Evropa älliridin hovup moҗut

0
159 ret oqıldı

Һär halda Qazaqstanğa taҗsiman virus kelişi mümkin. Bu toğriliq bolup štkän mätbuat konferentsiyasidä baş sanitar vraç Jandarbek Bekşin bildürdi.
Qazaqstan matematikliriniŋ hesaplişiçä, җumhuriyättä taҗsiman virus 11–16-martta päyda boluşi ehtimal. Biraq baş sanitar vraçniŋ täkitlişiçä, bu – päqät tähmin. Ändi tähmin ämälgä aşmişi mümkin. Ägär, här halda, virus eniqlansa, Salamätlikni saqlaş ministrligi mähsus çarä-tädbirlärni ämälgä aşuruşqa kirişidu.
– Väzipä – ağriqniŋ tarqilişiğa yol qoymasliq. Һazir biz barliq täräplärdin degidäk infektsiya tepilğan mämlikätlär qorşavida qalduq. Şuŋlaşqa uniŋ bizgä kälmäydiğanliğiğa kepillik yoq. Buniŋda intizam nahayiti ähmiyätlik, – däp täkitlidi Jandarbek Bekşin vä epidemiyagä qarşi nätiҗidarliq çarilär tüpäyli ağriq juqqanlar saniniŋ šsüşi җiddiy astaliğan Hitayni misalğa kältürdi. Keyinki tävlüklärdä HHҖda bu kšrsätküç bari-yoqi 0,02 payizni täşkil qildi.
Biraq, şuniŋ bilän bir vaqitta idarini ağriqniŋ Evroittipaq älliridä, birinçi novättä, İtaliyadä šsüvatqanliği җiddiy täşvişländürmäktä.
Jandarbek Bekşinniŋ sšziçä, İtaliya taҗsiman virus bilän ağriş boyiçä Hitaydin keyin ikkinçi orunğa çiqti, ändi šlüm ähvalliri boyiçä birinçi orunni egiläydu. Uniŋdin taşqiri ağriq juqqanlar saniniŋ Frantsiyadä, Germaniyadä šskänligi bayqalmaqta. Şveytsariya, Niderlandiya, Norvegiya, Şvetsiyadimu käskin šsüş orun aldi.
Ähval här 2-3 kündä šzgirip turmaqta. Şuŋlaşqa Salamätlikni saqlaş ministrligi Qazaqstan grajdanliriğa Evropa ällirigä, bolupmu juqurida nami atalğan mämlikätlärgä säväpsiz barmasliqni, şundaqla şu yärlärdin mehmanlarni täklip qilmasliqni tävsiyä qilidu.
Qazaqstan Җumhuriyiti Salamätlikni saqlaş ministrliginiŋ mälumatliriğa benaän, mämlikättä HHҖdin vä hoşna dšlätlärdin kelivatqan grajdanlarni täkşürüş davamlişivatidu. Mäsilän, 4 386, şu җümlidin 1A kategoriyasi boyiçä 1 200, 1B kategoriyasi boyiçä 167, 2-kategoriya boyiçä 3 019 adäm monitoringta boluvatidu. 375 adäm monitoringtin boşitildi. 10-marttiki ähval boyiçä 4 011 adäm monitoringta boluvatidu.
– Җumhuriyättä zšrür bolğan barliq dora-därmäk vä meditsiniliq mähsättiki buyumlar bar, juqumluq ağriqlar ağriqhanilirida mähsus bokslar, vraçlar, ottura meditsina personali täyyarlandi. Väziyät turaqliq nazarät astida boluvatidu, – däp täkitlidi Salamätlikni saqlaş ministrliginiŋ mätbuat hizmiti.
Taҗsiman virus toğriliq päyda boluvatqan mäsililär boyiçä 1406 nomeri bilän keçä-kündüz işlävatqan ähbarat märkizigä hävär qilişqa bolidu.

Bälüşüş

Javap qalduruŋ