Almutida vä birqatar regionlarda boldi

0
44 ret oqıldı

Almuta şähärlik märkiziy klinikiliq ağriqhaniniŋ vraçidin taҗsiman virusqa bağliq elinğan test nätiҗisini almaşturup qoyuptu. Bu ähvalni štkän häptidä җänubiy paytähtkä iş babidiki säpärgä kälgän җumhuriyät salamätlikni saqlaş vitse-ministri Kamalҗan Nadirov çüşändürdi.
Vitse-ministr vä şähärlik salamätlikni saqlaş başqarmisiniŋ başliği Tleuhan Äbildaev karantinğa yepilğan mäzkür ağriqhaniniŋ hadimliri bilän uçraşti.
Kamalҗan Nadirov ministr Eljan Birtanovtin ähvalni eniqlaş, mediklar bilän uçrişip, mäsilini häl qiliş tapşurmisini alğanliğini täkitlidi.
Vitse-ministr uçrişiş yäküni bilän šziniŋ Facebooktiki sähipisidä ortaqlaşti.
Keyin, mälum boluşiçä, ginekologiya bšlüminiŋ başliğiğa taҗsiman virus infektsiyasi juqmiğan. Ämäliyatta laboratoriyadä uniŋ analiziniŋ nätiҗilirini başqa ağriqhana hadimi analiziniŋ nätiҗiliri bilän almaşturup qoyuptu – ularniŋ ismi vä atisiniŋ isminiŋ baş häripliri bilän familiyasi ohşap qalğan ekän.
Almuta şähärlik salamätlikni saqlaş başqarmisiniŋ başliği Tleuhan Äbildaev ginekologiya bšlüminiŋ başliğidin äpu sorap, häqiqätänmu eçinarliq hataliq yüz bärgänligini täkitlidi. Başqarma başliğiniŋ sšziçä, mundaq hataliqniŋ orun elişiğa hadimlarniŋ diqqätsizligi vä ularniŋ işiniŋ kšpiyip ketişi säväp bolğan. Biraq härqandaq ähvalda äyipliklär šz hataliği üçün җavapqa tartilidu.
Kamalҗan Nadirov mälumatlar bazisida türlük ağriqhanilarniŋ hadimliri bir meditsina mähkimisiniŋ hadimliri süpitidä kšrsitilgänliktin test nätiҗilirini beriş üçün җavapkär hadimlarni çataşturup qoyğanliğini qoşumçä qildi.
– Һazir hämmä närsä šz orniğa çüşti, toqunuşqa hatimä berildi. Salamätlikni saqlaş ministrligi adäm amilini azaytiş üçün test nätiҗilirini bärgändä qoşumçä nazarät ornitidiğan boldi. Şundaqla ändi vraçlardin muntäzim räviştä taҗsiman virus analizi elinidiğan boldi, – däp täkitlidi vitse-ministr.
***
Andin keyin salamätlikni saqlaş ministriniŋ orunbasari Kamalҗan Nadirov Almuta vilayitidä iş babidiki säpärdä boldi.
Säpär dairisidä vitse-ministr vilayät hakiminiŋ orunbasari Batırjan Bayjumanovniŋ, salamätlikni saqlaş başqarmisiniŋ başliği Bauırjan İsqaqniŋ vä vilayätniŋ baş sanitar vraçi Qayrat Baymuhambetovniŋ hämraliğida İli, Qarasay vä Ämgäkçiqazaq nahiyäliriniŋ birqatar meditsina mähkimiliriniŋ işi bilän tonuşti.
Kamalҗan Nadirov İli nahiyäsiniŋ märkiziy ağriqhanisida bolup, taҗsiman virus infektsiyasiniŋ aldini eliş boyiçä ämälgä aşuruluvatqan çarä-tädbirlär vä kollektivniŋ moҗut resurslar bilän pandemiyagä qarşi turuşqa täyyarliği bilän tonuşti.
Andin keyin u ağriqhana korpusliriniŋ biridä moşu ağriq alamätliri bayqalğan vä harariti juquri bemarlarni qobul qiliş üçün täyyarlanğan fil'trlarni kšrüp çiqti. Ministrlik väkili şundaqla tuğuthana bšlümidä hamildarlarğa beğişlanğan fil'trlarnimu kšzdin käçürdi. Ahirida tegişlik tävsiyälär berildi.
Umumän, märkiziy nahiyälik ağriqhanida 120 orunluq provizorluq vä 100 orunluq karantin statsionarliri uyuşturulğan. Şundaqla Ötegen batır yezisida 100 orunluq rezervtiki karantin gospitali bar.
Andin keyin vitse-ministr Kamalҗan Nadirov Qarasay nahiyäsidä bolup, nahiyälik märkiziy ağriqhanida vä uniŋ juqumluq ağriqlar bšlümidä işniŋ qandaq uyuşturulğanliği bilän tonuşti. U bevasitä nahiyälik märkiziy ağriqhanida qobul qiliş bšlümidä boldi, izolyator vä fil'trni ziyarät qilip, personal bilän mämlikättä pävquladdä ähval җariy qilinğan şaraitta işniŋ qandaq uyuşturulğanliği toğriliq sšhbätläşti. Bolupmu tuğuthana bšlümi bilän izolyatorğa alahidä diqqät bšlündi.
***
Vitse-ministr şundaqla ağriqhaniniŋ juqumluq ağriqhanilar bšlümini ziyarät qildi.
– Barliq meditsina personaliniŋ lazimliq däriҗidä himayä qilinişini täminläş keräk. Buniŋ üçün tehimu süpätlik işläş üçün barliq qolayliq şarait yaritilişi şärt, – dedi Kamalҗan Nadirov qarasayliqlar bilän bolğan uçrişiş ahirida.
Vitse-ministr Ämgäkçiqazaq nahiyäsidä karantinğa yepilğan «Kšksay», «Bereke», «Altın Alma», «Altın Adam» bağvänçilik җämiyätliriniŋ perimetri boyiçä qoyulğan blokpostlarniŋ biridä boldi. Bu yärdä karantin tärtivi 26-aprel'ğiçä küçkä egä bolidu. Mäzkür bağvänçilik җämiyätliridä 1512 hoyla bolup, ularda 9 miŋğa yeqin adäm yaşaydu. Daçilarniŋ mäydani 111 gektar. Bu yärgä üç blokpost qoyuldi. Perimetrni qorşaş üçün politsiya hadimliri, mediklar, mähsus härbiy mäҗburiyitini štäşkä çaqirtilğan zapastiki härbiylär җälip qilindi. Umumän, väziyät nahiyä hakiminiŋ alahidä nazariti astida bolup, barliq zšrür çarilär ämälgä aşuruluvatidu.
Andin keyin salamätlikni saqlaş vitse-ministri Ämgäkçiqazaq nahiyälärara kšpsahaliq ağriqhana işiniŋ yahşi yolğa qoyulğanliğini tilğa aldi. Mähkimidä ahali bilän munasivät qisqartildi. Vraçlarniŋ toluq behätärligi täminlinip, ularniŋ taҗsiman virus pandemiyasi şaraitida işlişi üçün barliq imkaniyät yaritilğan.
Salamätlikni saqlaş ministriniŋ orunbasari Kamalҗan Nadirov Yättisuğa qilğan iş babidiki säpiriniŋ ahirida Almuta vilayiti infektsiyalik statsionarlar vraçliriniŋ işlişi üçün yahşi şarait yaritilğanliğini, bu bolsa, җumhuriyätniŋ başqa regionliri üçün ülgä bolup hizmät qilidiğanliğini täkitlidi.
– Amma şuniŋ bilän bir vaqitta birqatar regionlarda karantinniŋ җariy qilinmiğanliğini äpsusliniş bilän täkitläşkä mäҗbur boluvatimiz. Biz koçilarda maşinilar qatnişini, bäziliridä, hätta, tiqilişlarni bayqiduq. Bu nahiyälärniŋ heçnärsä bolmiğandäkla adättikidäk yaşaşni davamlaşturuvatqanliğini kšrsitidu. Älvättä, buniŋğa yol qoyuşqa bolmaydu. Bügün ekspertlar bilän baş sanitar vraçniŋ tävsiyälirigä qançilik toğra ämäl qilsaq, bohrandin şunçilik çapsan çiqimiz. Biz häm ihtisadiy, häm psihologiyalik җähättin mämlikätni uzaq vaqit karantinğa yepişniŋ nahayiti muräkkäp ekänligini çüşinimiz. Şuŋlaşqa bügünki taŋda hämmimiz birlişip, infektsiyaniŋ tarqilişini tohtitişimiz keräk, – dedi salamätlikni saqlaş vitse-ministri Kamalҗan Nadirov.

Bälüşüş

Javap qalduruŋ