Һäm küldürdi, häm oylandurdi

0
817 ret oqıldı

Q.Ğoҗamiyarov namidiki җumhuriyätlik dšlät Uyğur muzıkiliq komediya teatri härhil kontsert, spektakl'lar arqiliq šz tamaşibinliriniŋ kšŋlini elişqa dayim tirişip kälmäktä. Şundaq bolsimu, uşbu sän°ät därgahiniŋ sähnisidä kšpçilikniŋ diqqitigä täğdim qilinivatqan qoyulumlarniŋ hämmisinila utuqluq çiqqan, däp eytalmaymiz. Amma, 8-mart — Häliqara ayallar künigä munasivätlik uyuşturulğan «Ana bilän hayat gšzäl» namliq mäyrämlik kontsertniŋ kšp җähättin täl-tšküz çiqqanliğini alahidä mämnuniyät bilän tilğa alğumiz kelidu. Mäsilän, pärdä eçilişi bilänla sähniniŋ bezilişi šziniŋ näpisligi vä җilvikarliği tüpäyli barliq tamaşibinlarniŋ diqqitini birdin җälip qildi. Bu yärdä rässam Gšzäl Mämedinovaniŋ sähnidä gül-çeçäkkä pürkängän bepayan dalani, aq bulutlar läyläp jürgän süzük samani äkis ättürüş arqiliq nazuk qälb egiliriniŋ mäyrimigä beğişlanğan kontsert mahiyitini toluq eçip berişkä muväppäq bolğanliğini täkitläşkä ärziydu. Päqät çäksiz dalağa tüvrük-kolonnilarniŋ ornitilişiniŋ sävävini çüşinälmiduq.

Kontsertqa riyasätçilik qilğan artistlar Ümüt Qasimov bilän Dilşat Amanbaevmu šzlirigä tapşurulğan väzipä hšddisidin şäräplik çiqti. Ändi iҗra qilinğan nahşa-sazlarğa kälsäk, ular käspiy däriҗidä orunlanğanliği, kontsert mavzusiğa uyğunluği bilän päriqländi. Bolupmu, bir top är artistlar täripidin orunlanğan «Muqäddäs ayal» namliq nahşa tamaşibinlarni illiq hissiyatlarğa bšläp, güldiras çavaklar bilän qarşi elindi. Moşu yärdä kontsert җäriyanida härhil ussullarni juquri maharät bilän orunliğan qiz-jigitlärniŋ çaqqan häm ävrişimligini alahidä mämnuniyät bilän tilğa almaqçimiz. Bu yšniliştä ussullarni sähniläştürgän El'mira Säydullaevaniŋ kšp tär tškkänligi bayqilidu.

Mäzkür kontsert җäriyanida qoyulğan miniatyurilarmu kšpiräk mahtaşqa munasip. Bolupmu ataqliq külkä mahiri Mahmut Däraevniŋ qälimigä mänsüp miniatyurilar kšpçilikni külkigä ğäriq qilipla qoymay, tärbiyäviy ähmiyiti, oylanduridiğanliği bilän päriqländi. Ändi ularni sähnigä elip çiqqan hälqimizniŋ sšyümlük artistliri Ruqiyäm Sattarova, Rehangül Mähpirova vä Mahmut Däraev bu qetimmu šzliriniŋ yarqin qabiliyät egiliri ekänligi bilän tamaşibinlarniŋ alqişiğa bšländi. Rast, u küni bädiiy süpiti tšvän, sähnä mädäniyitigä nuqsan kältüridiğan, mavzu җähättin koniriğan ayrim miniatyurilarniŋmu bolğanliğiğa kšz jumalmaymiz. Biraq ularni juquridikidäk utuqluq çiqqan miniatyurilar besip kätti.

Umumän, Muhit Һezimovniŋ rejisserluğida sähniläştü­rülgän bu qetimqi mäyrämlik kontsert kšpçilikniŋ täşnaliğini qandurdi. Sän°ätkarlirimiz bizni kälgüsidimu päqät şundaq käspiy däriҗidiki qoyulumliri bilän hoşal qilidiğanliğiğa ümüt artimiz.

Yoldaş MOLOTOV.

Bälüşüş

Javap qalduruŋ