Arman! Ämgäk! İşänçä!

0
846 ret oqıldı

Astanada «Jas Otan» Yaşlar qanitiniŋ İİ qurultiyi bolup štti

Paytähttä «Nur Otan» Häliq-demokratik partiyasi «Jas Otan» Yaşlar qanitiniŋ ikkinçi qurultiyi štküzülüp, uniŋğa toqquz miŋdin oşuq qiz-jigit qatnaşti. 2020-jilğiçä bälgülängän «Jastar — Otanğa!» Strategiyasiniŋ qobul qilinişi forumniŋ asasiy yäküni boldi.

Forumniŋ «Arman! Ämgäk! İşänçä!» umumiy şiari yaş ävlatniŋ umumiy käypiyatini äkis ättürdi. Ular qurultayniŋ baş qatnaşquçisi — Qazaqstan Prezidenti, «Nur Otan» Häliq-demokratik partiyasiniŋ Räisi Nursultan Nazarbaevni davamliq alqişlar bilän qarşi aldi. Prezident çoŋ hayatqa qädäm taşlavatqanlarğa alahidä diqqät bšlüvatqanliğini yänä bir qetim täkitlidi. U yaşlarniŋ hazirqi ähvali vä keläçigigä ğämhorluq qilişniŋ här dayim Qazaqstan säyasitiniŋ asasiy mäzmun-mahiyiti bolup kelivatqanliğini qäyt qildi.

— Män här qaçan novatorluq ideyalärni qollap-quvätläp kälgän vä buniŋdin keyinmu qollap-quvätläymän. Silärniŋ küç-ğäyritiŋlar mämlikätkä, hälqimizgä keräk. Biyil män Һškümätkä yaşlar säyasitini küçäytiş boyiçä eniq tapşurmilarni bärdim. Yaşlar bilän muntäzim räviştä iş elip beriş üçün Bilim vä pän ministrligidä komitet häm barliq vilayätlärdä başqarmilar quruldi, — däp täkitlidi Dšlät rähbiri. — Män här bir regionda yaşlar işliri boyiçä keŋäşlärni şähsän hakimlarniŋ başquruşiniŋ keräkligi toğriliq kšrsätmä bärdim. Evraziya Milliy universiteti asasida ilmiy-tätqiqat märkizi quruldi. U yaşlarniŋ här hil problemilirini üginişi vä dšlätniŋ tegişlik çarilärni kšrüşi üçün ularni šz vaqtida eniqlişi keräk.

Prezident şundaqla «Ärzän turuşluq šy — 2020» programmisi dairisidä här jili yaş aililärgä üç miŋ pätir aҗritiş tapşurulğanliğini täkitlidi. Yaşlar üçün turuşluq šy mäsilisila ämäs, bälki işqa orunlişiş mäsilisimu muhim. Päqät biyilla dšlät 95 miŋ jigit vä qizniŋ işqa orunlişişiğa yardäm qildi. Biraq moşuniŋ bilänla iş tügimidi.

Nursultan Nazarbaev qurultayda Һškümätkä yaşlarni işqa orunlaşturuş programmisini işläp çiqişni tapşurdi.

Yeŋi programma Qazaqstanniŋ härqandaq çoŋ karhanisiniŋ, bolupmu dšlät programmisiğa qatnişivatqan karhanilarniŋ yaşlarni oqutuş häm işqa orunlaşturuş üçün kvotilarğa egä boluş imkaniyitini kšzdä tutuşi keräk.

Dšlät rähbiri mundaq mälumatlarni kältürdi: 2012-jili 161 miŋ yaş qazaqstanliq mäktäpni tamamlidi, ularniŋ 40 miŋdin oşuği käspiy kolledjlarğa, 93 miŋi aliy oquş orunlarğa oquşqa çüşti. 28 miŋ yaş yä kolledjlarğa, yä universitetlarğa çüşmidi, yäni tehnikiliq yaki käspiy bilimsiz ämgäk baziriğa bardi.

—   Buniŋda mäsilä bizdä iş orunliriniŋ yoqluğida ämäs, bizdä kvalifikatsiyalik mutähässislär yoq, işçilar yetişmäydu, injenerlar, tehniklar yetişmäydu, paytähttä quruluşçilar yetişmäydu. Äŋ muhimi — käsip egiläş keräk, dšlät mana moşu mäsilidä yardäm qilişi lazim, — däp täkitlidi Nursultan Nazarbaev. — Jillar štüp hämmisigä lavazim egiläş qiyin bolidu, käsipsiz yahşi işqa, yahşi iş häqqigä ümüt qiliş mümkin ämäs. Män Һškümät aldiğa ottura mäktäpni tamamliğan här bir qazaqstanliqniŋ mutähässislik egilişigä imkaniyät yaritilişi keräk, degän väzipini qoyuvatimän. İhtisatqa ottura zvenodiki tehnikiliq hadimlarmu, slesar'larmu, mehaniklarmu, haydiğuçilarmu, käpşäligüçilärmu, aşpäzlärmu vä başqa käsip egilirimu keräk.

Prezident dšlät programmisiğa qatnaşquçi härqandaq çoŋ karhana yaşlarni oqutuş vä işqa orunlaşturuş boyiçä kvotiğa egä boluşi keräkligini täkitlidi. Uniŋ sšziçä, Һškümät, şundaqla yezilarniŋ, nahiyälärniŋ, vilayätlär vä şähärlärniŋ hakimliri uçumkarlar bilän işlişi vä ularni toğra yolğa nişan qilişi keräk. Şundaqla mämlikät Prezidenti «İş bilän täminläş — 2020» programmisi dairisidä «Yaşlarniŋ ämgäk birjisini» vuҗutqa kältürüşni tapşurdi.

—   Män här bir yaş qazaqstanliqniŋ «Diplom bilän yeziğa!», «Yaşlar säyasiti», «Jasıl El» ohşaş programmilarğa qatnişişqa elektronluq buyrutma berişi vä mämlikätkä qandaq mutähässisliklärniŋ zšrür ekänligini bilişi üçün «Yaşlarniŋ ämgäk birjisi» birpütün veb-portalini vuҗutqa kältürüşni täklip qilimän, — dedi u.

Һškümätkä şundaqla yaş tiҗarätçilärni qollap-quvätläş üçün «Tiҗarätniŋ yol häritisi — 2020» programmisiğa šzgirişlärni kirgüzüş tapşuruldi.

Şundaqla Nursultan Nazarbaev Qazaqstanniŋ barliq şirkätlirini bilim berişniŋ dual'liq sistemisiğa qatnişişqa çaqirdi. Bu sistema hazirniŋ šzidä bir qatar milliy şirkätlär bilän karhanilarda işlävatidu. Dual'liq sistema yaşlarniŋ vaqtiniŋ 70 — 80 payizini bevasitä işläp çiqirişta štküzüp, päqät 20 — 30 payizinila kolledjda oquş üçün särip qilinidiğanliğini kšzdä tutidu. Buniŋda oqutuş işläp çiqirişniŋ eniq täläplirigä toluq däriҗidä yeqinlaşturulğan.

—   Mäktäplärniŋ oquğuçiliri işläp çiqirişta praktikantlar bolup hesaplinidu, ularğa iş häqqi bälgülinidu, ular oquydu. Yaşlarniŋ u yärdä qelişi şärt ämäs, egiligän käsip bilän härqandaq җayda işläşkä bolidu, — däp täkitlidi Dšlät rähbiri.

Şundaqla Qazaqstan Prezidenti yaşlarğa äräp kiyimlirini kiymäslik mäslihitini bärdi.

—   Biz — musulmanlar, biraq islamda türlük eqimlar moҗut. Şuŋlaşqimu silär, «jasotançilar», moşu eqimlarğa kirgän yaşlarni yaman yoldin saqlişiŋlar keräk. Ularni tärbiyilişiŋlar keräk. Biz — musulman däp eytqanda, hälqimizni ottura äsirgä tartmaymiz. Biz musulmanlarniŋ keläçigi toğriliq oylaymiz. Qazaqstanliqlar islamda sünni mäzhibigä etiqat qilidu vä dinğa işängüçilär başqa mämlikätlärniŋ musulmanliriğa ämäl qilmasliği, җümlidin äräp kiyimlirini kiymäsligi keräk, — dedi u.

Dšlät rähbiriniŋ sšzini yaşlar nahayiti diqqätçanliq bilän tiŋşidi, Prezidentniŋ ideyalirini qollaydiğanliğini vä kelişidiğanliğini alqişliri arqiliq ipadilidi. Delegatlarniŋ täkitlişiçä, qurultay bu — päqät «jasotanliqlar» üçünla ämäs, bälki barliq qazaqstanliq yaşlar üçün muhim vaqiä, çünki u mämlikitimizdä yaşlar säyasitiniŋ täräqqiy etişigä yeŋiçä küç-quvät bähş etidu.

Qurultayda sšzgä çiqqan «Jas Otan» Yaşlar qanitiniŋ iҗraiy kativi Nurlan Sıdıqov Millät Lideriniŋ forumğa qatnaşqanliği Nursultan Nazarbaevniŋ qazaqstanliqlarniŋ yaş ävladiğa işinidiğanliğiniŋ vä ularğa dšlätni täräqqiy ätküzüş işini işinip tapşuruşqa täyyar ekänliginiŋ bälgüsi bolup hesaplinidiğanliğini etirap qildi.

—   Çoŋ ämgäk sür°iti aldida Sizniŋ aq tiligiŋiz küç-quvät vä ilham bähş etidu, qälbimizdä ümüt uçqunlirini päyda qilidu, — dedi u mämlikät Prezidentiğa muraҗiät qilip.

Nurlan Sıdıqov mämlikätniŋ barliq regionlirida «Jas Otan» Strategiyasiniŋ muhakimä qilinğanliğini täkitlidi.

—   «Jas Otan» Yaşlar qaniti — bu miŋliğan mäsläkdaşlar, ularniŋ hämmisi arman qilişni, işläşni bilidu vä šz küçigä işinidu. İkkinçi qurultay — bu Dšlät rähbiri aldidiki, pütkül mämlikät aldidiki emtihan. Strategiyani biz yazduq vä u yeŋi väzipilär bilän yeŋi mähsätlärni otturiğa qoyuvatqan vaqit tälivi tüpäyli yezildi, — däp täkitlidi u.

Şimaliy Qazaqstan vilayitidin kälgän delegat, Şahov ottura mäktiviniŋ biologiya päniniŋ muällimi, «Diplom bilän yeziğa!» programmisiniŋ qatnaşquçisi Äliya Şirojeeva mämlikät Prezidentiğa šz oquğuçiliriniŋ illiq salimini yätküzdi.

—   Män mämlikitimizdä «Diplom bilän yeziğa!» ohşaş layihilärniŋ täräqqiy etivatqanliğidin pähirlinimän. Bu yaşlar üçün äŋ utuqluq vä nadir programmilarniŋ biri. Moşu programma tüpäyli yezilarni muällimlär vä dohturlar bilän täminläş mäsilisi ançila käskin turmayvatidu. Biyil mutähässisliklär tizimi käŋäytildi, bu bolsa, mäzkür layihiniŋ täräqqiy etivatqanliğiniŋ ispati. Bügün biz yezida işlävatqan yaş mutähässislarla ämäs, bälki Dšlät rähbiri ideyasiniŋ tärğibatçiliri, biz, yaşlarniŋ, küç-ğäyritini yahşi işlarğa tartişqa tirişivatimiz. Bizniŋ hämmimizni bir mähsät — mämlikitimizni gülländürüş mähsiti birläştürüvatidu, — dedi u.

«Arselor Mittall Temirtau» aktsionerliq җämiyitiniŋ menedjeri Ol'ga Doljenko ämgäk sulalisiğa vakalätlik qilidu, u hazir šz vaqtida mämlikät Prezidenti işligän zavodta işlävatidu.

—   Män moşu karhanida işlävatqinimdin pähirlinimän, meniŋ işim, munasip iş häqqim, inaq kollektivim bar. Şuŋlaşqimu män keläçäkkä işänç bilän qaraymän, — dedi u.

Qurultay delegati, «Lokomotiv» — «Almatinskoe lokomotivnoe ekspluatatsionnoe depo» aktsionerliq җämiyiti şšbisi kadrlar bšlüminiŋ başliği Gülnara Kšpbaeva yaşlarniŋ mämlikät Prezidenti — Millät Lideri Nursultan Nazarbaevniŋ sšzliridin nahayiti ilhamlanğanliğini täkitlidi.

— Dšlätniŋ yaşlar problemiliriğa alahidä diqqät bšlüvatqanliği hoşal qilidu. Biz Qazaqstan yaşliri keläçiginiŋ parlaq ekänligini çüşinimiz. Şundaqla hämmä närsä šz qolimizda. Ägär biz šz işimizğa җavapkärlik bilän yandişip, šzimizni ämgäk uçastkilirimizda kšrsitidiğan bolsaq, bu yeqinlirimizni maddiy paravänlikkä apiridiğan yol bolidu, — dedi u.

Qurultayda student yaşlarniŋ namidin Nazarbaev Universitetiniŋ studenti Nursultan Tompiev sšzgä çiqti.

—   Һšrmätlik Nursultan Äbiş oğli, Sizniŋ biyil universitetimizda oquğan lektsiyaŋiz biz üçün ilham mänbäsi boldi vä män Sizniŋ här bir sšzüŋizni çin jürigim bilän qobul qildim, — däp muraҗiät qildi Prezidentqa student. — Biz Sizniŋ yaş ävlatniŋ bilim eliş mäsililirigä näqädär çoŋqur yandişivatqanliğiŋizdin, yšnilişlär bilän väzipilärni näqädär eniq vä jiraqni kšzligän halda qoyuvatqanliğiŋizdin pähirlinimiz. Män här dayim lektsiyani qayta qarap çiqqinimda, uniŋdiki pikir-mulahizilärdin ozuq alimän.

Qurultay delegatliri 2020-jilğiçä bälgülängän «Jastar — Otanğa» Strategiyasini qobul qildi.

Strategiyadä süpätlik bilim, ämgäk yaşlarniŋ iҗtimaiy kšnüküşiniŋ asasiy amili, mädäniy täräqqiyat vä birlik, yaş tiҗarätçilärni şäkilländürüş, ilim-pänni täräqqiy ätküzüş, pidaiylar härikiti ohşaş on bir asasiy yšniliş bälgüländi.

Uniŋdin taşqiri, hšҗҗättä «Nur Otan» Häliq-demokratik partiyasiniŋ 2020-jilğiçä bälgülängän Programmisida vä uniŋ «Qazaqstan. Mähsätlär — 2017. Milliy iş-härikät plani» saylam aldidiki platformisida bayan qilinğan ävzälliklär šz ipadisini tapti. Şuŋlaşqa barliq delegatlarniŋ mäzkür hšҗҗätni qobul qiliş üçün yäkdilliq bilän avaz berişi, ularniŋ strategiya Qazaqstan Җumhuriyitidiki yaşlar härikitiniŋ täräqqiyatida yeŋi basquçniŋ başlinişini nişanlaydiğanliğini täkitlişi täsadipi ämäs. Bu, šz novitidä, Qazaqstan yaşlirini җipsilaşturidiğan muhim amil bolup hesaplinidu.  

Bälüşüş

Javap qalduruŋ