Qiyinçiliqlarğa boy bärmäyvatidu

0
60 ret oqıldı

Mäşür SASİQOV,
«Uyğur avazi»

Elimizdä җariy qilinğan pävquladdä väziyätkä vä uniŋğa bağliq elan qilinğan karantinğa bilim beriş sistemisiniŋ iş-paaliyiti tamamän başqiçä tüs aldi. Bolupmu muällimlärgä oquğuçilarni jiraqtin oqutuş kšpligän eğirçiliqlarni elip käldi. Şuniŋğa qarimay, uniŋsizmu qiyinçiliği tola bu käsipniŋ därdini tartivatqan ular šzliriniŋ täҗribisigä tayanğan halda, väzipisini şäräp bilän atqurup kelivatidu.
Almuta şähiri Şapağat (Zarya Vostoka) mikrorayoni Murat Һämraev namidiki 150-uyğur ottura mäktiviniŋ muällimlirimu buniŋdin istisna ämäs. Ularniŋ izçil vä yeŋi zamanğa yeŋiçä yandişip, ämgäk qilişi tüpäyli oquğuçilarmu nahiyälik, şähärlik vä җumhuriyätlik konkurs-olimpiadilarda ğalip ataldi. Şuni alahidä täkitläş keräkki, bügünki kündä mäktäp oquğuçiliri elimizdä käŋ dairidä nişanlinivatqan uluq ällama Abay Qunanbaywlıniŋ 175 jilliğa munasivätlik çarä-tädbirlär bilän härhil pänlär boyiçä uyuşturuluvatqan musabiqä-kšrüklärgä ilmiy-tätqiqat, iҗadiy işliri bilän iştrak qilip, ana mäktiviniŋ şänini qoğdap kelivatidu.
Älvättä, şagirtliriniŋ büyük pällilärdin kšrünüşidä mäktäp muällimliriniŋ bügünki eğir ähvalda ayanmay tär tšküvatqanliği eniq. Mäsilän, Veneräm Mäŋsürova, Veneräm Җalamova, Şahnoza Һaşirova, Gülistan Zununova, Һakimҗan Һämraev, Kulayman Talbaeva, Ümäthan Änsärdinova, Manar Aytmoldina, Zulfira Yasinova, Saida Qurbanova, Aminäm Näsirdinova vä Gülmira Tohtahunova käbi šz käspiniŋ mahirliri oquğuçilarni äynä şu sinaqlarğa täyyarlaşta atqurğan işliriniŋ näqädär müşkül bolğanliğini täpsiliy çüşändürüşniŋ haҗiti yoq däp oylaymiz. Ändi Sabina Ämraeva, Suhrab Һosmanov, Diana Älimova, Amannisahan, Aliyäm Yalieva, Madina İbragimova, İparhan İmärҗanova, Rufina Novärova vä başqa ismi atalmiğan oquğuçilar ustazliriniŋ ümütini aqlapla qoymay, ularniŋ käspigä bolğan muhäbbitini tehimu aşurdi desäk, mubaliğä bolmaydu.
Biz jiraqtin oqutuş sistemisi җäriyanida šzliriniŋ nemigä qabilliğini oçuq namayiş qilaliğan mäktäp kollektiviğa aq yol tiläş bilän billä hälqimizniŋ büyük oğlani, alim Murat Һämraevniŋ namida atilidiğan därgah toğriliq buniŋdin keyinmu päqät yahşi hävärlärdin vaqip bolidiğanliğimizğa işänçimiz kamil.

Bälüşüş

Javap qalduruŋ