŋ yoruq duniyaniŋ işigini hovup-hätärsiz eçişini täminligän tuğuthana hämşirisi Nurbüvi Tohtahunovaniŋ hayati päqät hoşalliq bilänla štkini yoq. Çoŋ qizi Aida eğir ağriqtin baqiliq boldi. Yoldişi Һakimҗan akimu 2002-jili 65 yeşida alämdin štti. Märhumğa yeqinliri kšrälmigän yahşiliqlarni kšrüş nesip boldi. Һazir u qalğan ikki qizi Dilinur vä Gülzaridin bäş nävrä vä bir çävrä sšygän bähitlik ana vä mehrivan moma. Uruq-tuqqan, qerindaş vä dost-yaränliri üçünmu intayin äziz.
Ämgäkçiqazaq nahiyäsi.

Bälüşüş

Javap qalduruŋ