Kšŋül tamçiliri

0
32 ret oqıldı

«Män!»
Bizdä bir ağriq bar, dorisi yoqtur,
Muptila bolğanlar intayin kšptur.
«Män!» degän virus u – qanğa tariğan,
Davasini tapmiğan tehi heç dohtur.

U bemar oylaydu päqät šzini…
Mänmänlik torliğan çünki kšzini.
Yaqmaydu tamamän kamçiliq eytsaŋ,
«Män!» däpla başlaydu härbir sšzini.

Başqilar külsä u, içtin jiğlaydu,
Tügmidäk iş qilsa, eytip qoymaydu.
«Suniŋ äŋ süzügin içsäm šzäm» däp,
Özginiŋ süyini qästän bulğaydu.

Mahtisaŋ, mäz bolar qanitin kerip,
Egilmäy «uh» tartar, kätkändäk herip.
Özini Han sanar, hä, seni malay…
Navada, az-tola qalsa ägär beyip.

Tutidu šzini bir dana insandäk…
Sšzläydu tür yasap, äqil eytqandäk.
Qaçanla qarisaŋ, tumşuği kšktä,
Goya u duniyani tiräp turğandäk.

Bu ağriq yoqalmay, šrläş yoq bizdä!
(Vaqtida eniqlaŋ, juqsa ägär sizgä…)
«Män!» degän virustin qutuluş üçün,
«Biz!» degän vitamin haҗättur bizgä.

Kim bar däysiz?
Kim bar däysiz
Ğämsiz jürgän bügündä?!
Һär närsiniŋ bir qiri bar kšrünmäs.
Bir külkiniŋ on jiğisi bar duniya,
Bu hayatniŋ sinaqliri tügimäs…

Pul yoq dämsiz?..
Pul heçqaçan yätmäydu.
Bazarlarda heçkim «bähit» satmaydu.
Birigä tar, birigä käŋ bu duniya,
Nadanlarni bayliq bilän aldaydu.

Saray dämsiz?..
Saray äsli җännättä!
Һšküm kälsä, šyüŋ qalar bir çättä.
Untumiğin, mäŋgü ämäs bu duniya,
Äskä alğin ahirätni bir päytkä…

Tulpar dämsiz?..
Tšmür tulpar gäp ämäs.
Mingin mäyli, biraq yolda bol pähäs!
Äzäldinla täŋşälmigän bu duniya,
Bäzilärgä arman päqät yär dässäş.

Ataq dämsiz?..
Ataq qonmas oŋayla.
Äşu yolda adaşmaqta talaylar.
Adämlärni bšlgini yoq bu duniya,
Bšlünmäktä baylar bilän gadaylar.

Kim bar däysiz
Ğämsiz jürgän bügündä?!
Män razimän härbir atqan künümgä.
Sinisimu mäyli qançä bu duniya,
Muhäbbitim çäksiz haman šmrümgä!

Sabiräm ÄNVÄROVA.

Bälüşüş

Javap qalduruŋ