Käŋ bolsaŋ – kam bolmaysän

0
31 ret oqıldı

Sabiräm ÄNVÄROVA,
“Uyğur avazi”

Mehrivanliq – insanniŋ esil hislätliriniŋ biri. Bügünkidäk qiyin väziyättä «Biz birgemiz!» häyrihahliq aktsiyasi asasida imkaniyiti yar bärgänlär muhtaҗlarğa yardäm qolini sunup kälmäktä. Älvättä, «Oŋ qoluŋ bärgänni, sol qoluŋ bilmisun» däydu, atilar. Biraq hazirqidäk eğir ähvalda märt-märdanä insanlarniŋ yahşiliği başqilarğa ülgä bolsun degän niyättä qolumizğa qäläm alduq. Şu җümlidin bügünki sanda «Biz birgemiz!» aktsiyasigä at selişip, yüzligän ailini un bilän täminligän tiҗarätçi jutdişimiz, Şirin yezisiniŋ turğuni Arupҗan Märipovniŋ häyrihahliği häqqidä sšz qozğimaqçimiz.
Eniğiraq eytsaq, Arupҗan Märipov štkän jili nahiyämizdiki yüz ailigä un taratqan bolsa, biyil yardämgä muhtaҗ ikki yüz ailini un (50 kg.) bilän täminlidi. Ramzan eyiniŋ harpisida Şirin yezisidin yüz ailigä, Bahar yezisidiki qiriq ailigä vä Çonҗidiki atmiş ailigä bir mişkaptin un ianä qilip, kšpbaliliq, turmuş täminati tšvän, häqiqätän yardämgä muhtaҗ aililärniŋ hiҗalitidin çiqti. Täkitläş keräkki, Arupҗan Märipov šz vaqtida jigitbeşi väzipisini atqurğan. Һä, jutniŋ ğemini yäp, yahşiliq qilişni adättä aylandurğan bu qoli oçuq insandin kšpçilik bäk minnätdar.
Muhtaҗlarğa yardäm beriş — sovapliq iş. Päyğämbirimiz: «Bäş närsidin burun bäş närsiniŋ qädrini bil. Ular: šlümdin burun —šmürniŋ, ağriq kälmäy turup — salamätligiŋniŋ, avarigärçiliktin burun — boş vaqtiŋniŋ, qarğuluqtin burun — yaşliqniŋ, kämbäğälçiliktin burun bayliqniŋ qädrini bil», degän ekän. Һärbir izgü işniŋ sovavi bar. Yäni, qayturumi yoq yahşiliq bolmaydu. Bu toğriliq hasiyätlik Qur°an kitapta «…İzgülük yolida nemä işlätsäŋlarmu, şuniŋ hämmisi šzäŋlarğa toluq qayturulidu vä silär adalätsizlikkä uçrimaysilär (yäni, sovapliriŋlarni toluq alisilär)» deyilidu. Şuŋa härbir musulman izgülük qilişqa intilişi lazim. «Käŋ bolsaŋ – kam bolmaysän», däp uyğurum bekar eytimiğanğu…

Bälüşüş

Javap qalduruŋ