Һayatta amätlik

0
746 ret oqıldı

Һär qandaq adämniŋ bu hayattin šzigä layiq ornini tapmiği näqädär qiyin. Bu җähättin elip qariğanda, meniŋ bügünki sšhbätdişim — avtomobil' jürgüzgüçilirini täyyarlaydiğan «İvİs» җavapkärligi çäklängän yoldaşliğiniŋ mudiri, täҗribilik ustaz İsrapul Һevizovni amätliklär qatariğa yatquzuşqa bolidu. Çünki u häqiqätänmu hayattin šz ornini tapaliğan vä şu arqiliq kšpçilik kšŋlidin çiqip kelivatqan şähs. Şuŋlaşqa bolsa keräk, käsipdaşliri bilän äl-ağiniliri uni hayatta amätlik ekänligini qäyt qilip, ismini hšrmät bilän tilğa elişidu.

İsrapul aka 1952-jili Uyğur nahiyäsiniŋ Kätmän yezisida duniyağa kelip, däsläp şu yärdiki, andin Ğalҗat yezisidiki, keyiniräk nahiyä märkizi — Çonҗidiki uyğur ottura mäktividä bilim alidu. Mäktäpni äla bahalar bilän tamamliğandin keyin, Qazaq politehnika institutiğa oquşqa çüşidu. İsrapul bu yärdä heç qiynalmay oquydu. İnjener-mehanik mutähässisligini egiläp çiqqandin keyin uniŋğa jiraq šlkilärniŋ birigä mähsus yollanma berilidu. Amma u šzi tuğulup šskän jutiğa yeqin Almutiğa üginip qalğanliqtin, bu şähärni taşlap kätküsi kälmäydu vä Almuta şähiridiki quruluş başqarmisiğa qaraşliq oquş kombinatiğa master bolup orunlişidu. Şu jilliri u Kalinin nahiyälik keŋäşkä deputat bolup saylinidu.

Äsli, u tähsil kšrgän fakul'tet kšp sahaliq bolğaçqa, uniŋda jük kštiriş tehnikiliriniŋ qurulmisi häqqidimu bilim berätti. Şuŋlaşqa u bu yärdä äynä şu käsipkä ait mutähässislärni täyyarlaş bilän şuğullinidu. Keyiniräk, zaman rohiğa munasivätlik, uniŋğa avtomobil' jürgüzgüçilirini täyyarlaş väzipisimu jüklinidu.

Mälumki, štkän äsirniŋ 90-jilliri elimizda yüz bärgän qalaymiqançiliqlar täsiridin nurğunliğan iş orunliri yepilip kätti. Җümlidin İsrapul Һevizov paaliyät elip berivatqan mähkiminiŋmu bärikiti qeçip, päydin-päy çeçilişqa başlidi.

Һayatniŋ aççiq-çüçügini tetip ügängän İsrapul Һeviz oğliğa bu qiyinçiliqlar ançä bir eğirğa çüşkini yoq. U därru yeŋiçä işläşni täläp qilivatqan zaman rohini çüşändidä, 1995-jili avtomobil' jürgüzgüçilirini täyyarlaydiğan «İvİs» җavapkärligi çäklängän yoldaşliğini qurdi. Ariliqta Almutidiki härbiy-tehnikiliq mäktäptä avtomobil' jürgüzgüçilirini täyyarlaş boyiçä kursniŋ başliği bolup işlidi. Һazir qaytidin šzi täşkil qilğan şirkätkä rähbärlik qilivatidu. Bügünki taŋda «İvİs» şirkitiniŋ tärkividä bir näççä avtomaşina bolup, uniŋda ondin oşuq mutähässis işlävatidu. U şundaqla Almuta şähärlik dšlät avtoinspektsiyasi bilän mutähässislärni täyyarlap beriş boyiçä şärtnamä asasida iş elip barmaqta.

Özini bähitlik his qilidu. Һayatida kšpligän mäsläkdaş, ilpätdaş dostlarni yoluqturğan täğdirigä şükri qilidu. İkkinçi täräptin bolsa, uniŋ käypiyatidin eçiniş, mäyüsliniş iznasini bayqaşmu täs ämäs.

— Män politehnika institutiğa oquşqa çüşüp, mäligä bir barğinimda, «Apa, beğiŋğa kolap su çiqirip berimän, ändi saydin su toşup avarä bolmaysän» degän edim. Meniŋ bilim elişqa bolğan iştiyaqimni bayqiğan anamniŋ beşi kškkä yätkändi, — däydu u säl mäyüslinip. — Ata-animiz pärzäntliriniŋ hämmisini oqutti. Özliri kiymigänni kiygüzüp, yemigänni yegüzdi. Amma dadam rämiti bizniŋ bügün qol yätküzgän utuqlirimizni kšrälmidi. Nävrä-çävriliriniŋ şat külkiliridin bährimän bolalmidi. Ändila pärzäntliriniŋ rahitini kšridiğan päytidä duniyadin štti. Ändi biz, ukiliriniŋ, bilim elişiğa yar-yšläk bolup, bir-birimiz bilän iҗil-inaq yaşişimizğa yol kšrsitip kelivatqan tağdäk tayançimiz, ata ornida ata bolup kelivatqan mädätkar akimiz Sirdaş Һevizovniŋ bevaqit duniyadin štüşi jüräk-bağrimizni tehimu tit-tit qilivätti. Jiğliduq, qahşiduq, heç amal tapalmiduq. Qerindaşniŋ kšyük otliri besilmayla, rähimsiz äҗäl ğämgüzar anamni, andin tehi on güliniŋ biri eçilmiğan qizimni jürigimdin julup elip kätti… Täğdirniŋ mundaq yazmişiğa bärdaşliq berip, märhumlarniŋ rohiğa atap dua qilip, dayim ularniŋ yarqin simasini kšz aldimğa kältürüp, jüräk kšyüklirigä därman izdäymän…

Çoŋ şähärniŋ kšp qävätlik šyliriniŋ biridä yaşavatsimu, kšŋli šzi baliliq dävrini štküzgän jutida qalğan İsrapul Һeviz oğliniŋ qälbi dayim oyğaq vä pärişan. Arilap hämmidin keçip, yeziğa kätküsimu kelidu. Yolmu jiraq ämäs. Artta qalğan baliliq, yaşliq dävri dayim seğindurup, çillaydu. Bäzidä oqät, tirikçilik däp jillarniŋ ğuyuldap štüp ketip barğinimu sezilmäydekän.

Һär päsilniŋ šzigä has yahşiliqliri bolğinidäk, insan hayatiniŋmu här bir davani šziçä bir duniya, gšzäl vä ğenimät. Moşu künlärdä İ.Һevizov hayatiniŋ 60-davaniğa kštiriliş aldida turidu. Räpiqisi Säule Bolat qizi ikkisigä qizi Sabina vä oğli Nazimniŋ äsqetip qalğan ikki pärzändi küç-quvät vä mädät berip kälmäktä.

Şämşidin AYuPOV.

 

Bälüşüş

Javap qalduruŋ