«Җännät anilarniŋ tapininiŋ astida»

0
29 ret oqıldı

Mäşür SASİQOV,
«Uyğur avazi»

Җambul nahiyäsiniŋ Qarğalı yezisiğa bizni mähsus täklip qilişti. Һä, bu jutta 8-Mart Hanim-qizlar mäyrimigä beğişlanğan märasim štmäkçi. Helila burun kelivalğaçqa biz märasim başlanğiçä jutniŋ baş jigitbeşi Räpqät Mähsütov bilän Hanim-qizlar keŋişiniŋ räisi Dilbärgül Sadarovani sšhbätkä җälip qilduq.
– Jigitbeşi bolup saylanğinimğa kšp bolmidi – dedi Räpqät Mähsütov. – Şundaq bolsimu, qolumizdin kälginiçä kšpçilikniŋ hizmitini qilişqa tirişivatimiz. Bilmigän yerimiz bolsa, mäslihät beridiğan aqsaqallirimiz bar, şular yol-yoruq kšrsitip turidu. Özäŋlarğa mälum bolğinidäk, yezimizda härhil millät väkilliri yaşaydu. Şuŋlaşqa hazirqi väziyätkä bola, bügünki kündä biz, birinçi novättä, amma arisida millätlärara razimänlikni saqlaş vä yoqilaŋ närsilärdin tuğulidiğan toqunuşlarniŋ aldini elişqa küç selivatimiz. Buniŋdin taşqiri, hudağa şükri җamaitimiz җäm, başqilardin qelişmay degändäk, toy-tškün vä näzir-çiraqlarni milliy-urpi-adät, räsim-qaidilirimiz boyiçä, štküzüp kelivatimiz.
– Räpqät akamniŋ sšzlirigä toluq qoşulimän – däp sšhbitimizgä arilaşti Hanim-qizlar keŋişiniŋ räisi Dilbärgül Sadarova. – Mahtansaq mahtanğidäk yärlirimiz yetärlik. Jutumiz inaq. Bir-birimizni neri tur, beri tur demäymiz. Һärqandaq işni bamäslihät qiliş än°änigä aylinip kätkän. Şuŋlaşqimekin, bügün silär dahil boluvatqan märasim, yäni jutumizniŋ nuraniy aniliri bilän hanim-qizliriniŋ beşini qoşup, ularni täntänilik räviştä 8-Mart mäyrimi bilän täbrikläş toğriliq Räpqät akamğa eytivedim, u yaq meni därhal qollap-quvätlidi. U päqät eğizdila ämäs, bälki jut aktivistliri bilän birliktä barliq kam-kotimizğa yardämläşti. Älvättä, män ularğa çäksiz minnätdarliğimni bildürimän.
Şundaq qilip, mäyrämgä täklip qilinğan anilarni birhil milliy kiyimlärni kiygän yaş qizlar qollirini kšksigä qoyup, salamlişip, «Mäyrimiŋlar mubaräk bolsun!» däp qarşi almaqta. Duniyadiki äŋ mehrivan, qälbi däriya Anilarğa buniŋdin artuq heçnärsä keräkmu ämäs. İlliq bir eğiz tiläk bilän birtal gül ularğa alämçä şatliq hädiyä qilidu. Bu däqiqilärniŋ guvaçisi bolup turup, bäzidä biz, ham süt ämgän bändilär, äşu dilkäş häm dayim seniŋla ğemiŋ bilän yaşaydiğan insanlarni yadimizdin çiqirip qoyidiğanliğimiz hiyalimğa käldidä, šzämni namärtlär qatariğa kirip qalğandäk his qilip qaldim…
Märikä mäliniŋ sabiq jigitbeşi Barat Rähmanov bilän Hanim-qizlar keŋişiniŋ räisi Zohra Rähmanova, Räpqät Mähsütov, Dilbärgül Sadarova, «Aziya bügün» gezitiniŋ baş muhärriri, şairä Taşgül Һeziyarova vä Uzunağaş yezisiniŋ Hanim-qizlar keŋişi räisi Gülnaräm Sadirovaniŋ täbrigi bilän başlandi. Ular anilarğa illiq tiläklirini eytsa, «TURK AZ» ussul ansambliniŋ äzaliri ävrişim ussullirini täğdim qildi.
Umumän, yaş qiz-jigitlärdin tärkip tapqan jut aktivistliri izgü niyiti bilän bu küni yüzdin oşuq Aniğa huş käypiyat beğişlap, ularniŋ duasini alğanliği häq. «Җännät anilarniŋ tapininiŋ astida» demäkçi, härqandaq mädhiyä, hämdusanalarğa layiq Anilarni razi qilaliğan qarğaliliqlarniŋ yahşiliqliri kšp bolidiğanliğiğa işänçimiz kamil.

Җambul nahiyäsi.

Bälüşüş

Javap qalduruŋ