Täläpçan häm mehrivan ustaz

0
555 ret oqıldı

 

Qazaq Dšlät milliy universitetiniŋ oqutquçisi Gülbanum Mähämmät qizi Srayilova mäzkür bilim därgahiniŋ rähbärligi täripidin «Äŋ ülgilik ustaz» degän şäräplik namğa egä boldi. Nemis tiliniŋ mutähässisini universitet rektori «nemis tilini šz ana tilidäk yahşi bilidu» däp paaliyitigä juquri baha bärdi.

Ustaz šziniŋ rähbärlikkä bolğan minnätdarliğini nemis tilida izhar qildi. Zalda oltarğanlar uniŋ nutqini güldiras alqişlar bilän qarşi aldi. Studentliri ustaziğa dästä-dästä güllärni soğa qildi. QazMPUda ülgilik ustazlarni räğbätländürüşkä munasivätlik uyuşturulğan bu täntänigä universitetni buniŋdin 2-3 jil burun tamamliğanlarmu iştrak qildi. Ularmu Gülbanum Mähämmät qizini täbrikläşti.

— Sabiq studentliriŋiz nädin aŋlaptu, — däp soridim.

— Agenttin, — küldi ustaz.

— Sizmu agentta oltiramsiz?

— (Külüp) däris üstidä män ämäs, meniŋ studentlirimmu «agentniŋ» nemä ekänligini bilmäydu. Çünki män uniŋğa qät'iy qarşi. Tänäpusqa çiqqanda İnternetqa — märhämät!  Studentlirimğa «Uni päqät oquşqa munasivätlik mälumatlarni izdäp, tepiş mähsitidä paydiliniŋlar» däymän. Meniŋ bu tälivimni ular yahşi bilidu vä uniŋğa  riayä qilidu.

— Siz nahayiti täläpçan ustazmu?

— Һä-ä, desäm, män šzämni mahtiğandäk bolup qalimän, uniŋdin kšrä, bu soal bilän studentlirimğa muraҗiät qilip kšrüŋ.

Män bu soalğa studentlardin alliqaçan җavap elip bolğan. Ular «Ustazimiz täläpçan häm mehrivan» däp bir eğizdin җavap berişti. Eytmaqçi, bu maqaliniŋ yezilişiğimu äynä şu şagirtlarniŋ ustazi häqqidä eytqan illiq lävzi säväp boldi.

Gülbanum Mähämmät qizi äsli qoramliq. Ottura mäktäpni tamamliğandin keyin, Taşkänt dšlät çät äl tilliri universitetiniŋ nemis tili fakul'tetida tähsil kšridu. 1982-jildin başlap, Abay namidiki QazMPUniŋ çät äl tilliri kafedrisida işläydu.  Uniŋ ustazliq paaliyitigä ottuz jildin eşiptu. Bu jillar içidä җämiyitimizdä talay šzgiriş-yeŋiliqlar yüz bärdi. Jiraqqa barmay, işlävatqan bilim därgahini alayli. Moşu jillar içidä uniŋ nami  bir näççä qetim šzgärdi. Başta KazPİ, keyin AGU, hazir bolsa Qazaq Dšlät milliy universiteti däp atilidu. Amma nemis tili päni oqutquçisiniŋ väzipisi šz petiçä qaldi.

Ustaz ikkimiz kšpiräk yaşlar häqqidä sšzläştuq.

— Һazir yaşlarniŋ oquşqa bolğan qiziqişi helä üstün. Bolupmu bizniŋ uyğur baliliri ihtisadiy qiyinçiliqlarğa qarimay, bilim elişqa qiziqidu. Män buni ottuz jildin bu yan bayqap kelivatimän. Şuŋlaşqa ularğa qolumdin kelişiçä yardäm qilişqa tirişimän. Balilirimizniŋ tirişçanliği, mädäniyiti, šzini tutuşi meni qayil qilidu. Bu närsini män, bolupmu uyğur mäktäpliridin uçum bolğan balilardin kšp bayqaymän. Һazir «oquymän» degän adämgä barliq şarait bar. İlgärkidäk saatlap kitaphanida oltirişmu ançä täläp qilinmaydu. Çünki šydimu, oquştimu İnternettin paydiliniş mümkinçiligi moҗut. Uniŋdin šziŋizni qiziqturğan soalniŋ hämmisigä җavap alalaysiz. Buniŋdin on jil ilgiri män  hizmät babi bilän Germaniyagä berip, täҗribä almaşturup qayttim. Şu çağda u yaqtiki täräqqiyatni kšrüp, häyran qalğan edim. Mäsilän, İnternettin paydiliniş, netbuk, ayfon vä başqilar. Һazir bularniŋ hämmisi bizgä yetip käldi. Pursättin paydilinip, biyil mäktäpni tamamliğuçilarni bizniŋ bilim därgahidiki yeŋidin eçilğan çät äl tilliri vä häliqara munasivätlär fakul'tetiğa oquşqa täklip qilimän. Fakul'tetqa filologiya pänliriniŋ doktori T.Ayapova rähbärlik qilidu. Bu yärdä bilim alğanlar bir yaki ikki tilniŋ mutähässisi bolup çiqidu.

— Yänä qaysi ällärdä boldiŋiz?

— Ötkän jili qazaqstanliq 20 oqutquçi Ürümçi pedagogikiliq universitetiğa berip, täҗribä almaşturup qayttuq.

Uniŋdin taşqiri, Almutidiki Gete instituti bilän Nemis tilidin täҗribä almaşturuş mähkimisi täripidin uyuşturulup kelivatqan nemis tili päni mutähässisliriniŋ qurultiyiğa turaqliq qatnişivatimän. Mähsät — yaş ävlatqa süpätlik bilim beriş.

— Öziŋizniŋ baliliri häqqidä eytip bärsiŋiz?

— İkki pärzändim bar. Oğlum Ruslan hoquq vä ihtisat fakul'tetini tamamlap, Almutini issiq su bilän täminläş mähkimisidä šz käspi boyiçä işlävatidu. Qizimiz Nargiza Abılayhan namidiki çät äl tilliri institutida tähsil kšrüp, şu yärdä magistraturini tamamlidi. hazir «Gülzar» çät äl tilliri lingvistikiliq märkizidä işläydu. Tšrt nävrimiz bar. Yoldişim ikkimiz bar küç-ğäyritimizni balilarni oqutuşqa beğişliduq. Һazir «nävrilärni oqutuvalsaqkän» däp arman qilimiz. Çünki šz vaqtida märhum ata-anam Mähämätҗan Srayilov bilän Mayminäm İbragimova duç kälgän qiyinçiliqlarğa qarimay, yättä balini tärbiyiläp, oqutup qatarğa qoşqan edi. Biz, pärzäntliri, ularniŋ ämgäk äҗrini untuğinimiz yoq.

Bähtişat SOPİEV.

Bälüşüş

Javap qalduruŋ