Qerindaşlar sinipdaşlar uçrişişida tepişti

0
788 ret oqıldı

Qorğas — bepayan җumhuriyitimizniŋ äŋ şärqigä җaylaşqan kiçikkinä yeza. Biraq «İpäk yoliniŋ» boyida ikki dšlätni bağlaşturup turğanliqtin, nami daŋliq. Qazaqstan šz mustäqilligigä erişkändin keyin häliqara qatnaşniŋ muhim tügünigä aylinip, härҗähättin güllinip, avatlişip kätti.

Turğunlarniŋ sani bolsa, hässiläp kšpäydi. Äynä şuniŋğa bola, yezidiki säkkiz jilliq mäktäp ottura mäktäpkä aylandi. Mäzkür bilim därgahi štkän äsirniŋ ottuzinçi jilliridin tartip yaş šsmürlärgä šz işigini açqan edi. Keyinki jillarğiçä oqutuş rus vä uyğur tillirida jürgüzülgän bolsa, bügünki taŋda qazaq häm rus tilliq mäktäp süpitidä paaliyät elip berivatidu.

Yätmiş jildin oşuq tarihqa egä mäktäptin štkän vaqit içidä җämiyätkä munasip tärbiyilängän miŋliğan şagirtlar yetilip çiqti. Ular elimizniŋ җay-җaylirida ämgäk qilip, oltiraqlişip qalğan bolsimu, ta hazirğiçä altun uga bolğan ana mäktivi bilän qädirdan ustazlirini untumidi. Yeqinda Yarkänt şähiridä bolup štkän uçrişiştin keyin biz buniŋğa yänä bir qetim kšz yätküzduq.

Uçrişiş şähärdiki Bilal Nazim koçisiniŋ boyidiki «Demos» kafesida štti. Bu yärdä mäktäpni buniŋdin qiriq jil muqäddäm tamamliğanlar baş qoşti.

Uçrişiş adättikidin başqiçä uyuşturulğanliği bilänmu päriqländi: şu çağlardiki täräqqiyat bälgüliri bolğan «GAZ-69» («Villis»), «Moskviç-408», «GAZ-21» («Volga») ohşaş avtomaşinilarğa oltarğan ustazlar säp tüzäp, kafe aldiğa yetip käldi. Bu yärdä ularni kanay-sünäy, nağrilarniŋ sadasi astida şagirtlar nan-tuz bilän qarşi aldi. Güldästilärni täğdim qilip, äŋ yahşi tiläk-istäklirini bildürdi. Şuniŋdin keyin buniŋdin qiriq jil ilgärki sinip jurnali boyiçä«oquğuçilar tügällinip» bayaşayät raslanğan dästihan ätrapidin orun aldi. Zalniŋ bir buluŋidiki ihçam kšrgäzmigä qoyulğan gramofon, patefon, parta vä uniŋ üstidiki dügät, qälämsap, basma variği ohşaş oquş quralliri bilän şu çağdiki başqimu mäişät buyumliri uçrişiş qatnaşquçiliriniŋ baliliq päytlirini yänä bir qetim yadiğa saldi.

Yänä bir ästä qalarliq vaqiä şu boldiki, bir atidin bolğan tšrt pärzänt näq moşu uçrişiş arqiliq bir-biri bilän tepişip, didarlaşti. Ular Rehangül Amanbaeva, Sävirdin Roziev, Qämirdin Amanbaev vä Burhan Selimov bolup, täğdirniŋ täqäzasi tüpäyli bir-birini «yoqitip» qoyğan ekän. Gärçä, familiyaliri härhil bolsimu, bir atidin duniyağa kälgäçkä, ular qerindaşlarçä kšrüşti.

Ustazlar Tamara haҗim Abdurahmanova, Nina Danilenko, Sävirdin Roziev, Seyitqali Beysenbekov, Nurbanum Ahmollaeva, İbraim Balğambekov, Mahirä Sadiqova šzlirigä kšrsitilivatqan moşundaq hšrmät-ehtiram üçün sämimiy minnätdarliğini izhar qildi. Şundaqla uzun jillar davamida mäzkür mäktäpniŋ mudiri bolup işligän, peşqädäm pedagog, märhum Burhan Җamaqovniŋ räpiqisi Saniyäm hädä bilän qizi Rehangülmu uçrişiş iştirakçiliriğa çäksiz rähmitini eytip, ularniŋ iş-paaliyitigä utuq tilidi.

Uçrişişta Seyitҗan Ämätov rähbärligidiki «Şatliq» häliq ansambliniŋ kollektivi bilän Bilal Nazim namidiki vä Qorğas ottura mäktäpliri sän°ätçiliri šz hünärlirini namayiş qildi.

Ästä qalarliq däriҗidä täsirlik štkän mäzkür didarlişişqa sahavätlik tiҗarätçi, mädäniyitimizniŋ җankšyäri Qurvanҗan Timurov asasiy täşäbbuskar bolupla qalmastin, uniŋğa baştin-ayaq hamiyliq qildi.

Nurähmät ÄHMÄTOV. Yarkänt şähiri.

Bälüşüş

Javap qalduruŋ