Halis niyätlik jigit

0
33 ret oqıldı

Mäşür SASİQOV,
«Uyğur avazi»

Zayirҗan Һoşurov – hoşna Qirğizstandin kelip, Almuta şähiridä tiҗarät qilivatqan uyğur jigitliriniŋ biri. U šziniŋ şähsiy «Çayhana» kafesida milliy taamlirimiz bilän kšpçilikniŋ kšŋlidin çiqivatqiniğa helä boldi. Bu tamaqliniş ornidin däm tartqan härqandaq adämniŋmu çoqum yänä şähsän Zayirҗanniŋ qolidin çiqqan taamlarğa buyrutma beridiğanliği eniq.
Şähärniŋ SMU-15 mähällisigä yeqiniraq җaylaşqan bu kafeniŋ ğoҗayini häm aşpizi Zayirҗan (sürättä solda) tapqinini kšpçilik bilän bšlüşüşni šziniŋ insaniy borçi hesaplaydiğanlardin bolup, dayim hiҗaliti çüşkänlärniŋ kšŋlidin çiqişqa tirişidu. Bolupmu jitim-yesirlar, namrat aililär bilän nakalarğa qolidin kälginini ayimay, kafeda häqsiz tamaqlinişiğa şarait yaratqanliğiniŋ talay guvaçisi bolğan uşbu mähälliniŋ baş jigitbeşi Alimҗan Gayitov yeqinda biz bilän hävärläşti. U bügünki väziyättä, yäni seniŋ kim vä qandaq adäm boluşuŋdin qät°iy näzär, insaniyätkä tolimu nurğun azar selivatqan taҗsiman virusqa bağliq elimizdä җariy qilinğan karantin päytidä Zayirҗanniŋ biz juqurida täkitligän «paaliyitini» tehimu җanlandurup, bir ay mabaynida 30 adämni çüşlük tamaq bilän täminlävatqanliğini yätküzdi. Şundaqla jigitbeşi akimiz bu halis niyätlik jigitniŋ häyrihahliq işliriniŋ buniŋ bilänla çäklänmäydiğanliğini eytqaç, imkanqädär, adämlärniŋ bir-birigä bolğan munasiviti suslişip, ata-ana vä qerindaşniŋ qädrigä yätmäy, härkim šziniŋ ğemidila yaşaydiğan bir zamanda šzgilärgä qol uçini sunuvatqan Zayirҗanğa SMU-15 mähällisiniŋ җamaätçiliginiŋ minnätdarliğini yätküzüp qoyuşumizni iltimas qildi.
Rast, hazir häyrihahliq bilän şuğullinivatqanlar kšp. Amma äşuni keräk yärdä, vaqti-saatida, yäni beşiğa kün çüşkänlär seniŋ yardimiŋgä muhtaҗ päyttä ämälgä aşursaŋ, mähsitiŋgä yätkän bolisän. Bähitkä qarşi, bäzilär bärgän yardimini minnät qilişni ävzäl kšridu. Һä, bizniŋ maqalimiz qährimani Zayirҗan Һoşurovniŋ šzi toğriliq yezişimizğa tärsaliq bilän aran degändä raziliq bärginidin uniŋ zamaniviy til bilän eytqanda, «piarğa» huştar ämäsligini birdin bayqaveliş täs ämäs.
— «Kšpçilik bilän täŋ kšrgän – toy» demäkçi, täbiitidin maddiy bayliqni insaniyliqtin, adimiyliktin juquri qoymaydiğan addiy vä kämtar Zayirҗan isimliq jigitkä härkimniŋ zoqi kelidu, — däydu jigitbeşi Alimҗan Gayitov.

Bälüşüş

Javap qalduruŋ