Bijanov bilän Bayseyit: dostluq jutliri

0
223 ret oqıldı

Uluq İpäk yoli bilän Uyğur, Panfilov, Kegän, Narınqol nahiyälirigä qatnaydiğan yoluvçilar biliduki, Ğulҗa yolida äҗayip gšzäl bir yeza bar. Bu – bärikiti mol, hälqi mehmandost, oqumuşluq häm işlämçan adämlär yaşaydiğan Bayseyit yezisi. Bu jutqa bir rät bolsimu kälgän adäm koçiliridiki teräklirigä, hoyliliridiki gülzarliqliriğa, eriqlarda şoh aqqan suliriğa zoqlanmay štmäydu. Bayseyit häqqidä intayin nurğun şeirlar, hekayilär häm maqalilar yezildi. Şundimu biz yezida bolup, uniŋ bügünki näpäsi bilän tonuştuq.

Raşidäm RÄҺMANOVA,
«Uyğur avazi»

Özäm Çeläktä tuğulup šssämmu, Bayseyit meniŋ üçün ätivaliq. Çünki, ata-bovam bayseyitliq ekän. Täğdir täqäzasi bilän ular štkän äsirniŋ 30-jilliri Ğulҗiğa štüp ketip, 60-jilliri qaytip çiqqan. Bizniŋ ailimiz Çeläkkä, apamniŋ ata-anisi häm yättä qerindişi Bayseyitqa orunlişiptu. Dadam ata-anisidin kiçik jitim qalğanliqtin, biz Bayseyittiki bovimiz Һaşir vä momimiz Märinsahanğa ärkiläp šstuq. Yazliq üç ay tätilni şu yärdä štküzättuq. Bovamniŋ aççiği ços bolidiğan. Momam rämiti çirayliq vä intayin jugaç edi. Һazir oylinip kšrsäm, ular äҗayip mehrivan adämlär bolğan ekän. Barliq nävrilirini šp-çšrisigä jiğivelip, aliy hislätlirini boyniğa siŋdürüşkä tirişatti. Bovam bilän momamniŋ šyi Bayseyitniŋ ataqliq alma beğiniŋ çetigä җaylaşqan edi. Şuŋlaşqimu biz uniŋ almisini yäp šstuq. Käçliri bir tuqqan aka-inilirim vä hädä-siŋillirim bilän yeza märkizidiki Mädäniyät šyidä dayim uyuşturulidiğan tantsiğa barattuq.
Bu qetimmu män äynä şundaq äsläş his-tuyğuliri bilän Bayseyitqa atlandim.
Bayseyit Ämgäkçiqazaq nahiyäsiniŋ Bartoğay yeza okruginiŋ tärkivigä kiridu. Okrug märkizi – Bijanov yezisi. Okrugta 7385 adäm istiqamät qilidu. Häliq asasän dehançiliq bilän şuğullinidu. Yäni 485 dehan egiligi tirkälgän.
Okrugqa kälginimizdä uniŋ hakimi Talğat Ömirbekov taziliq işliriğa bağlinişliq sirtta jürgän ekän. Biz vaqitni bekarğa štküzmäslik üçün Bayseyit yezisiniŋ çoŋ jigitbeşi Ğlajdin Һosmanov bilän kelişip, yeza märkizidiki Uluq Vätän uruşi iştrakçiliriniŋ hšrmitigä ornitilğan «Şšhrät» alleyasi aldida uçraştuq. Män däsläp uzun jillardin beri uyğurlar bilän inaq yaşap kelivatqan qazaq ailisi bilän tonuşuş hahişimni bildürivedim, Ğlajdin aka heç ikkilänmäy meni ularniŋ šyigä elip bardi.

Qädirälievlar ailisi: Tursunbüvi ana vä Kärim aka
Burun Bayseyitta Äbdikerim vä Tursın Qädirälievlar yezidiki yalğuz qazaq ailisi bolidiğan. Һazir uyğurlar bilän qudilaşqan millätlär nurğun. Ularniŋ barliği iҗil-inaq yaşaydu.
Qädirälievlarniŋ šyidä bizni tala-tüzniŋ oqitini qilivatqan ottura yaştiki är adäm kütüvaldi. Oğli Qanat ekän. Mähsitimizni eytiveduq, bizni šygä başlidi. Tursın ana šygä adäm kirip kelivatqanliğini aŋlap, aldimizğa çiqti. Salam-saattin keyin sšhbitimiz başlandi.
Aniniŋ eytişiçä, Äbdikerim ata buniŋdin on jil burun baqiliq boptu. Bayseyitniŋ nuraniy aniliriniŋ birigä aylanğan Tursın Qädirälievani (sürättä) jutdaşliri hšrmät bilän «Tursunbüvi ana» däp ataydu. Äsli u Açisayniŋ qizi ekän. 1961-jili moşu yeziğa kelin bolup käptu.
– Bu qazaq ailisi qandaq qilip uyğurlarniŋ arisiğa kelip qaldi, desiŋiz, män eytip beräy. Burun Äbdikerimniŋ ata-anisi Qädiräli bilän Rahan Kedeybaevlar mal beqip, җaydin-җayğa kšçüp, hayat käçürgän ekän. Uluq Vätän uruşi başlanğanda atimiz Qädiräli härbiy säpkä elinip, frontta qaza bolidu. Rahan animiz bolsa, 1949-jili pärzäntliri Künimay, Ermekbay vä Äbdikerim bilän bärikätlik jut – Bayseyitta turup qalidu. Yarkänt, Çonҗa, Narınqol vä Kegän qatarliq yezilarni Almuta şähiri bilän bağlaşturidiğan çoŋ yolniŋ boyiğa orunlaşqanliqtin, Bayseyit uniŋ üçün qolayliq bolidu. Momay pärzäntlirini yezidiki uyğur mäktividä oqutidu. Kšpçilikniŋ urpi-aditini üginip, ular bilän bir ailiniŋ baliliridäk bolup ketidu, – dedi Tursın apa bizni ailä tarihi bilän tonuşturup.
Äbdikerim vä Tursın Qädirälievlar Kämilä, Abılğazı vä Qanat isimliq üç pärzänt tepip, tärbiyilidi. Ular Bijanov yezisidiki Krupskaya namidiki mäktäptä rusçä oqudi. Amma, šydä qazaq vä uyğur tillirida gäp qilip, üç tilni birdäk ügändi. Kämilä – muällim, Abılğazı – injener bolup yetildi. Tursın apa hazir känҗä oğli Qanat vä kelini Janat bilän yaşaydu. Qanat Çeläk märkiziy ağriqhanisiniŋ «Tez yardäm» hizmitidä fel'dşer bolup işläydekän.
– Apimiz turmuşqa çiqqanda ändila 10-sinipni tamamliğan ekän. Mäktäptä äla oquğan qizni «Bartoğay» sovhoziniŋ mämuriyiti sovhoz komsorgi qilip saylaptu. Andin Bayseyitta eçilğan Mädäniyät šyi yenidiki kitaphaniğa işqa ävätiptu. Apam kitaphanlarğa hizmät qiliş җäriyanida uyğur tilini mukämmäl üginivalidu. Һätta, haҗät bolğanda, hšҗҗätlärni rus vä qazaq tilliridin uyğur tiliğa tärҗimä qilip, tärҗimanniŋ işinimu atquridu. U şu kitaphana eçilğandin tartip ta yepilip kätkiçä, umumän, 37 jil kitaphaniçi bolup işlidi. Şu yärdin hšrmätlik däm elişqa çiqti. Yänä bir eytip ketidiğan närsä, apam tamaqqa, yänä kelip, uyğurniŋ tamaqliriğa intayin mahir. Jutdaşlirimiz apamniŋ suyuqeşini yahşi kšridu, – dedi aniniŋ oğli Qanat gepimizgä qoşulup.
Uniŋ eytişiçä, Tursın apa päqät suyuqaşnila ämäs, bälki, läŋmän, manta, hätta uyğurniŋ saŋzisinimu üstün mahirliq bilän täyyarlaydekän.
Sšhbitimizni Ğlajdin aka davamlaşturdi:
– Tursunbüvi hädimizniŋ yänä bir alahidiligi, hoşniliri, jut bilän alaqisi intayin yahşi. Ahali bilän qoyuq arilişip, urpi-adät vä än°änilirimiznimu üginivaldi. Jut içidä bolğanliqtin, hazir ular barliq ailäviy märasimlirini uyğurniŋ urpi-aditigä maslaşturup štküzidu.
Sšz novitini yänä Qanat aldi:
– Dadam keŋäş dävridä avtodukan haydatti. Jut içidä hšrmät-ehtiramğa egä edi. Bizmu ata-animizniŋ eytqinidin çiqmay, jut bilän billä jiğlap, billä külüp kelivatimiz. Ölüm-jitim, näzir-çiraq bolsun, toy-tškün bolsun, jutqa hizmät qiliştin qaçmaymiz. Jutmu bizgä şundaq җavap qayturidu. Bäzibirliri «nemişkä Çeläkkä kšçüp kätmäysilär?» däydu. Biz bolsaq, moşu jutqa üginip kätkänligimizni eytimiz. Atimiz qaytiş bolğanda, uyğurniŋ urpi-aditi boyiçä yärliduq. Qäbirstanliqqiçä qolumizdin çüşärmäy aparduq. Çättin kälgän tuqqanlirimiz häyran boluşti. Keyin ularniŋ arisida äşundaq däpin qilinişni arzu qilidiğanlarmu çiqti. Umumän, biz juttin, jut bizdin razi.
Һäqiqätänmu, holum-hoşniŋiz, uruq-tuqqiniŋiz bilän inaq yaşisiŋiz, kšŋlüŋiz toq häm hatirҗäm bolidu. Demäk, şu tüpäyli başqa işliriŋizmu oŋuşluq bolidu.

Galina – «super kelinçäk»
Qädirälievlarniŋ šyidin çiqip, biz Abduvahit vä Galina Yüsüpovlarniŋ «Poperçi» dämhanisiğa barduq. Ular bizni šzliri täyyarliğan taamliri bilän mehman qildi.
Moşu yärdä şuni alahidä qoşumçä qiliş keräkki, ularniŋ ata-anisi Һemit ata vä İbadät ana Bayseyitta intayin abroyluq insanlardin edi. Uluq Vätän uruşiniŋ qatnaşquçisi, jutiniŋ güllinişi, jutdaşliriniŋ turmuşiniŋ yahşilinişi üçün pidakaranä ämgäk qilğan Һemit ata «Oktyabr'niŋ 50 jilliği» namidiki sovhozi «Bayseyit» bšlümçisiniŋ başliği bolğan bolsa, İbadät ana mäktäptä muällimlik qildi. Һemit ata rähbärligidä Bayseyitta onliğan zamaniviy šylär, ikki qävätlik balilar bağçisi, klub, monça, tšrt tamaka sariyi selindi. Yeziniŋ märkiziy koçisiniŋ ikki täripidä yaş kšçätlär tikilip, yeşilzarliqqa aylandi. İstirahät beği vuҗutqa käldi, barliq koçilarğa su tartildi. Uluq Vätän uruşida qaza bolğanlarğa yadikarliq ornitildi, mäktäp benasi käŋäytildi.
Andin bizniŋ iltimasimiz bilän Abduvahit aka bilän Galina hädä (sürättä) šz ailisiniŋ tarihi bilän tonuşturdi.
– Biz täsadipi uçraştuq. Buniŋdin 38 jil burun män Taldiqorğandin Yarkäntkä institutta billä oquğan dostum Muhäbbät Qurbanovaniŋ šyigä mehmanğa bardim. Ular meni intayin yahşi kütüvaldi. Uyğurlarniŋ mehmandostluğiğa, hilmu-hil taamliriğa mähliya boldum. Öygä qaytiş üçün avtobusqa oltardim. Yenimdiki orun Abduvahitniŋ ekän. Uyğur mavzusi yolda davamlaşti. Keyin tatar hälqi häqqidä paraŋlaştuq, – dedi Galina hädä yoldişiğa mänaliq qarap.
— Män u çağda Taldiqorğanda institutta oqattim. Yarkänttä iş-täҗribidin štüp, qaytqan edim. İlliq çirayi, sipayä qiliği bar Galya maŋa birdinla yaqti. Keyinki qetim šygä maŋğanda uni täklip qildim. U «yaq» demidi. Mana şuniŋdin beri bähitlik hayat käçürüp kelivatimiz, – dedi uniŋ sšzini toluqturup Abduvahit aka.
Yättä bala tärbiyiläp, çoŋ qilğan İbadät ana bilän Һemit ata Galinani šz baliliridin kam kšrmäy, qoyniğa aldi. Nätiҗidä Galina Yüsüpovlar ailisigä qumğa su siŋgändäk siŋip kätti. Abduvahit aka – ihtisatçi, Galina hädä İ.Tayirov namidiki ottura mäktäptä rus tili vä ädäbiyatiniŋ muällimi bolup işläp, hšrmätlik däm elişqa çiqti. Damir isimliq oğli, Gülnaz isimliq qizi vä tšrt nävrisi bar. Pärzäntliri šzliri ohşaş aliy bilimlik adämlärdin bolup yetildi. Һazir çoŋ-çoŋ hizmätlärdä. Һšrmätlik däm elişqa çiqqandin keyin tiҗarätçilik bilän şuğullinip kelivatqan ular yezidiki hamiylarniŋ qatariğa qoşuldi. Abduvahit akiniŋ sahavätlik işlar bilän şuğullinişiğa uniŋ hädisi, Almuta şähiridiki näşriyatlarniŋ biridä iҗraiy mudir bolup işläydiğan Gülҗahan hädä türtkä boldi. U artuq puli bolsa, milliy mäktäp, mätbuat, sän°ät vä ädäbiyatni qollap-quvätläşkä aldiraydu.
Mehmandost, işlämçan vä aq kšŋül häliqniŋ iҗabiy täräplirini toluq ügängän tatar qizi Galina buniŋdin birnäççä jil ilgiri җämiyätlik işliriniŋ aktivistliri uyuşturğan «Super kelinçäk» konkursiniŋ ğalibi ataldi.

Bügünki Bayseyit
Mälumki, Bayseyit yezisidin nurğunliğan şairlar yetilip çiqqan. Şuŋlaşqa uni «şairlar juti» däpmu ataydu. Buniŋdin başqa nurğunliğan alimlar, injenerlar, vraçlar, muällimlär, kompozitorlar vä başqimu käsip egiliri çiqti. Seyit Muhämmät Qaşiy, Mäşhär Älnäğmiçi, İsmayil Tayirov, Abdulhäy Muhämmädiy, Avakri Şämsi, Һaşim Arziev, İkrim Mäsimov, Abdullam Mäşürov, Oğläm Һoşurbaqieva, Abdumeҗit Dšlätov, Җämşit Rozahunov, İminҗan Tohtiyarov, Ähmätҗan Ähät, Һakimҗan Güliev vä başqilar şular җümlisidindur. Ular häqqidä biz gezit-jurnallardin oqup, bilivatimiz. Şuŋlaşqimu biz bügün Bayseyitniŋ bügünigä tohtalmaqçimiz.
Һazir Bayseyitta 900gä yeqin ailä istiqamät qilidu. Koça-koçilarğa җavap beridiğan 36 jigitbeşi bar. Şuŋlaşqimu yezida «tšmürdäk» tärtip qeliplaşqan. Altä jildin beri jutniŋ çoŋ jigitbeşi hizmitini atqurup kelivatqan Ğlajdin aka Һosmanov 15 jil mabaynida nahiyälik Uyğur etnomädäniyät märkiziniŋ Bayseyit şšbisini başqurdi. Çoŋ jigitbeşiniŋ «estafetisini» juti üçün җanpidaliq bilän işligän sabiq jigitbeşi Äkvärҗan Qunahunovtin qobul qilip aldi.
Ğlajdin aka bilän birqatarda Hanim-qizlar keŋişiniŋ räisi Risalät Nurhaliqova, nahiyälik Uyğur etnomädäniyät märkizi Bayseyit şšbisiniŋ räisi Gšhärbüvi Baratova, jigitbeşiniŋ birinçi orunbasari Tayirҗan Abläpov, yaşlarniŋ jigitbeşi Bilaldin Һasanov, җämiyätlik işlarniŋ aktivistliri Päyzullam Tursunov, Nurullam Sultanov, Yaşlar keŋişiniŋ räisi Dilşat Dauşev, mäşräp işliriğa җavapkär Ğulamҗan Һüsänov, šlüm-jitim işliriğa җavapkär Vais Şämşidinov vä başqilar jutniŋ otidin kirip, süyidin çiqivatidu.
Bayseyittiki miŋliğan şagirtlar tärbiyä alğan qutluq bilim därgahi – İsmayil Tayirov namidiki uyğur ottura mäktivi. Uniŋ huli 1911-jili rus-tuzem mäktivi bolup qurulğan. 1917-jili başlanğuç, 1936-jili «Qädäm mäktivi» bolup šzgärtilidu. 1963-jili bilim därgahiğa uyğur hälqiniŋ munävvär pärzändi – İ.Tayirovniŋ nami berilip, 1970-jili ottura mäktäp bolup šzgiridu.
Һazir mäktäpni uşbu bilim därgahiniŋ tüligi İliyar Nurhaliqov başquridu. Mäktäpniŋ hazirqi üç qävätlik benasi 1986-jili şu çağda «Bartoğay» sovhoziniŋ mudiri lavazimidiki jutdaş şair Җämşit Rozahunovniŋ küç çiqirişi bilän selinğan. 1070 baliğa molҗalanğan. Mäktäptä 67 muällim 617 baliğa aŋliq tärbiyä, härtäräplimä bilim berip kelidu. Bir eçinişliq yeri, yezidiki bäzibir aililär balilirini hoşna yezilardiki rus sinipliriğa berivätkän. Ata-anilar bilän štküzülgän sšhbätlärdin keyin ularniŋ 17si pärzäntlirini uyğur sinipliriğa qayturup käldi. Һazir mäktäp yenidiki mini-märkäzdä 50, täyyarliq topida 46 bala tärbiyilinivatidu.
Yezidiki sahavätlik insanliriniŋ qollap-quvätlişi bilän birnäççä sinip zamaniviy tehnikilar bilän җabduqlinip, mäktäpniŋ sport zali yenida boks zali eçildi.
Җümlidin mäktäpniŋ sport zali millätpärvär tiҗarätçi Bilal Һoşurovniŋ hamiyliğida җiddiy җšndäştin štti. Remont işlirini jut vä yeza yaşliri šzliri ämälgä aşurdi.
Şayim Nasirovniŋ ävladi qazaq tili vä ädäbiyati sinipini җšndäştin štküzüp, zamaniviy qural-yaraqlar bilän җabduqlap bärdi.
Şundaqla ayagšzlik Yüsüp uyğur tili vä ädäbiyati kabinetini җiddiy җšndäş üçün mäbläğ aҗratti. Mäktäp kollektivi uyuşçanliq bilän işlarni başlaş aldida turidu.
Mäktäp utuqlirini tizip štkän İliyar Abduhaliqoğli juqurida ismi atalğan häm isimliriniŋ mähpiy qelişini iltimas qilğan barliq sahavätlik qerindaşlarğa keläçäk egiliri – balilar vä ularniŋ ata-aniliri namidin sämimiy minnätdarliğini bildüridu.
Bayseyittiki salamätlikni saqlaş sahasi häqqidä gäp qilğanda Qasim Qadirov, Ablekim Һämraev vä başqimu juquri kategoriyalik vraçlar häqqidä kšpligän yahşi äslätmilärni aŋlaşqa bolidu. Һazir şu dohturlarniŋ ornini besip, Bayseyit ambulatoriyasidä tšrt aliy bilimlik dohtur, 16 hämşirä vä tšrt tehnikiliq hadim 4100 turğunğa hizmät qilidu. 2000-jildin başlap kollektivni Ruşahan Abdullaeva buşquridu. Qoşumçä qiliş lazimki, Ruşahan hädiniŋ qizi Sahibäm kardiolog-dohtur mutähässisligini egiläp, apisiniŋ yenida işläydu.
Bayseyitliqlar tiҗarätçilikni štkän äsirniŋ 90-jilliri başlidi. Däsläp hazirqi «Dilmurat» kafesiniŋ ornida ihçam bazar eçildi. Bu yärdä gšş, ozuq-tülük, kšktat vä yäl-yemiş setilatti. Vaqit štkänsiri, bazar käŋäydi. Һazir bu yärdä soda-setiq işliriniŋ barliq türini tepişqa bolidu. Milliy aşhana, kafe, kavaphanilar yeziniŋ sšlitigä dšlät vä bärikät qoşup turidu.
Başta yezida «İndira» aşhanisi eçildi. Uni Qarğali kooperativ tehnikuminiŋ tehnologiya fakul'tetini tamamliğan, sovhozda aşpäz bolup işligän, «qolidin bal tamğan» Mervanäm İbragimova açti. Mervanäm haҗim 1998-jili hšrmätlik däm elişqa çiqti. Mälumki, däl şu jilliri bazar ihtisadi täräqqiy etişkä başlidi. Mervanäm ana šydä däm elip yetişni halimatti. Däsläpkilärdin bolup, yezida tiҗarätçilikkä tutuş qildi. Tapaviti šskändä jitim-yesirlarğa yardäm qilişqa başlidi. Urpi-adät, milliy än°änilärni härtäräplimä üginip, «šlükni juyuş», «šlükkä kepinlik tikiş», tünäk häm Molut eyini štküzüş vä başqimu än°änä häm urpi-adätlirimizni yaşlarğa yätküzüşni niyät qildi.
Yeziniŋ däsläpki tiҗarätçiliriniŋ yänä biri, šz vaqtida Bayseyitniŋ barliq mädäniy işliriğa, jitim balilarğa, turmuş şaraiti tšvän aililärgä qol uçini kšrsätkän heli märhum Muratҗan Ziyamov edi. Äpsus, Muratҗan paҗiälik hayattin štti.
Buniŋdin başqa yezidiki iҗtimaiy mäsililärni häl qilişta Velan Savutov, İkrimҗan Gayitov, Yalqun Һasanov vä onliğan bayseyitliqlar jutdaşliridin maddiy vä rohiy yardimini ayiğan ämäs.
Bayseyit yezisiniŋ җämiyätlik işliriniŋ aktivistliri bilän uçrişiştin keyin biz Bijanov yezisiğa qarap yol tuttuq.

Şämşidin – Bijanov
Bijanov yezisiniŋ tarihiğa qisqiçä tohtalsaq, Malivay bolusluğiniŋ bolusi Şämşidin Sisarov qaşliq 20 šylük adämni Malivaydin 5 çaqirim tšväniräk yärgä kšçirip apirip, yeŋi mälä qurğan ekän. Şuŋlaşqimu yeziniŋ tarihini untumiğan mštivärlär hazirqi Bijanov yezisini helimu «Şämşidin mälisi» däp ataydu. Keyiniräk yeziğa sabiq Çeläk nahiyäsiniŋ täräqqiyatiğa çoŋ tšhpä qoşqan Husayin Bijanovniŋ nami berildi.
Bizni yezidiki meçitniŋ aldida Aqsaqallar keŋişiniŋ räisi Arslan Nasirov, Yaşlar keŋişiniŋ räisi Nurşat Nasirov vä җämiyätlik işliriniŋ bir top aktivistliri kütüvaldi. Ular yeza märkizidiki meçit ätrapini tazilavetiptu. Atap ketiş keräkki, 12 jil mabaynida jigitbeşi, ahirqi birnäççä jildin beri Aqsaqallar keŋişiniŋ räisi hizmitini atqurup kelivatqan Arslan aka jutiniŋ barliq mäsililirini bilip, häl qiliş üçün vaqtinimu, küç-ğäyritinimu ayiğan ämäs.
Öz vaqtida Şämşidin mälisi atalğan yeza tarihiğa tohtalğan Arslan aka štkän äsirniŋ 60-jilliri yepilip qalğan uyğur sinipliriniŋ täğdirigä tohtilip, yeza yaşliriniŋ ana tilini untup ketip barğanliği häqqidä eçinip sšzlidi.
– Bijanovtiki M.Maqataev mäktividä balilirimiz qazaq vä rus tillirida bilim alidu. Bizdä säväp bälgülük. Amma uyğur sinipliri moҗut Bayseyit vä Malivay yeziliridin pärzäntlirini rus sinipliriğa berivatqan qerindaşlarğa «millät bolup saqlinip qelişimiz üçün balilirimizni ana tilimizda oqutayli!» däp eytimän. Biz balilirimizni uyğurçä oqutalmisaqmu, tilimiz bilän urpi-adät, mädäniyitimizni untuğinimiz yoq. Mäsilän, yaşlardin Rustäm Ahunbaev sän°ätkä iştiyaq bağliğan bäş balini milliy äsvaplirimizni çelişni ügätti. Ular hazir Malivaydiki «Qäşqär» topiniŋ tärkividä talantini rivaҗlanduruvatidu.
Umumän, yezimizda yeşilmäydiğan mäsilä yoqniŋ ornida. İçidiğan süyimiz bar, amma etiz-eriqni suğiridiğan süyimiz keçikip berilidu, – dedi Arslan aka.
Sšhbätara Aqsaqallar keŋişiniŋ räisi, Bijanov yezisiniŋ jigitbeşi Munajdin Һosmanov, Hanim-qizlar keŋişiniŋ räisi Gülbähräm Һoşurova, nahiyälik Uyğur etnomädäniyät märkizi Bijanov yeziliq şšbisiniŋ räisi Rasul Amätov, aktivist Polatҗan Tohtibaqiev vä başqimu millätpärvär jutdaşliriniŋ pidakaranä ämgigi tüpäyli yezidiki tärtip-intizam, balilar tärbiyisi, näzir-çiraq, tšy-tškünlärdiki inaqliq käbi bijanovliqlarniŋ aliy hislätlirini pähirliniş ilkidä tilğa aldi. Biz ular bilän hoşlişip turğinimizda, yeza okruginiŋ hakimimu yetip käldi.
Uniŋ eytişiçä, här ikki yezida moҗut birhil mäsilä bar. Bu – yezilardiki balilar bağçisi vä mädäniyät orniniŋ yoqluği. Kšpçilikniŋ hahişi – şähsiylär qoliğa štüp, boş turğan Bijanovtiki klub vä Bayseyittiki Mädäniyät šyi benaliriniŋ dšlät balansiğa štüşi, remontlinip, häliqqä hizmät qilişi boluvatidu. Talğat Altınbekulı hazir benalarniŋ egiliri bilän sšhbät jürgüzüvatidu. Һär halda, u mäsiliniŋ iҗabiy qilinişiğa işinidu.
Bijanov yezisiniŋ çetidä keŋäş dävridä çoŋ stadion vä sport kompleksi bolğan. Okrug hakiminiŋ eytişiçä, jillar boyi qoldin-qolğa štkän kompleks talan-tarajğa uçriğan. Ahirida yezidin çiqqan tiҗarätçi Ruslan Qämirdinov uni setivelip, dšlätkä qayturdi. Yärlik hakimiyät bir jildin beri uniŋ remontiğa bağliq hšҗҗätlärni täyyarlaş bilän bänt boldi. Stadionni kelip kšrgän nahiyä hakimi Binäli Isqaq hšҗҗätlärgä qol qoyup, vilayätkä ävätti. 1,5 gektar yärni egiligän stadion vä sport kompleksini җšndäş üçün 360 million täŋgä haҗät. Dšlättin mäbläğ bšlüngän zaman, bu yärdä qizğin iş qaynaydiğanliği sšzsiz. Çünki bijanovliqlar šz yezisiniŋ gülläp, täräqqiy etişini halaydu.
Umumän, Bartoğay yeza okrugidiki bügünki qisqiçä hayat näpäsi äynä şundaq.

Ämgäkçiqazaq nahiyäsi.

Bälüşüş

Javap qalduruŋ