«Qazaqstan – meniŋ täğdirimdä»

0
149 ret oqıldı

Mäşür SASİQOV,
«Uyğur avazi»

Seşänbä küni Almuta şähiridiki «Dostluq šyidä» M.Ävezov namidiki Ädäbiyat vä sän°ät instituti, Almuta şähärlik Qazaqstan hälqi Assambleyasiniŋ ilmiy-ekspertliq topi, Qazaqstan Yazğuçilar ittipaqi vä «Belarus' mädäniyät märkizi» җämiyätlik birläşmisiniŋ uyuşturuşida QHAniŋ qurulğiniğa 25 jil toluşi munasiviti bilän «Qazaqstan – meniŋ täğdirimdä» mavzusida häliqara «dügläk üstäl» bolup štti. Uniŋğa elimizgä tonulğan yazğuçi-şairlar, etnomädäniyät märkäzliriniŋ rähbärliri, ziyalilar vä yetäkçi bilim därgahliriniŋ oqutquçiliri, magistrant-doktorantlar häm studentlar qatnaşti.
“Dügläk üstälni” kirişmä sšz bilän açqan M.Ävezov namidiki Ädäbiyat vä sän°ät institutiniŋ analitika vä taşqi ädäbiy munasivätlär bšlüminiŋ başliği, Qazaqstan Yazğuçilar ittipaqiniŋ başqarma äzasi Svetlana Anan'eva çarä-tädbir җäriyanida muzakirä qilinidiğan mavzularğa tohtalğandin keyin sšz novitini Almuta şähärlik QHA kativatiniŋ rähbiri Nazar Balğimbaevqa bärdi. Natiq millätlärara razimänliktin taşqiri, ädäbiy dostluqniŋmu moҗut ekänligini täkitligäç, elimizdä istiqamät qilivatqan etnoslar šzliriniŋ mädäniyitini, ana tilini vä başqimu milliy alahidiliklirini täräqqiy ätküzüşkä barliq şärt-şaraitlarniŋ yaritilivatqanliğini qäyt qildi. U šz sšzidä, qazaq ädäbiyatini šzgä häliqlär ädäbiyati bilän bağlaşturup, uniŋ rivaҗlinişiğa salmaqliq hässä qoşuvatqan institut hadimliriğa minnätdarliq bildürdi. Şundaqla Nazar Albanoğli institut täripidin täyyarlinip, bügün kšpçilikniŋ diqqitigä havalä qilinivatqan «Qazaqstan – meniŋ täğdirimdä» namliq hrestomatiyadä qazaq, rus, uyğur, korey, nemis, šzbäk, kurd, tatar, belarus' poeziyasi bilän türk, osetin, çeçen, bolğar vä tuŋgan şair-yazğuçiliriniŋ ämgäkliriniŋ orun elişini elimizdä ädäbiy dostluqniŋmu mustähkäm ekänliginiŋ yarqin ispati ekänligini täkitlidi.
Andin novät bilän sšzgä çiqqan natiqlar, җümlidin institut mudiriniŋ orunbasari, filologiya pänliriniŋ namziti Al'mira Kalieva, «Belarus' mädäniyät märkizi» җämiyätlik birläşmisiniŋ räisi Leonid Pitalenko, Qazaqstan Yazğuçilar ittipaqiniŋ kativi, şair, tärҗiman Bahıtjan Kanap'yanov, filosofiya pänliriniŋ doktori Muhtarbek Şaykemelev, filologiya pänliriniŋ doktori Alimҗan Tilivaldi, Almuta şähärlik Uyğur etnomädäniyät märkiziniŋ räisi Һosmanҗan Obulov vä başqilar qazaqstanliq şair-yazğuçilarniŋ iҗadiyiti yorutulğan näşirgä munasivätlik pikirliri bilän ortaqlaşti. Bolupmu ular «Ädäbiy dostluq – äbädiy dostluq» demäkçi, iҗadiyättä çegara yoqluğini alğa sürgän halda, Qazaqstan ädäbiyatini duniyağa käŋ tonutuş keräkligini eytti.
Һäqiqätänmu äl-Farabi bilän Abay arqiliq Qazaqstanni duniya ähli tonuydu. Ularniŋ bu däriҗigä kštirilişigä nemä säväp? Äynä şu ädäbiyat vä iҗadiyät. Demäk, bepayan qazaq dalasidin vä mehrivan hälqidin ilhamlanğan härqandaq millätniŋ şairini qollap-quvätläş lazim. Һä, «dügläk üstäl» davamida bäs-munazirä qilinğan «Qazaqstan – meniŋ täğdirimdä» hrestomatiyasi elimizdä jürgüzülüvatqan «Bir häliq, bir äl, bir täğdir», «Ruhani jaŋğıru» programmiliri dairisidä yoruq kšrgän bolup, u asasän qazaqstanliqlarni šmlükkä, inaqliqqa dävät qilidu. Jil ahiriğiçä hrestomatiyaniŋ ikkinçi tomi kšpçilik bilän üz kšrüşüp, uniŋ räsmiy tonuşturuş märasimi štküzülmäkçi.
Täkitläş keräkki, däsläpki tonuşturuş märasimi Minsk şähiridä štkän uşbu näşirgä onğa yeqin uyğur şairiniŋ şeirliri kirgüzüldi vä u belarus' kitaphanliri täripidin qizğin qarşi elindi. Şundaqla biyil Belarus' mämlikitidä «2020-jil — Uyğur ädäbiyati jili» däp elan qilinğan. Şu tüpäyli jil davamida u yärdä milliy ädäbiyatimizğa munasivätlik birqatar çarä-tädbirlärni štküzüş kšzdä tutulmaqta.

Bälüşüş

Javap qalduruŋ