U küni 9-may edi…

0
55 ret oqıldı

Sabiräm ÄNVÄROVA,
“Uyğur avazi”

Uluq Vätän uruşiğa Uyğur nahiyäsidin 4461 adäm qatnaşqan. Uniŋ içidä 1786 adäm җäŋ mäydanida kšz jumğan. Uruş ahirilaşti, biraq teçliq üçün küräşkän veteranlarniŋ mäydisigä taqalğan orden-medal'lar ularniŋ jüräk yarisiğa mälhäm bolalmidi…
Jillarni qoğlap vaqit štkänsiri, bizgä bügünki hatirҗäm hayatni äta qilğan qährimanlarniŋ sepi kündin-küngä azaymaqta. Mäsilän, bügünki kündä Uyğur nahiyäsidä UVUqa qatnaşqan bäş veteranla bar. Qan mäydanidin saq-salamät qaytqan İvan Dumanov — Taştiqarisuda, Äkräm Avalov — Tügmändä, Alim Kebirov — Baharda, Ömär Qasimov — Ğalҗatta, Abduҗelil Şäripov Çonҗa yezisida istiqamät qilidu.
Taҗsiman virus pandemiyasigä bağliq elimizdä elan qilinğan pävquladdä ähvalğa bola, biyil uşbu uluq märikini dağduğiliq atap štälmiduq. Amma keläçigimiz üçün küräşkän oğlanlarniŋ ärligi untulğini yoq. 9-may küni nahiyä hakimi Şšhrät Nurahunov, nahiyälik mäslihätniŋ kativi Nuräkim Esjan, nahiyälik veteranlar keŋişiniŋ räisi Äbläkim Esuyanov vä nahiyälik mudapiä işliri bšlüminiŋ başçisi, mayor Sultanmurat Ğapparov juqurida ismi atalğan veteranlarniŋ šylirigä berip, Uluq Ğalibiyätniŋ 75 jilliq märikisi bilän täbrikläp qaytti. Nahiyä rähbiri Şšhrät Turdahunoğli ularniŋ härbirigä Qazaqstan Җumhuriyitiniŋ Prezidenti Qasım-Jomart Toqaevniŋ häm Almuta vilayitiniŋ hakimi Amandıq Batalovniŋ täbrik hetini yätküzüp, mähsus soğilarni tapşurdi. Teçliqniŋ här teŋini bahalap yaşavatqan veteranlar nahiyä hakimi başliğan darliq rähbärlärgä duasini berip, çäksiz minnätdarliğini izhar qildi.
***
Raşidäm RÄҺMANOVA,
«Uyğur avazi»

Äldiki väziyätkä qarimay, bizgä teçliq hayat hädiyä qilğan җäŋgivar ata vä җapakäş anilirimiz nahiyä rähbärliginiŋ diqqät-näzäridin sirt qalğini yoq. Ğalibiyät mäyrimi küni Ämgäkçiqazaq nahiyäsiniŋ hakimi Binäli Isqaq, nahiyälik mäslihätniŋ kativi Beket Ahmetov, nahiyä prokurori Azamat Kürenkey, nahiyälik veteranlar keŋişiniŋ räisi Tileules Uzaqov, 6654-Qarakemer härbiy qisiminiŋ komandiri Erken Jaŋabergenov, nahiyälik mudapiä işliri bšlüminiŋ başliği Bolat Smailov Zabaykal'e mäydani vä yaponlarğa qarşi uruş qatnaşquçisi Soltanbay Jarıqbasovni, Ukraina vä Belorussiya frontliriniŋ iştrakçisi Nikolay Savraevni, Kalinin şähiri vä Ukrainini azat qiliş җäŋlirigä qatnaşqan, Keŋäş İttipaqiniŋ Qährimani Mänşük Mametova bilän bir polkta hizmät qilğan Jılqıbay Täjiqulovni, Ukraina frontiniŋ qatnaşquçisi Muzäppär Şäripovni, 1941 — 1943-jilliri Şimaliy-Ğärbiy frontida җäŋ qilğan, radiotelegrafist Maksim Utlovni vä yapon militaristliriğa qarşi küräşkän Kuz'ma Konovalenkoni šylirigä yoqlap berip, halidin hävär aldi. Nahiyädiki yänä bir veteran Mihail Mitrogan 24-aprel'da hayattin štti. Uniŋ räpiqisini şanliq mäyrimi bilän täbriklidi.
– Äziz atilar, silärniŋ Vätän azatliği üçün besip štkän şanliq yoluŋlar vä qanliq җäŋ mäydanliridiki tonutqan qäysärligiŋlar bilän qährimanliğiŋlarni ävlatliriŋlar heçqaçan untumaydu. Biz äsirlär boyi silärgä tazim qilip štimiz. Teçliq hayat hädiyä qilğanliğiŋlar üçün silärgä miŋ rähmät, – dedi mštivärlärgä zor salamätlik vä uzaq šmür tiligän Binäli Äbdiqapasoğli. Andin u ğalip atilarğa Qazaqstan Җumhuriyitiniŋ Prezidenti Qasım-Jomart Toqaevniŋ vä Almuta vilayitiniŋ hakimi Amandıq Batalovniŋ täbrigini yätküzdi. Nahiyä hakimi veteranlarğa güldästilär bilän soğilarni tapşurup, ularniŋ mäydilirigä Uluq Ğalibiyätniŋ 75 jilliq tävälludluq medal'lirini taqidi.
Nahiyä hakiminiŋ täbrigidin keyin kälgän mehmanlar novät-novät bilän atilarni täbrikläp, ularğa atiğan soğilirini hädiyä qildi.


Öz novitidä atilarmu šzliriniŋ dualirini berip, šzlirigä kšrsitilgän hšrmät-ehtiram üçün minnätdarliğini bildürdi. Uruşniŋ heçqaçan qaytilanmasliğini tiläp, keläçäk ävlatqa, Qazaqstanğa parliq keläçäk tilidi.
Atap ketiş keräkki, härbiy paradniŋ ornini tolturuş üçün nahiyä rähbärlirigä hämra bolğan Qarakemer härbiy bšlüminiŋ püvdäp çalidiğan äsvaplar orkestri Ğalibiyät küni iҗra qilinidiğan än°äniviy marş vä ahaŋlarni orunlidi.
U küni biz, täşkänsazliq veteran Muzäppär Şäripovniŋ šyidä Ämgäkçiqazaq nahiyälik Uyğur etnomädäniyät märkiziniŋ räisi Sulayman Mähsütov vä uniŋ orunbasarliri Nurbüvi Nasirova häm başqarma äzasi Üsänҗan Abdrahmanovni uçrattuq. Mehmanlarni Muzäppär atiniŋ pärzäntliri bilän Täşkänsaz yeza okruginiŋ hakimi El'vira Mäsütova kütüvaldi.
Şundaq qilip, biyilmu Uluq Vätän uruşiniŋ veteranliriğa alahidä hšrmät kšrsitildi. Demäk, härqandaq väziyättin taşqiri, ular ğämhorluqqa bšlinidiğanliği ispatlandi. Çünki ularni qädirläp, hayat yolini ülgä tutuş – bizniŋ muqäddäs borçimiz!
Ämgäkçiqazaq nahiyäsi.

***
Gšhärbüvi İSMAYİLҖANOVA,
«Uyğur avazi»

9-may — Ğalibiyät küni harpisida Panfilov nahiyäsidä istiqamät qilivatqan 428 arqa säpniŋ qährimani «Uluq Vätän uruşidiki Ğalibiyätniŋ 75 jilliği» medali bilän täğdirländi.
Bu jilliri baliliğini untup, beli mükçäygän bova-momiliri bilän etiz-eriqni makanliğan uruş jilliriniŋ baliliri az ämäs. Mana şu tävärrük ata-anilarniŋ yeşi säksändin alqidi. Ularniŋ halidin hävär tepip, yoqlap, kšŋül soğiliri, güldästilär bilän illiq tiläklirini izhar qilivatqan nahiyä, şähär vä yeza hakimliri bilän jut-җamaätçilik väkilliri җasarätlik ämgigi üçün minnätdarliğini izhar qilivatidu.
Qähriman atilar bilän anilarğa kšrsitilivatqan ğämhorluq yänimu davamlişidu.
***
Kšktal yezisida turidiğan Sembek Qojahmetov — nahiyädiki hayat qalğan Uluq Vätän uruşiniŋ birdin-bir qatnaşquçisi. Uruş vä ämgäk veteraniniŋ šyidin härqaçan adämlär ayiği üzülmäydu. Mäktäp oquğuçiliri, studentlar, nahiyä jut-җamaätçiligi. Ular veteran bilän uçrişip, äl beşiğa çüşkän zulmät jillarda Vätänni nemis basqunçiliridin azat qiliş üçün oq bilän otniŋ arisida jürüp, baştin käçkänlirini uniŋ šz lävzidin aŋlap, Ğalibiyätniŋ qandaq qolğa kälgänligini yaşlarğa eytip, җasarät ülgisini tärğibat qilip kälmäktä. Bu qetimmu Uluq Ğalibiyätniŋ 75 jilliği harpisida däsläpkilärdin bolup, Panfilov nahiyäsiniŋ hakimi Talğat Ömiräliev sabiq җäŋçini täbrikläp, halidin hävär tapti.
Nahiyä hakimi Talğat Ömiräliev veteranğa Qazaqstan Җumhuriyitiniŋ Prezidenti Qasım-Jomart Toqaevniŋ täbrik hetini tapşurup, mustähkäm salamätlik tilidi.
Sabiq җäŋçiniŋ hatirisi sağlam, šzi timän bolğaçqa, nahiyä hakimi bilän kälgän mehmanlarğa Leningrad üçün qandaq küräşkänligini sšzläp bärdi.
— Leningrad şähiri 872 kün qorşavda boldi. Şu çağda ilgärki Keŋäş älliridin Leningradqa ozuq-tülük, kiyim-keçäk ävitilgänligi heli esimda. Qazaqstanliq aqın Jambul Jabaev bolsa, şu çağda «Leningradtsı, deti moi» şeirini yazğan ämäsmedi?! Mana aridin qançiligän jillar štsimu, uruş yarisi saqiyar ämäs. Män uniŋdin başqa läniti uruş degän bolmisun, zamanimiz teç, asminimiz oçuq bolsun, dostluqta, birliktä yaşap, ämgäk etiŋlar, däp tiläymän, — dedi titirigän qollirini yeyip, atiliq duasini bärgän Sembek ata.
Bu küni Sembek Qojahmetovni täbrikläp kälgüçilärniŋ arisida Kšktal yeziliq poçta bšlümçisiniŋ başliği Hurşidäm Bağaevamu boldi. U bir million täŋgilik soğisi bilän pensiya pulini veteranniŋ qoliğa tapşurdi.
— Biz kšpmillätlik kšktalliqlar, sabiq җäŋçini pat-pat yoqlap turimiz. Sembek atimu härbirimizni šz balisidäk kšrüp, ikkinçi җahan uruşidin äslätmilärni eytip, sšzläp harmaydu. Çünki u tarih. Atimiz uruştin keyin içki işlar bšlümidä işläp, däm elişqa çiqqan ämgäk veterani. Kümishan apa bilän tšrt qiz, bäş oğul tärbiyiläp qatarğa qoşti. 30 nävrä, 11 çävrä vä 1 ävrä sšygän u — hämmimizniŋ pähri, — däydu H.Bağaeva.

Panfilov nahiyäsi.

Bälüşüş

Javap qalduruŋ