Yaşlirimiz yaridi!

0
88 ret oqıldı

Sabiräm ÄNVÄROVA,
«Uyğur avazi»

Apät eytip kälmäydu. Oylimiğan yärdin Özbäkstandiki Sardoba su qoymisi yerilip, aqivättä qazaqstanliqlarmu zärdap çäkti. Yäni, Özbäkstan çegarisiğa yeqin orunlaşqan Maqtaral nahiyäsi suniŋ astida qelip, ottuz miŋdin oşuq turğun kšçirildi. Bähitkä yarişa, täbiiy apättin kšz jumğanlar bolmidi. Biraq beguna häliq baş-panasidin ayrilip, dehanlarniŋ gektar-gektar yärgä tškkän maŋlay täri bekarğa kätti.

«Ölgänniŋ üstigä täpkändäk”, bügünkidäk qiyin väziyättä yüz bärgän apät dšlät ihtisadiğimu çiqim kältürmäy qalmidi. Һärqandaq qiyinçiliqni birlik bilän yeŋidiğan qazaqstanliqlar bu qetimmu šmlügini kšrsätti. «Biz birgemiz!» aktsiyasi asasida ozuq-tülük, kiyim-keçäk qatarliq keräk-yaraqlar besilğan jük maşiniliri Qazaqstanniŋ tävä-täväliridin biriniŋ käynidin biri Maqtaralğa qarap yüzländi. Җümlidin moşundaq izgü işlardin Uyğur nahiyäsimu çättä qalmidi. Nahiyädin ozuq-tülük, kiyim-keçäk, quruluş materialliri vä kündilik turmuşta haҗätlik buyumlar besilğan ikki jük maşinisi Maqtaralğa yetip bardi. Nahiyä yaşliriniŋ täşäbbusi bilän qolğa elinğan başlanmini šlkä turğunliri qollap-quvätläp, yardäm kšrsätti.
Nahiyädiki bir top yaşlar, җümlidin Nursultan Telyapov, Damir Sidiqov, Tayir İdrisov, İslam Abdursulov, Diyar Sidiqov, Alimҗan Alikov, Şahmurat Nurähmätov, Taymir Abdrimov bilän birliktä Maqtaralniŋ Slavyanka yezisiğa berip, ähvalni šz kšzliri bilän kšrüp, Uyğur nahiyäsi hälqiniŋ amaniti tapşurup qaytti.
– Öylärniŋ täŋdin-tolisi tamdin soqulğaçqa, sudin näm tartip, šrülüp ketiptu. Sirtqi silaqliriniŋ çüşüp kätkänligini eytmiğanda, päqät meçitniŋ huli qiysaymiğan. Bumu bir Allaniŋ qudriti. Bäzi yärlärdä ähval biz oyliğandinmu qorqunuçluq. Yerim beliğiçä suniŋ astida qalğan yezilar, şunçä ämgäk bilän terilgän aşliq etizliqliriğa qarisaŋ, jürigiŋ ağriydu. Qiyin ähvalda qalğan maqtaralliqlarğa tügmidäk bolsimu yardimimiz tägsikän degän niyättä nahiyädin elip barğan närsilirimizni turğunlarğa tarattuq. Maqtaral hälqiniŋ männätdarliğiğa, imamniŋ aq duasiğa erişip qayttuq, – däp ähvalni qisqiçä bayan qildi Nursultan Telyapov.
Eytip štüş keräkki, nahiyälik Uyğur etnomädäniyät märkiziniŋ väkillirimu uşbu izgü işniŋ beşida boldi. Märkäz yenidiki Yaşlar keŋişiniŋ räisi Äziz Paltahunov häyrihahliqqa at selişip, šz ülüşini qoşti. Hulasiläp kälgändä, uyğur yaşliriniŋ täşäbbusi vä šmlügi bilän ämälgä aşqan bu izgü iş kšpçiliktä yahşi täsirat qaldurdi. Bu bir çaŋiraq astida bir ailiniŋ pärzäntliridäk yaşavatqan qazaqstanliqlarniŋ, bolupmu älmisaqtin qerindaş qazaq vä uyğur hälqiniŋ muqäddäs dostluğiniŋ yänä bir ipadisidur.

Bälüşüş

Javap qalduruŋ