0
176 ret oqıldı

Yasin İmin

Şamal
Män şamallarni yahşi kšrimän. Һärhil şamalni – qara qişniŋ izğirin aççiq şamilinimu, baharniŋ illiq, salqin şamili, tomuzniŋ qurğaq, issiq şamilinimu yahşi kšrimän. Äynä şu şamallar bilän muŋdişimän. U şamal män šskän äşu bağliq mähällidin kälgän, heç bolmisa şu yärlärdin štüp, dadamniŋ muŋ basqan ğerip qäbrini siypap bu yaqqa kälgän.
Һä, mana, ipardäk hidini puravatimän. Bu anamniŋ oğuz sütiniŋ hidi ämäsmu? Äynä, anamniŋ simasini kšrgändäk boldum. Oruqlap pükülgän gävdä, inçikä barmaqlar…
Dadamniŋ oyçan kšzliri maŋa qaravatqandäk qilidu.
O huy, bu säbiniŋ tiniğidäk urulidiğu! Һä, bu šzämniŋ hidi ekän. Meniŋ äşu bağu-bostanliq mähällämdä baliliğim, baliliq hiyallirim, vaŋ-çuŋ, qiqaslirim qalğan. Säbi näpäslirim şu yärlärgä siŋip kätkän. U yärlärdä meniŋ izlirim qalğan. Һäy şamal, sän äynä şularni šzäŋ bilän elip käpsän.
Şamal, sän tündä, aydiŋdiŋmu, kündüzimu, qaçanla bolmisun, yezamdin dadamniŋ, anamniŋ hidilirini vä yänä meniŋ şu yärlärgä siŋip kätkän baliliğimdin salam elip kelivatqanliriŋda, män ehtimal mäshuş uyqiniŋ şerin çüşlirini kšrüvatqan bolsam keräk.
Qeni käl, kälgin, teziraq kälgin…

Dostumğa
Qara qiş. Qar uçuqundimaqta. Aççiq şuvurğan üzgä sançip štmäktä. Män şu minutlarda šzämdä ğayip bir hararätni säzmäktimän. Qenim qaynimaqta. Ehtimal, sänmu «qiziqniŋ» qädrigä yetivatidiğansän?
Yaz. Çinqi çüş. Quyaş kšydürmäktä.
İŋrima, šzäŋni elip qaçma. Män šzämdä mana şu minutlarda birhil illiqliqni sezivatimän. Gärçä, tärläp tursammu, buniŋ šzi rahät, rahät!…
Biz adämlär täbiät duniyasida yaşaymiz, yänä täbiät bizniŋ qolumizda, uni biz šzgärtişkä qadir däymiz. Şuŋlaşqa sän ayazda yazni, yazda ayazni seğinip jürmä, täbiät šz yolida maŋidu. Sän uniŋ yolini buzuvetälmäysän. Һeçkim päsillärniŋ hämmisini baharğa juğlap, tohtitip qalalmaydu.
Çişim kirişivatidu. Kšz qarçuğum yoğirip qaldimekin? Amma heç titriginim yoq. Ehtimal šmür yolumniŋ qaysidur bir dohmuşiğa kälgändimän. Lekin, yänila šzämdä birhil ğäyrät-jasarät sezivatimän. Külkidäk bir närsä qistavatidu. Jiğlaş, kšz yaş qiliş — ärgä nomus.

Bälüşüş

Javap qalduruŋ