Çempionniŋ anisi

0
322 ret oqıldı

Raşidäm RÄҺMANOVA,
«Uyğur avazi»

– Gülbähräm ana – äҗayip bir mehrivan җan, siz tonuşiŋiz keräk, u Razäm muällimniŋ siŋlisi bolidu, – dedi yäŋgäm Gülsarä hädä yeqinda hoşnisi häqqidä gäp qilip.
Uniŋ bu sšzliridin keyin štkän äsirniŋ 80-jilliri 5-6-sinipta oqup jürginimizdä bizgä däris bärgän egiz boyluq häm ğolluq, çirayi nurluq, dayim külüpsiräp turidiğan ustazimiz Razäm aka Säydinovniŋ qiyapiti kšz aldimğa käldi.
Razäm muällim uyğur tili vä ädäbiyati pänliridin däris berätti. Һazir undaq muällimlär barmu, yoqmu, bilmidim, amma u däris štkändä, yazğuçi-şairlar äsärliriniŋ qährimanliri äriksiz kšz aldimizğa kelip, bädiiy kitaplarni oquşqa aldirattuq. Uniŋ därislirini taqätsizlik bilän kütättuq. Bäs-bäskä çüşüp, šy tapşurmisini sšzläp berişkä intilattuq. Mundaq päytlärdä oquğuçiliriniŋ paalliğiğa razi bolğan muällimimiz bizni ärkilitip, mahtapla ketätti.
Gülsarä hädini başlap, Gülbähräm aniniŋ šyigä barduq. İşikniŋ eçilğanliğini aŋliğan ana jügräp degidäk aldimizğa çiqti. Til tägmisun, animiz timän ekän. Däm eliş künliri Almutidin nävrä-çävrilirini kelidu däp, ularniŋ yahşi kšridiğan tamiği – uyğurniŋ läŋminini sozuvetiptu. Qayil boldum. Yäŋgäm başta eytqinidäk, ana biz bilän sämimiy kšrüşüp, šygä başlidi.
Sšhbätara Gülbähräm ana šzigä qariğanda märhum yoldişi Pazilҗan Baqiev häqqidä kšpiräk sšzlidi. U Çeläkniŋ tonulğan mäşiqländürgüçisi edi. Sportniŋ birnäççä türi bilän şuğullinatti. SSSRniŋ hizmät kšrsätkän mäşiqländürgüçisi V.Psarevniŋ tärbiyisini kšrgän. Yättinçi siniptin sport bilän şuğullinip, 1952-53-54-jilliri, yäni 19, 20, 21 yaşlirida üç jil uda yaşlar arisida küräştin җumhuriyät çempioni atalğan.
Pazilҗan 1955-jili armiya sepigä elinip, härbiy hizmitini sport rotisida štidi. Һärbiylär spartakiadisida pistolettin oq etiş boyiçä duniya çempioni Mahmut Ömärov bilän tonuşti. Ukraina birinçiligidä çempion ataldi. Şu çağda SSSRniŋ hizmät kšrsätkän mäşiqländürgüçisi Pavel Kozin uni Moskvağa täklip qildi. Amma, Pazilҗan ailäviy şaraitlarğa bağliq, ana jutiğa qaytip käldi. Qazaq pedagogika insitutida tähsil kšrüp, Çeläktiki rus ottura mäktividä biologiya vä geografiya pänliridin däris bärdi. Şundaq künlärniŋ biridä Çeläktä balilar vä šsmürlärniŋ sport mäktivi eçildi. Pazilҗan Baqievniŋ utuqliridin hävärdar nahiyä rähbärligi uni sport mäktivigä täklip qildi. U Qazaq pedagogika institutiniŋ täntärbiyä muällimlirini täyyarlaydiğan fakul'tetiniŋ sirtqi bšlümigä oquşqa çüşti. İsmi Keŋäş İttipaqi sportiniŋ rivayitigä aylanğan Jaqsılıq Üşkempirov bilän oqudi.
Pazilҗan ata keyinki hayatiniŋ barliğini yaş sportçilarni tärbiyiläşkä beğişlidi. Uniŋ yüzligän şagirtliridin başqa, šziniŋ oğli Mähämmätҗanmu ata izini besip çiqti. Äpsus, u 29 yeşida yol halakitidin qaza boldi. «Uzuniraq šmür sürsä, atisidin aşqan sportçi bolar edi» däydu Gülbähräm ana kšzigä yaş elip. Һär halda oğlidin yaldama retidä qalğan nävrä qizliri Aida vä Dinariniŋ utuqliri häqqidä pähirliniş ilkidä eytip štti. Ularniŋ çoŋi – ihtisatçi, kiçigi – farmatsevt bolup işläydu. Aida bovisi vä dadisi käbi sportqa iştiyaq bağlap, küräş bilän şuğulliniptu.
Gülbähräm aniniŋ eytişiçä, uniŋ aliy oquş ornida bilim elişqa mümkinçiligi bolmidi. Şuŋlaşqa u ottura mäktäptin keyin birnäççä jil Çeläktiki basmihanida işlidi. Andin altä ayliq soda-setiq kursini tügitip, hayatiniŋ 30 jilini uşbu sahağa särip qildi. Ämgäk veterani ataldi. Gülbähräm ana šzi aliy bilim alalmiğini bilän pärzäntliriniŋ aliy mälumatqa egä boluşi üçün barliq küç-җigärini särip qildi. Nätiҗidä, çoŋ qizi Çolpan meditsina institutini tamamlap, farmatsevt-provizor bolup yetildi. U «Europharma» dorihanilar tarmiği Çeläk yezisidiki şšbisiniŋ başliği. «Adal» mukapitiniŋ sahibi. Damir isimliq 11 yaşliq oğli bar. Älaçi oquydu.
Gülbähräm aniniŋ känҗä qizi Gülnarä bolsa, muällim. Çeläk yezisi vä Almuta şähiriniŋ birnäççä bilim därgahlirida muällim, ilmiy mudir bolup işlidi. İkki jildin beri «Bšbek» balilar bağçisiniŋ rähbiri hizmitini atquruvatidu. Küyoğli Almat – pävquladdä ähvallar hizmitiniŋ polkovnigi. Almat bilän Gülnariniŋ çoŋ oğli Ruslan atisiniŋ izini basti. 25 yeşida pävquladdä ähvallar hizmitiniŋ leytenanti ataldi. Kiçigi Timur pauerlifting bilän şuğullinip, 17 yeşida aläm çempioni ataldi. Һazir u Sport vä turizm akademiyasidä oquydu.
Gülbähräm Baqieva hazir märhum yoldişi Pazilҗan bilän salğan tävärrük šyidä çoŋ qizi Çolpan bilän yaşaydu. U känҗä nävrisi Damirniŋ är yetip, qatarğa qoşulğinini kšrüşni arman qilidu. İlahim, aniniŋ armini iҗavät bolğay!

Ämgäkçiqazaq nahiyäsi.

Bälüşüş

Javap qalduruŋ