«Biz — bir ailiniŋ äzaliri»

0
811 ret oqıldı

Hoşna Qirğizstandimu, huddi Qazaqstandikigä ohşaş, yüzligän millätniŋ beşini qoşuvatqan Qirğizstan hälqi Assambleyasi moҗut. Biyil moşu Assambleyaniŋ qurulğiniğa 20 jil toldi. Yeqinda moşu sänägä munasivätlik Qirğizstanda istiqamät qilivatqan uyğur җamaätçiliginiŋ, yäni «İttipaq» җämiyätlik birläşmisiniŋ uyuşturuşi bilän «Biz — bir ailiniŋ äzaliri» mavzusi astida mädäniyät küni bolup štti.

Uni «İttipaq» җämiyätlik birläşmisiniŋ räisi Artiq Һaҗiev eçip, qirğizstanliq uyğurlarniŋ iҗtimaiy-ihtisadiy, mädäniy hayatiğa qisqiçä tohtaldi.

Şuniŋdin keyin sšzgä çiqqan Qirğizstan hälqi Assambleyasiniŋ räisi Bektemir Murzubraimov uyğurlarniŋ tarihini, sän°itini, mädäniyitini, urpi-adätlirini, milliy taamlirini alahidä hšrmätläydiğanliğini qäyt qilip, mundaq dedi:

— Biz uyğurlar bilän äzäldin bir-birimizgä qiz berip, qiz elip, quda bolup kelivatimiz . Şuŋlaşqa bizni päqät dostla ämäs, bälki yeqin qerindaş däp hesapliğan äqilgä muvapiqtur. Buniŋdin keyinmu şundaq yeqin, sämimiy munasivättä bolup,  aka-ini, hädä-siŋildäk hayat käçüridiğanliğimizğa işänçim kamil.

Novättiki natiq — Qirğizstan Jogorgu Keŋeşiniŋ deputati Tursuntay Sälimov äldä uyğurlar üçün barliq şarait yaritilğanliğini alahidä tilğa elip, Qirğizstan hškümitigä uyğurlar namidin minnätdarliq izhar qildi.

Täbrik sšzlärdin keyin mäzkür çarä-tädbirniŋ riyasätçisi, Qirğizstanniŋ hizmät kšrsätkän artisti Sultan Kärimov uşbu çarä-tädbirgä qatnişiş üçün alaytän Qazaqstandin kälgän sän°ätkar Polat Һezimovniŋ rähbärligidiki «İradä« nahşa-saz ansamblini kšpçilikkä tonuşturdi vä kontsert programmisiniŋ «tizginini» Uyğur teatriniŋ artisti Aminäm Üsänovağa bärdi.

«İradä» täripidin havalä qilinğan nahşa-saz vä ussullarni tamaşibinlar güldürligän alqişlar bilän qarşi aldi.

«Biz bir ailiniŋ äzaliri» mavzusi astida uyuşturulğan mädäniyät küni ätisi Oş şähiridä davam qildi.

Bähtişat SOPİEV. Bişkek şähiri. 

Bälüşüş

Javap qalduruŋ