Qazaqstan hälqi Assambleyasiniŋ Jambul vilayitidiki vaqiälärgä bağliq bildürüşi

0
104 ret oqıldı

Qordayda yüz bärgän vaqiälär mämlikätniŋ härbir grajdaniniŋ qälbidä җiddiy täşviş päyda qildi.
Paҗiä yüz bärdi – grajdanlirimiz halak boldi.
Qazaqstan hälqi Assambleyasi halak bolğanlarniŋ uruq-tuqqanliri bilän yeqinliriğa sämimiy täziyä bildüridu, zärdap çäkkänlärniŋ çapsaniraq saqiyip ketişini tiläydu.
Dšlät rähbiri toqunuş aqivätlirini yoqitiş boyiçä asasliq tapşurmilarni bärdi. Biz Qazaqstan hälqigä moşu küç-quvätni qollap-quvätläş vä ularni ämälgä aşuruşqa härtäräplimä yardäm qiliş çaqiriği bilän muraҗiät qilimiz.
Moşu tapşurmilarğa muvapiq, Assambleya mämlikätniŋ barliq regionlirida çüşändürüş işlirini, etnomädäniyät birläşmiliri bilän jiğinlarni štküzdi.
Assambleya äzaliri “җinayät – millätkä bšlünmäydu” degän pikirni toluq qollap-quvätläydu vä gunakarlar eniqlinip, qanun boyiçä җazağa tartilişi keräk, däp hesaplaydu.
Şuŋlaşqa bügünki kündä äŋ asasiy väzipä – iğvagärlikkä berilmäslik, ayrim väkilliri ämälgä aşuruvatqan tärtipsizliklär üçün pütünsürük millätlärni äyipläşkä yol qoymasliq.
Assambleya häliq danaliğiğa işänçä bildürgüç, mämlikät grajdanliridin, hämmidin aval yaşlardin, elimizdiki teçliq vä razimänlikkä sälbiy täsir, šzlirigä ziyan yätküzidiğan, aldiraqsanliqqa elip kelidiğan qädämlär bilän iş-härikätlärdin saq boluşni soraydu.
Qazaqstan hälqiniŋ bir-biri bilän här dayim qerindaşliq munasivätniŋ yarqin ülgisi bolğanliğiğa vä şundaq bolup qalidiğanliğiğa işinimiz.
Balilirimizniŋ umumiy keläçigi üçün milliy adavätniŋ päyda boluşiğa yol qoymasliğimiz keräk.
Biz grajdanlarni yalğan miş-mişlarğa işänmäy, hoquq qoğdaş organliriğa җämiyätlik behätärlikni vä adämlärniŋ hatirҗämligini täminläştä yardäm qilişqa, mämlikitimizdä teçliq vä hatirҗämlikni saqlaşqa çaqirimiz.

Bälüşüş

Javap qalduruŋ