U helikäm häliq hizmitidä

0
1 045 ret oqıldı

Äl qädirläp, qolliğan vä tağdäk işänçä bildürüp, bälänt ümütlär artqan adämlärla bir šmür häliq hizmitidä boluşqa qadir bolalisa keräk. Çünki, ularmu šz hälqini äzizläp, uniŋ ğemi bilän yaşaşni  muqäddäs borç däp çüşinidu. Şatliğidin kšrä qayğusi kšp hälqimizdin yetilip çiqqan äşundaq häliqpärvär akilarniŋ biri, helikäm šziniŋ pärzäntlik borçini ada qilivatqan  Uyğur nahiyälik Uyğur mädäniyät märkiziniŋ räisi Zakir Mämirov bu künlärdä hayatiniŋ 75-baharini qarşi elivatidu.

Kšŋülni jügrük däymizu, vaqitmu uniŋdin qalmaydekän. 1962-jili KazPİni (hazirqi Abay namidiki Qazaq Milliy pedagogika universiteti) uyğur tili vä ädäbiyati, tarih pänliriniŋ muällimi mutähässisligi boyiçä tamamlap, ämgäk paaliyitini Şuŋqar yezisidiki mäktäptin başliğan Zakir muällim keyin  Dovun, Ardolata yezisidiki mäktäplärdä mudirniŋ orunbasari, Dartamtu ottura mäktividä mudir bolup işläp, talay şagirtlar qälbigä märipät çiriğini yaqti. Bügünki kündä u ğuyuldap štkän şu jiraq štmüşni  pat-pat äsläydu. Hiyal etiğa minivelip mudhiş uruşniŋ eğir jilliri baliliği štkän ana juti Dovun yezisini, ändila on bir yaşqa tolğinida duniyadin štkän mehrivan anisi Huşnämni häm bir šmür tirigi bolğan kšyümçan atisi Mämür bovayni äsliginidä, oyçan kšzliri bir nuqtiğa qadilidu. Һä, «Atidin jitim gül jitim, anidin jitim — qul», däp hälqimiz bekarğa eytmiğan. Aniniŋ mehrigä toymay är yätkän Zakir aka hazir ana juti bilän hälqi äzizligän pärzäntlärniŋ biri.

Äşu bir jilliri Uyğur nahiyäsidä bilimlik kadrlar yetişmäy, ayrim saha mutähässisliri yeza egiligi sahaliridiki lavazimliq hizmätlärgä җälip qilinğini sir ämäs. Yaşliq җigäri bilän aŋliq hayatini bala tärbiyisigä beğişliğan Zakir Mämür oğliniŋ tädbirçanliğini bayqiğan Sverdlov namidiki kolhozniŋ räisi, yeza egiliginiŋ mahir täşkilatçisi Mirzigül Nasirov uni šzigä mädäniyät işliri boyiçä orunbasari lavazimiğa täklip qilidu. Qolidin iş kelidiğan idräklik jigit kšp štmäy egilikniŋ başlanğuç partiya täşkilatiniŋ kativi bolup saylinidu. Mäpkürisi küçlük bolğan hškümran partiyaniŋ säyasitigä çšküp, täläpçan räis bilän ämgäkçi häliqniŋ ümütini aqlaş üçün tirişip işligän Zakir aka on jil mabaynida egilik täräqqiyatiğa kolhozniŋ başlanğuç partiya täşkilatiniŋ kativi vä nahiyälik partiya komitetiniŋ äzasi süpitidä šziniŋ salmaqliq ülüşini qoşti.

1977-jil. Bu jilliri nahiyädä  işläpçiqiriş bilän yeza egiligidä mähsulat yetiştürüş kšläminiŋ šsüşigä bağliq sahağa salahiyätlik mutähässislär haҗät boldi. Näq şu mutähässislärni täyyarlaydiğan  9-käspiy tehnikiliq uçiliöeniŋ «tizgini» daŋliq kolhoz räisiniŋ «mäkti­vidin» štkän Zakir Mämür oğliniŋ qoliğa štti. U mäzkür bilim därgahiniŋ materialliq-tehnikiliq bazisini mustähkämläş bilän billä ustazlarniŋ iҗtimaiy mäsililirini häl qilişqimu kšp küç çiqardi. Şu tüpäyli u yärdä paaliyät elip berivatqan ustazlar üçün 24 pätirlik turuşluq šy selinip, paydilinişqa berildi. Oquğuçilar üçün 600 orunluq oquş benasi qäd kštirip, uniŋ içidä ustihana, laboratoriya, garaj, aşhana, sport vä mäҗlis zalliri bärpa qilindi. Moşu künlärdä bularniŋ hämmisini sabiq mudirniŋ ästaidil ämgiginiŋ mevisi retidä keyinki ävlat mähsätlik paydilanmaqta.

Tüzüm šzgirip, elimizda ihtisadiy vä rohiy çüşkünlük ovҗ alğan jillar heli esimizda. Tinimsiz ämgäk qoynida jürüp tavlanğan Zakir aka  1996-jili «Vodokanal» karhanisiğa rähbärlikkä ävätildi. Şu bir eğir jilliri u karhaniniŋ işçi-hadimliriğa rohiy mädät berip, ahalini içimlik su bilän täminläş väzipisi hšddisidin şäräplik çiqqan rähbär. Һazir «Uyğur su qubiri» däp atilidiğan bu mähkiminiŋ ikki ayiğida tik turuşi üçünmu kšp ämgäk qildi.

2005-jili u dšlät hizmitidin ketip, җämiyätlik işlarğa beşiçä kirip kätti. U nahiyälik Uyğur mädäniyät märkizigä saylanğandin beri bar küç-ğäyritini säpärvär­likkä kältürdi. Bügünki kündä u mädäniyät märkizi täripidin tilğa alarliq işlarniŋ ämälgä eşişiğa baş-kšz bolmaqta.

Uniŋ üçün mäsiliniŋ çoŋ-kiçigi yoq. Häliq vä җämiyät ğemi bilän yaşavatqan härqandaq insanni u säpdişi, qayaşi süpitidä hšrmät tutidu. Ularmu җämiyätlik işlarniŋ uyutqisi bolup jürgän Zakir akini ustazi retidä hšrmätläydu. Kšp jilliq ämgigi bädiligä alğan medal'lar bilän Pähriy yarliqlardin kšrä, mštivär häliqniŋ šzigä bildürgän işänçisini artuq kšridu.

Zakir aka bilän šmürlük җüpti Gülpäräm hädiniŋ hayati dağdam štkini yoq. Hizmät babiğa bola kšçüp-qonuş bilän štkän jillarda Gülpäräm hädä dayim yoldişiniŋ yšläkçisi häm mäslihätçisi boldi. Şuniŋ bilän billä yaş ävlat dilini yorutup, hädimiz Qazaqstan maaripiniŋ älaçisi ataldi. Çinardäk mäzmut ailidä tärbiyilinip, çoŋ bolğan Nadiyäm ustaz, Bähitҗan avtomobil' yolliriniŋ mutähässisi,  känҗisi Baturҗan bolsa içki işlar hadimi. Һazir u Talğir nahiyälik içki işlar başqarmisida җinaiy işlarni izdäştürüş bšlüminiŋ başliği, politsiya podpolkovnigi. Hälqiniŋ ğemi bilän yaşavatqan bovay-momay ikkisi nävrilär şatliğiğa bähriman. Һeli dästihini jiğilmaydiğan bu qutluq makanda — çoŋ toy. Tävällud egisini mubaräkläp kelivatqanlarniŋ ayiği üzülmäydu. Bizmu ularniŋ aliy izgü tiläklirigä qoşulup, kam bolmaŋ, bar boluŋ, aka, degümiz kelidu.     

    Mahmut

İSRAPİLOV.

    Uyğur  nahiyäsi. 

Bälüşüş

Javap qalduruŋ