Qudrätlik küç

0
361 ret oqıldı

Şahimärdan NURUMOV,
Qazaqstan Җumhuriyiti Parlamenti Mäҗlisiniŋ deputati, Qazaqstan hälqi
Assambleyasi Keŋişiniŋ äzasi, җumhuriyätlik Uyğur etnomädäniyät märkiziniŋ räisi.

Bu qetim män Qazaqstan Җumhuriyiti Parlamenti Mäҗlisiniŋ deputati vä hälqimizniŋ aliy qanun çiqiriş orginidiki yeganä väkili süpitidä hämmimizniŋ sšyümlük näşrigä aylanğan «Uyğur avazi» geziti arqiliq barliq qazaqstanliq uyğurlarğa yänä bir qetim muraҗiät qilişni šzämniŋ häm insaniy, häm grajdanliq borçum däp bildim. «Yänä bir qetim» deyişimdiki säväp, gezitimizniŋ 16-aprel' küni çiqqan 13-sanida meniŋ «Täläplärgä qät°iy ämäl qiliş lazim» särlävhilik maqaläm elan qilinip, uniŋda pütkül duniyaniŋ, җümlidin mustäqil elimiz – Qazaqstan Җumhuriyitiniŋ qeliplaşqan җämiyätlik hayatiğa çoŋ hovup päyda qilğan taҗsiman virus pandemiyasi tüpäyli elan qilinğan pävquladdä ähval vä karantin täläplirigä qät°iy riayä qilişimiz keräkligini, şundaqla pävquladdä ähval vä karantin tüpäyli Parlamenttimu җiddiy šzgirişlär yüz berip, deputatlar korpusi jiraqtin işläş tärtivigä štkänligi toğriliq täpsiliy yazğan edim. Ändi bu qetim Parlamenttiki paaliyitim toğriliq ämäs, bälki ämäliy häqqaniyitimizdin kelip çiqivatqan vä şähsän šzäm «kün tärtividiki muhim mäsilä» süpitidä baha berivatqan bügünki künniŋ ähmiyätlik vaqiälirigä munasivätlik pikrimni izhar qilişni toğra kšrdüm.
Elimiz Prezidenti Qasım-Jomart Toqaevniŋ novättiki, yäni moşu düşänbidiki bildürüşidä qäyt qilinğinidäk, helikäm taҗsiman virus kesili tüpäyli duniyadiki ähval muräkkäp peti qalmaqta. Virus juqturğanlar sani kün sanap kšpiyivatidu, äpsus, vapat bolğanlarmu helä nurğun. Elimiz misalidin sšz qilsaq, bu vabaniŋ aldini eliş üçün misli kšrülmigän çarilärni qollanğinimizğa qarimay, taҗsiman virus juqturğanlarniŋ sani üç miŋdin aşti, vapat bolğanlarmu az ämäs. Ägär päqät birla Almutida bu kesälgä duçar bolğanlar saniniŋ miŋdin eşip kätkinini inavätkä alsaq, ähvalniŋ biz päräz qilğandinmu helä muräkkäp ekänligigä kšz yätküzimiz. Ägär epidemiya ammiviy harakterğa egä bolmisa, elan qilinğan pävquladdä ähval 11-mayda pütidu, Qazaqstan karantinniŋ addiylaşturuş rejimiğa štidu, barliq regionlarda karhanilar šz işini җanlanduruşqa başlaydu. 1-maydin tartip Almuta – Nur-Sultan aviareysi äsligä kältürülidu. Yänä may eyidimu kirimi az qazaqstanliqlar 42 500 täŋgä alidu. Qisqisi, Dšlät rähbiri täkitliginidäk, hazirqidäk җiddiy ähvalda härbir grajdan dšlätniŋ diqqät näzäridä bolidu. Barliq sanitarliq normilarni saqliğan halda, balilar oyun mäydançiliriğa beriş mäsilisi qarilidu. Bildürüştä mana moşuniŋğa ohşaş çarilär tüpäyli karantin rejimini päydin-päy ämäldin qalduruş kšzdä tutulğan. Şundaq bolsimu, yänila karantin täläplirigä qät°iy riayä qilişni heçqaçan, härqandaq päyttä ästin çiqarmasliğimiz lazim. Bügünki kün ämäliyati «Saqlanğanni saqlaymän» ibarisini yänä bir qetim yadimizğa salidu.
Äl beşiğa çüşkän mundaq eğir künlärdä biz bir-birimizgä bolğan sämimiylik bilän mehir-şäpqätni eniq sezişimiz keräk. Bu toğriliq gäp qilğanda, miŋliğan mehir-şäpqätlik insanlar kšz aldimizğa kelidu, ularniŋ turmuş-täminati naçar adämlärgä nisbätän kšrsitivatqan maddiy yardimi, yäni ğämhorluği alahidä mädhiyigä munasip. Prezidentimiz täkitligändäk, «Virusqa qarşi küräşni barliq qährimanlar – mediklar, politsiya hadimliri, härbiy hizmätçilär, pidaiylar mämlikimizdä ayrim monumentqa layiq». Ularniŋ virusqa qarşi küräştiki paaliyitini mädhiyiläş — qazaqstanliq vätänpärvärlikniŋ yarqin bir kšrünüşi. Vaqti kelip, ular toğriliq nä-nä äsärlär barliqqa kelidu: kitaplar yezilidu, kinolar çüşirilidu. Äl ağzida dastan bolup tarilidu.
Tarihtin bilimizki, äl beşiğa buniŋdinmu eğir künlär çüşkän. Batur hälqimiz u sinaqlardin sürünmäy štti, bizmu bügünki hätärni, sšzsiz, şäräp bilän yeŋip çiqimiz. Näq şundaq bolidiğanliğiğa heçqandaq guman yoq. Päqät çidamliq vä tšzümlük keräk. Һškümitimiz täripidin yaritilivatqan ğämhorluqmu näq şuni – çidamliq bilän tšzümlükni kšzdä tutidu: kiçik vä ottura tiҗarät sub°ektliri üçün kšrülgän yenikçilik çariliri, vaqitliq ayliq maaşidin ayrilğan şähslärni maddiy qollap-quvätläş, hätta hayatida heçqaçan maaş almiğan adämlärgimu äŋ tšvän ayliq miqdarida iҗtimaiy yardäm pulini tšlişi – dšlätniŋ grajdanliriğa bolğan häqiqiy ğämhorluğiniŋ yarqin bir ipadisidur.
Aläm taҗsiman virus çaŋgilida qelip, hatirҗämligimiz buzulup, kšŋlümizni ändişä qapliğan bir päyttä, uluq Allaniŋ ämri bilän mšmün musulmanlar üçün hasiyätlik Ramzan eyi başlandi. Uluq Ramzan eyida barçä insaniyät kütüvatqan hävärni – taҗsiman virus atalmiş därttin birätola qutulğanliğimizni pütkül duniyağa җakalisun!
Җämiyitimizdä qandaq vaqiälärniŋ sadir boluşidin qät°iy näzär, heçqaçan šzgärmäydiğan vä heçqandaq tosalğuluq aҗizlitişqa qadir ämäs bir qudrätlik küç bar, u – milliy birlik vä häliqlär dostluği. Һä, şu qädriyatlar tüpäyli elimiz duniya sähnisidä šziniŋ munasip ornini egilidi. Tunҗa Prezident – Elbası eytqandäk, Qazaqstanniŋ bayliği uniŋ täbiiy resursliri, yäni gaz bilän neft' ämäs, bälki häliqlär dostluği, šzara razimänlik, җämiyättiki turaqliq. Mana moşu qädriyätlär arqiliq mustäqil Qazaqstan qisqa qäräl içidä täŋdişi yoq tarihiy yolni besip štti.
Häliqlär dostluği degändä, qazaqstanliq vätänpärvärlikniŋ ülgisini bayraq qilip kštärgän Qazaqstan hälqi Assambleyasi kšz aldimizğa kelidu. Jiraqni pämläşni bilidiğan dana Tunҗa Prezidentimiz – Elbası Nursultan Äbişoğli Nazarbaevniŋ täşäbbusi bilän qurulğan mäzkür institut bügün elimizniŋ iҗtimaiy-säyasiy täräqqiyatiniŋ rämzigä aylandi. Näq QHA elimizdä istiqamät qilivatqan barliq millätlärniŋ bir çaŋiraq astida birlişişigä, milliyligini saqlapla qoymay, uni tehimu täräqqiy ätküzüşigä imkaniyät yaratti.
Şu millätlärniŋ biri – biz, uyğurlar. Qerindaş qazaq hälqiniŋ bähtini šz bähti däp bilgän uyğur Qazaqstanniŋ iҗtimaiy-ihtisadiy vä mädäniy täräqqiyatiğa salmaqliq hässisini qoşuvatidu. Keläçäktimu şundaq bolidiğanliğiğa işänçim kamil. Çünki biz, uyğurlar, qazaq hälqi bilän tomurimiz bir, tilimiz bir, dinimiz bir, iman-etiqatimiz bir.
Şundaq ekän, 1-May – Qazaqstan hälqi birligi küni mubaräk bolsun! Uluq Ramzan eyidiki barliq ibadätlirimiz Alla taalaniŋ quliğiğa çeliqip, ätiki künimizniŋ tehimu parlaq boluşiğa kamil işinäyli, qerindaşlar!

Bälüşüş

Javap qalduruŋ