Tunҗa Prezident bilän bolğan däqiqilär

0
64 ret oqıldı

Bähtişat SOPİEV,
«Uyğur avazi»

Şähsän män Elbası — Tunҗa Prezident Nursultan Nazarbaevni talay qetim uçrattim. Biraq, käspimgä bola, uni päqät sürätkä çüşiriş bilänla çäkländim. Çünki maŋa bäzidä fotomuhbirniŋ väzipisini atquruşqa toğra kelidu. Äsli šzäm sürätkä çüşirişni yahşi kšrimän. Amma buniŋ bizniŋ sahadiki äŋ qiyin käsip ekänligini boynumğa fotoapparatni asqandin keyin birla çüşändim. Eytayli, bir yärgä redaktsiyaniŋ tapşurmisi bilän barduq. Maqalä yeziş bilän billä sürätkä çüşiriş keräk. Ötüvatqan märasim toğriliq yaki şähsiy bir adämniŋ sšzini diktofonğa yezivelişqa bolidu. Amma adämlärni qaytidin jiğip, sürätkä çüşiriş mümkin ämäs. Fotoreportaj, mähsus reydlar häqqidä äynä şundaq deyişkä bolidu. Ändi Prezidentni sürätkä çüşirişniŋ qançilik qiyinliğini eytmisaqmu çüşinişlik bolsa keräk. Uniŋ iştrak qilişi bilän štkän çoŋ märasimlarda kam degändä 40 — 50 fotomuhbir işläydu. Dšlät rähbiri maşinidin çüşkändin keyin uni päqät şähsiy, yäni Aqordiniŋ fotografi qarşi alidu (2-sürät).

Andin sahiphanlar bilän küzätçiliriniŋ «işi» başlinidu. Bizgä ohşaş adättiki fotomuhbirlarğa bolsa helä tär tšküşkä toğra kelidu. Monu bir päytni untuş mümkin ämäs. Adättä, fotograflarniŋ kšpçiligi Prezidentniŋ nutqidin keyin zaldin bir-birläp çiqip ketidu. Şuŋlaşqa u sšzläp bolup orniğa oltarğandin keyin, çüşiridiğanlar ançä kšp ämäs. Män bolsam, tehiçä zalda oltirimän. Dšlät rähbiri “2011-jil” däp yezilğan plakatniŋ aldida oltiridu. Meniŋ kšzüm 2011niŋ otturisidiki 01gä çüşti. Özämçä, elimizdiki nomer birinçi adämni äşu fonda çüşärmäkçi boldum. Amma maŋa ornumdin säl qozğilişqa toğra käldi. Zalniŋ tšrt täripidä turğan küzätçilär meniŋdin kšz üzmäyvatqandäk bilinip kätti. Meniŋdin Prezidentmu kšz üzmäy qaravatqandäk tuyuldi. Bir tärlävaldimdä, fotoapparatniŋ knopkisini birnäççä qetim bastim. Oyliğan sürätni çüşärdim (1-sürät).

Amma şuniŋdin keyin zaldin qandaq çiqip kätkänligimni šzämmu säzmäy qaldim…
Mana şuniŋdin keyin härhil jillarda Elbasıni helä nurğun çüşärdim. Һärbir sürätniŋ qisqiçä tarihi bar.
Monu bir top yaşlarniŋ arisida turğan Elbasıniŋ käypiyatiğa qaraŋ (3-sürät): šzliriniŋ hünirini namayiş qilğan yaşlardin uniŋ bähirlinip oltarğinini bayqaveliş täs ämäs. Şuŋlaşqa märasim pütkändin keyin Elbası yaşlarniŋ aldiğa käldi. «Äҗayip yahşi hünär kšrsättiŋlar, mundaq härhil millätlärniŋ ussullirini nädin ügändiŋlar?», däp soridi ularğa yeqinlişip. «Ügättiğu!» dedi yaşlarniŋ biri. «Rastiŋni eytqiniŋğa rähmät» däp Elbası qaqahlap külüp kätti. Һämmigä Nursultan Nazarbaevniŋ dayim huşhoy jürüşi, pursiti kälsä, adämlär bilän çaqçaq qilidiğan hisliti yaqidu.
Män päqät äynä şundaq päytlärni fotoapparatta tutuvelişqa tiriştim. Undaq däqiqilär nahayiti kšp boldi. Şularniŋ birnäççisini diqqitiŋlarğa havalä qilivatimiz.

Bälüşüş

Javap qalduruŋ