Çonҗida yasalğan mähsulat

0
42 ret oqıldı

Tovar etiketkisidin «Çonҗida yasalğan» degän sšzni oquğanda, bšläkçä huş bolduq. Qulaqqa tolimu yeqimliq aŋlinidiğan bu sšz başta bizni biraz häyran qaldurğan yerimu boldi. Keyin yaş tiҗarätçi Yulduz Turaevaniŋ «Çonҗida yasalğan» degän marka bilän tikinçilik buyumlirini bazarğa çiqiriş mähsitidä ihçam tsehini işqa qoşqanliğini uqtuq.

Sabiräm ÄNVÄROVA,
«Uyğur avazi»

Mälumki, elimizdä kiçik vä ottura tiҗarätni rivaҗlanduruşqa beğişlanğan kšpligän dšlät programmiliri moҗut. Şularniŋ biri — «Atameken» Milliy tiҗarätçilär palatisiniŋ täşäbbusi bilän regionlarda yeŋi tiҗarät orunlirini eçiş arqiliq häliqniŋ turmuş däriҗisini yahşilaş mähsitidä qolğa elinğan «Bastau biznes» layihisidur. «Nätiҗilik iş bilän täminläş vä tiҗarätçilikni rivaҗlanduruşniŋ 2017 – 2021-jillarğa beğişlanğan dšlät programmisi” asasida ämälgä aşuruluvatqan «Bastau biznes» layihisi yezilarda yeŋi iş orunlirini bärpa qilmaqta. Җümlidin bügünki maqalimizniŋ qährimani Yulduz Turaevamu mäzkür layihä boyiçä häqsiz oqup, grant utuvalğan yaş tiҗarätçilärniŋ biridur.
Sšhbätara Yulduz Turaeva tikinçilikkä degän qiziqişi baliliğidin başlanğanliğini sšz qildi. Momisi tikkän yotqan-kšrpilärgä häväs qilip šskän qiz mäktäpni tamamliğandin keyin, Almuta industriya kolledjiğa oquşqa çüşüp, 2010-jili qoliğa buhgalter-ihtisatçi mutähässisligi boyiçä diplom alğan bolsimu, käspi boyiçä ämäs, baliliğidin häväs bağliğan tikinçilik işi bilän şuğullinişni ävzäl kšrüptu.
– Arminimniŋ ämälgä eşişiğa nahiyälik «Atameken» tiҗarätçilär palatisiniŋ «Bastau biznes» layihisi säväp boldi, – däydu u.
Uşbu dšlät programmisi boyiçä häqsiz oqup, qoliğa sertifikat elip, yänä 505 miŋ täŋgä grant utuvalğanliğini hoşalliq ilkidä yätküzgän sšhbätdişimiz bügünki kündä ihçam tsehiğa keräklik buyumlarni setivelip, ikki adämni iş bilän täminläptu.
«Baby Comfort» däp atilidiğan tikinçilik tsehida härhil kšlämdiki yotqan-kšrpilär tikilip, «Çonҗida yasalğan» degän markida setilmaqta.
– İşimizniŋ başlinişi hazirçä yaman ämäs, – däp kälgüsi iş planliri bilän bšlüşti Yulduz Turaeva. – Huş qilidiğini, hoşna nahiyälär bilän şähärlärdinmu buyrutma elivatimiz. Heridarlirimizmu kün sanap kšpiyivatidu. Şuŋlaşqa keläçäktä šzämniŋ layihäm boyiçä selinğan tikinçilik tsehini işqa qoşsam däymän. Şundaqla, yotqan-kšrpä bilän çäklinip qalmay, kiyim-keçäk tikişnimu qolğa eliş oyum bar. Bolupmu, namazhan hanim-qizlirimizğa beğişlanğan kiyim ülgilirini tikip, bazarğa çiqarğum kelidu.
«Tama-tama kšl bolur», däydu dana hälqimiz. Keläçäktä Yulduz Turaevaniŋ «Qazaqstanda yasalğan» degän brendni vuҗutqa kältürüşigä tiläkdaşmiz.

Bälüşüş

Javap qalduruŋ