Täbrikläymiz!

0
32 ret oqıldı

Yeqinda Evropidin huş hävär käldi. Qazaqstan Җumhuriyitiniŋ Salamätlikni saqlaş sahasiğa salmaqliq hässä qoşuvatqan Balilar hirurgiyasi vä pediatriya ilmiy märkiziniŋ balilar hirurgiyasi bšlüminiŋ başliği, meditsina pänliriniŋ doktori Nurlan Nurkenoğli Äkbärovqa Evropa Täbiiy pänlär akademiyasiniŋ akademigi unvani berildi. Şundaqla qerindişimizniŋ täşäbbuskarliq häm šz käspiniŋ salahiyätlik mutähässisligi ekänligi inavätkä elinip, aldimizdiki üç jil içidä Qazaqstan Җumhuriyitidä uşbu akademiyaniŋ biomeditsina şšbisini şäkilländürüş väzipisi jükländi.
Nurlan Äkbärov 1959-jili Uyğur nahiyäsiniŋ Kätmän yezisida duniyağa kälgän. 1997-jili namzatliq, 2007-jili doktorluq dissertatsiyasini yaqlidi. U 300din oşuq ilmiy ämgäk vä üç monografiya bilän šz sahasi boyiçä jigirmidin oşuq käşpiyatniŋ muällipi. Nurlan Nurkenoğli 2007-jildin buyan «Cincinnati Childrens Hospital Medikal Center» (AQŞ) meditsina märkiziniŋ Pähriy professori atilip, Evropa Täbiiy pänlär akademiyasiniŋ äzaliğiğa qobul qilinidu. Qazaqstan, Taҗikstan vä Amerika Qoşma Ştatliriniŋ pediatriya vä hirurgiya jurnalliriniŋ redkollegiya äzasi. Nurlan Äkbärov päqät Qazaqstanniŋla ämäs, bälki duniya ilim-pän täräqqiyatiğa qoşqan tšhpisi tüpäyli Robert Koh vä Aleksandr-3 namidiki orden-medal'lar bilän mukapatlanğan.
Nurlan Nurkenoğli Äkbärovni miŋliğan gezithanlirimiz namidin novättiki utuği bilän sämimiy täbrikläp, işiğa utuq vä ailäviy hatirҗämlik tiläymiz!
«Uyğur avazi» gezitiniŋ tährirati.

Bälüşüş

Javap qalduruŋ