Seğinduq bir šzäŋni qädirdan ata…

0
599 ret oqıldı

22-mart bizniŋ ailä äzaliri üçün päqät Noruz mäyrimi bolğanliği bilänla ämäs, şundaqla atimiz Selimahun Rozievniŋ tuğulğan küni süpitidimu alahidä ähmiyätkä egä edi. Şuŋlaşqa atimiz hayat çağda bu tävärrük künni hoşalliq ilkidä qarşi alattuq.

Tehi bultula atimizniŋ 70 yaşliq märikisini uruq-tuqqanlar bilän hoşal-horam nişanliğan eduq. Bähitkä qarşi, bizniŋ hoşalliğimiz uzaqqa sozulmidi.

«Dada, 70 yaşliğiŋda jutqa çoŋ toy štküzüp beräyli» desäk, äzäldinla qalaymiqançiliqlarni ançä yahşi kšrmäydiğan atam: «Salamätligim ançila yahşi ämäs, yeqin kšrgän uruq-tuqqan, qerindaşlarla šydä dästihanğa jiğilayli», däp unimiğan edi.

 Bu küni här birimizniŋ uniŋ kšŋlini eliş mähsitidä jügräp jürgänligini kšrgän atimiz: «Nemä şunçä avarä bolup kättiŋlar, qizlirim, silärniŋ hoşal-horam, dästihan ätrapiğa tügäl jiğilğiniŋlardin artuq bähit maŋa keräk ämäs. Uniŋ üstigä äŋ yahşi künlärniŋ biridä tuğuluptimän…» däp illiq külümsirigän edi. Bügün biz, pärzäntliri, atimizniŋ baharniŋ issiq aptividäk şu sehirliq külkisini, illiq çehrini bäk seğinduq…

Özi kiçigidin ata mehrigä zar bolup šskäçkä, pat-patla «Başqilar  dadiliriğa ärkiligändä, meniŋmu atam bolsa, boyniğa esilip ärkiligüm kelätti. Şuŋlaşqa män Ata süpitim bilän silärniŋ härbir tiligiŋlarni orunlaşqa tiriştim. Aliy oquş orunlirida oqutup, här biriŋlarni šz ugaŋlarğa qondurdum. Ändi känҗätay qizimniŋ toyini kšrsäm, arminim yoq edi» desä, tehi aldimizda talay yahşiliqlarniŋ bar ekänligini täkitläp, sšzlirigä ähmiyät bärmigän ekänmiz. Şu däqiqilärdä şum äҗälniŋ marap turğinini bilmäy qaptimiz.

   Özi bahar ayda tuğulğaçqimekin, dadimiz qälbi taza, vijdani pak, adalätpärvär insan edi. Şuŋlaşqa bizdinmu şundaq boluşimizni täläp qilatti, hätta, kšŋligä yaqmay qalğan qiliğimiz bolsa, üzimizgä besip,  «Һärqaçan adämniŋ insaniyliği uniŋ kiçik peyilliğida, adämgärçiligidä, çoŋqur bilimgä egä boluşida» däp, alahidä җekätti. Yalğançi hayatta rahät-parağätkä qariğanda җapa-mäşäqätni kšp kšrsimu, qerindaşliriğa mädät berip štti.

   40 jildin oşuq šz jutidiki mäktäptä matematika pänidin däris berip, kšpligän şagirtlarğa bilim vä tärbiyä bärgän u, hätta, hšrmätlik däm elişqa çiqqandin keyinmu talay oquğuçilarğa šydä hesap çiqiriş yollirini çüşändürüştin zerikmidi. Şundaq päytlärdä biz uniŋ bšläkçila mehrivan, ğämhorçi, šz käspigä çin berilgän, toğra sšzlük insan ekänligini bayqap, pähirlinättuq. Äpsus, biz şundaq mäslihätçimizdin, tayançimizdin ayrilip qalduq.

 «Yahşi atiniŋ yahşi nami baliliri üçün yerim risqa» degändäk, ädäbiyatqa, gšzällikkä aşiq bolğan mehrivan atimizniŋ käynidä yahşi nami, hšrmiti qaldi.

Hälqimizdä «Duniyada üç qizni baqqan kişilär җännätkä baridu», degän gäp bar ekän. Bizni beqip-qeqip, äl qatariğa qoşqan ğämgüzar ata rohiŋ җännättä aram alsun, biz härqaçan seniŋ bilän pähirlinimiz, ülgä alimiz vä armanliriŋni royapqa çiqiriş üçün barliq küç-ğäyritimizni särip qilimiz…

 Dilfuza Rozieva.

Bälüşüş

Javap qalduruŋ