Sšz — sessiya iştrakçiliriğa

0
851 ret oqıldı

Rehimҗan TOQAEV, Almuta vilayätlik Uyğur etnomädäniyät märkiziniŋ räisi:

— Män Qazaqstan hälqi Assambleyasiniŋ sessiyasigä däsläpki qetim qatnaştim. Därhal şuni eytişim mümkinki, täsiratim alahidä bšläkçä boldi. Çünki, birinçidin, sessiya štkän Astanadiki Teçliq vä razimänlik sariyidiki haşamätlik zalda qeliplaşqan muhittin elimizdiki häliqlär dostluği bilän šz ara razimänlikniŋ җoş urup turğanliği birdinla sezilsä, ikkinçidin, Prezidentimiz Nursultan Äbiş oğliniŋ programmiliq nutqi bizgä yeŋi küç-quvät bärgändäk boldi. Şundaqla meniŋda moşu qazaq ziminida yaşavatqanliğim üçün pähirliniş his-tuyğuliri yänä bir qetim oyğandi.

Sessiyadin keyin meniŋda mundaq oy päyda boldi: biz šzimizniŋ ortaq šyi — Qazaqstanda teçliq bilän razimänlikni saqlişimiz vä uni tehimu beyitişimiz üçün duniyaviy miqiyasta oylaşni bilişimiz keräk. Ägär tar dairidila oylisaq vä šzimizniŋ şähsiy mänpiyitidin neri ketälmisäk, u çağda biz äŋ muhim qädriyitimiz bolğan äşu dostluğimiz bilän razimänligimizdin ayrilip qelişimiz ehtimaldin jiraq ämäs.

Mähsätҗan QAҺAROV, җumhuriyätlik Uyğur etnomädäniyät märkizi başqarmisiniŋ äzasi:

— Mänmu, Rehimҗan akiğa ohşaş, QHA sessiyasigä däsläpki qetim qatnaştim. Biraq QHAniŋ bolup štkän barliq sessiyaliriniŋ kün tärtividä qandaq mäsililärniŋ turğanliğidin toluq hävirim bolğaçqa, bu jiğindimu elimizda istiqamät qilivatqan häliqlärniŋ mänpiyätliri toğriliq, «Qazaqstan-2050» Strategiyasi toğriliq sšz bolidiğanliğini päräz qilğan edim. Һäqiqätänmu şundaq boldi.

Prezidentimiz šz dokladida «Mustäqillik jillirida Qazaqstanda birmu etnos šz tilini yoqatmidi. Biz hätta äŋ kiçik etnosluq toplar — assiriyaliqlarniŋ, rutullarniŋ, laklarniŋ vä başqimu toplarniŋ mädäniyätlirini ehtiyatçanliq bilän saqlaymiz häm ularni täräqqiy ätküzüş üçün barliq mümkinçiliklärni yaritivatimiz», däp alahidä täkitlidi. Şundaq ekän, mundaq ğämhorluqtin šzimizniŋ ana tilimiz bilän mädäniyitimizniŋ täräqqiyati tehimu beyip-yüksilinidiğanliğiğa işinimän.

Һazir Qazaqstanniŋ içki säyasiy yšnilişiniŋ, milliy säyasitiniŋ asasiy šlçämliri mälum. Şuŋlaşqa uzaq qärälgä beğişlanğan «Qazaqstan-2050» Strategiyasidä sšz bolğan içki säyasät vä milliy programmiliri utuqluq ämälgä aşurulidu däp oylaymän. U programmilarniŋ puhta asasqa egä ekänligini QHAniŋ moşu sessiyasi yänä bir qetim ispatlap bärdi.

Şu närsini alahidä täkitläşni toğra kšrüvatimänki, җumhuriyätlik Uyğur etnomädäniyät märkiziniŋ räisi Şahimärdan aka Nurumovniŋ kšp küç çiqirişi tüpäyli, bu sessiyagä uyğurlardin jigirimgä yeqin adäm qatnaşti. Pursättin paydilinip, uniŋğa alahidä minnätdarliğimizni izhar qilmaqçimän.

Sänäm BEŞİROVA, җumhuriyätlik Uyğur etnomädäniyät märkizi başqarmisiniŋ äzasi:

— Qazaqstan hälqi Assambleyasiniŋ HH sessiyasiniŋ «Qazaqstan-2050» Strategiyasi: bir häliq — bir mämlikät — bir täğdir» kün tärtivi bilän štüşi täsadipi ämäs, älvättä. Sessiyaniŋ moşundaq kün tärtivi bilän štüşini vaqit tälivi vä bügünki künniŋ äŋ muhim ähmiyätlik mäsilisi däp çüşängän toğra. Çünki Qazaqstan šziniŋ mustäqilligini alğandin buyan häliqlär dostluği mavzusi çoŋ-kiçik baş qoşuşlarniŋ asasiy mäzmun-mahiyitigä aylinivatidu.

Bäzilär Assambleyani az sanliq millätlärniŋ vakaläthanisi däp qobul qilidu. Mundaq pikirdiki adämlärgä qarita Nursultan Äbiş oğli šz dokladida mundaq dedi: «Män çüşänmäydiğanlarğa yaki çüşängüsi kälmäydiğanlarğa bügünki Assambleyaniŋ nemä ekänligini eytqum kelidu. Uni BMTmu, EBҺTmu, AÖҺİÇmu etirap qildi. Assambleya — bu pütkülhäliqliq vakaläthana! Näq şuŋlaşqa Assambleyagä šzäm rähbärlik qilimän!».

Prezidentimizniŋ bu sšziniŋ güldürligän davamliq alqişlar bilän qobul qilinğanliğiniŋ šzi Qazaqstan hälqi Assambleyasiniŋ işäşlik täräqqiyatidin deräk beridu däp oylaymän.

Bälüşüş

Javap qalduruŋ