Artuq avarigärçilik haҗät ämäs

0
22 ret oqıldı

Qazaqstanda ändi muhim ähbaratniŋ barliği umumiy baziğa toplanğan. Şuŋlaşqimu bir idaridin ähbarat soraşqa häm uniŋdin җavap elişqa vaqit täläp qilinmaydu.
Qazaqstan Җumhuriyiti bilim vä pän ministri Ashat Aymağambetovniŋ sšziçä, dšlät strukturiliridin yärlik (hakimiyätlär, bilim beriş bšlünmiliri, sanitariya-epidemiologiyalik stantsiyaliri, politsiya bšlümliri, bilimni aşuruş institutliri metodikiliq kabinetlar v.b.) hšҗҗätlärni toplaşqa nurğun vaqit ketidu vä bu häddi-hesapsiz qiyinçiliqlarni päyda qilidu.
“Balilar bağçisiğa barğan bala häqqidiki barliq ähbarat u mäktäpkä barğan çağda avtomatik türdä ottura bilim beriş täşkilatiğa ävätilidu. Şundaqla balilar kolledjlar vä aliy oquş orunliriğa çüşkändimu ular häqqidä ähbarat komp'yuter arqiliq elinidiğan bolidu. Mäzkür ähbaratlarniŋ barliği umumiy baziğa kirgüzülgän, buniŋdin keyin bilim beriş mähkimiliriniŋ rähbärliri buniŋ üçün vaqtini boşqa särip qilmaydu”, däp yazidu Ashat Aymağambetov šziniŋ iҗtimaiy tarmaqtiki sähipisidä.
Ministr şundaqla Qazaqstan Җumhuriyitiniŋ bilim vä pän ministrligi bilim beriş başqarmiliriğa vä bšlümlirigä ähbarat eliş üçün bilim beriş täşkilatliriğa soraqlar bilän muraҗiät qilişni män°iy qildi.
“Bäzibir hadimlar ähbaratni ähbaratlar bazisidin kšrä kona usul bilän eliş addiy vä yenigiräk däp hesaplaydu. Lekin biz bu adättin toluq qutuluş niyitidä. Kimdu-kim yeŋi qaidigä riayä qilmaydiğan bolsa, ularğa nisbätän mämuriy vä başqimu çarilär kšrülidu”, däp bildürdi ministr.
Sistemini addiylaşturuş mähsitidä ministr işniŋ qandaq elip berilidiğanliği häqqidä eytip bärdi. Һakimiyät, bilim beriş yaki politsiya bšlümliri umumiy baziğa kiriş üçün šziniŋ loginiğa vä paroliğa egä bolidu vä bilim beriş täşkilatiğa muraҗiät qilmayla šzigä haҗät vä qolayliq formatta ähbaratlarni uttur alalaydu.
Şundaqla umumiy bazidiki mälumatlarniŋ eniq vä aktualliğini täminläş zšrür. Moşu kämgiçä jiliğa ikki qetim (küzdä vä ätiyazda) bazidiki mälumatlar toluqturulup kälgän. Aqivättä barliq täşkilatlar jil ahiriğiçä haҗätsiz ähbaratlarni elişqa mäҗbur bolğan. Ändi mäzkür sistema 24/7 rejimida yeŋilinip turidiğan bolidu”, däp çüşändürdi ministr.
Ashat Aymağambetovniŋ täkitlişiçä, ändi ähbaratniŋ kšp qismi qol bilän tolturulmaydu, u avtomatik türdä sinhronlişidu. Buniŋdin keyin şähsiy identifikatsiyalik nomerni vä isim-şäripini qondursa, barliq haҗät ähbarat bazida kšrünüp turidu. Şundaqla yeŋi tehnologiya tüpäyli mäktäplärdiki balilar toğriliq mälumatlarniŋ täkrarliniş ähvalliri yoq qilindi.
Mäzkür fakt bilim beriş mähkimiliri här balini bšläk maliyä bilän täminläşkä kšçüştä alahidä muhim ähmiyätkä egä bolmaqta, çünki bir bala päqät birla mäktäpkä tirkilişi mümkin.
Sšziniŋ ahirida ministr kšpçilikni bearam qilivatqan mäntiqiy türdä päyda bolğan şähsiy mälumatlarni saqlaş toğriliq soalğa tohtaldi. Buniŋğa ministrlik tšvändikiçä җavap bärdi: ähbaratlarni himayä qiliş — ministrlik üçün äŋ ävzäl närsä, mälumatlar arilişiştin yahşi qoğdalğan vä u hadimlarniŋ çäklängän qismiğila ruhsät qilinğan. Şuni qoşumçä qiliş keräkki, milliy bilim beriş bazisiğa oçuq modul' җariy qilinğan. U härqandaq adämgä pedagoglarniŋ süpät tärkivi, mäktäpniŋ tehnikiliq täminati, oquş quralliri bilän täminläş vä mämlikätniŋ härqandaq balilar bağçisidiki, mäktäplärdiki, kolledjlardiki häm aliy oquş orunliridiki balilar sani häqqidä täpsiliy ähbaratlarni elişqa imkaniyät yaritidu.
Şundaqla u yaki bu täşkilatniŋ byudjeti boyiçä mälumatlarmu berilidu. Bu ata-anilarğa uttur kartidin oquş ornini tallavelişqa, uniŋ häqqidä muhim häm eniq ähbaratlarni elişqa vä oquş orunlirini bir-biri bilän selişturup kšrüşkä mümkinçilik beridu.
Şuni äskä selip štümizki, buniŋdin biraz ilgiri Qazaqstanniŋ bilim vä pän ministrligi vätän pedagoglirini artuq iştin boşatqanliği häqqidä hävär qilğan edi. Buniŋdin keyin pedagoglardin qoşumçä hesavat täläp qilğanlarğimu җäriman selinidu.

Bälüşüş

Javap qalduruŋ