Һayat yoli yaşlarğa ülgä

0
788 ret oqıldı

Hälqimizdä «Atiğa qarap bala šsidu» degän sšz bar. Şuŋlaşqimu aka-uka Leväm vä Ämirdin Yüsüpovlar häqqidä sšz başlaştin burun ularniŋ atisi Qämirdin Yüsüpovqa qisqiçä tohtilip štmäkçimän. Qämirdin Yüsüpov savatliq adäm edi. U Çoŋ Aqsu yezisidiki mäktäpniŋ hulini qurup, uniŋ däsläpki mudiri bolğan. 1938-jili Taşkänt şähiridiki Ottura Aziya universitetiğa mutähässisligini mukämmälläştürüşkä barğinida «häliq düşmini» atilip, täqip qilinidu. Ayali Banäm kiçik animiz ikki oğli bilän Taşkänt şähiridä yeganä qalidu. Ular iҗarigä alğan pätir egiliri «Siz häliq düşmininiŋ ayali ekänsiz, därru šyni boşitiŋ» däp şärt qoyğandin keyin kiçik atimiz Mamut Musaev kiçik animizni oğulliri bilän däsläp Almuta şähirigä, andin Çoŋ Aqsu yezisiğa elip kelidu. 1956-jili Qämirdin Yüsüpov aqlinip çiqidudä, uniŋğa Taşkänt şähiridä üç bšlmilik pätir berilip, ailisini alduruvalidu.

Başqa çüşkän eğir künlärdä Banäm kiçik animizğa uruq-tuqqanliri hämdäm bolup turdi. Şu tüpäyli oğulliridin Ämirdin Taşkänt şähiridiki pedagogika institutida tähsil kšrüp, Yangi Yul nahiyäsidiki käspiy-tehnikiliq uçiliöeda uzun jillar mabaynida mudir bolup işläydu. Uniŋ šmürlük җüpti Turdibüvi Yüsüpovamu mäzkür bilim därgahida mudirniŋ orunbasari lavazimida paaliyät elip baridu. Ular üç pärzänt sšyüp, balilirini aliy oquş orunlirida oqutti. Ämirdin aka 2009-jili 27-fevral' küni panidin baqiğa säpär çäkti.

Leväm aka bolsa, ottura mäktäptin keyin dadam Һoşurov Һevulla tšmürçiniŋ yardimi bilän Kiev şähiridiki duniya häliqliri tilliri universitetini utuqluq tamamlap, Taşkänt şähiridiki Häliq egiligi universitetida ingliz, nemis vä rus tilliridin däris beridu. Nahiyämizniŋ kšpligän yaşliriniŋ Taşkänt şähiridä bilim elişiğa zämin yaratqan Leväm Yüsüpov, keyiniräk Taşkänt şähärlik Uyğur mädäniyät märkiziniŋ räisi hizmitini atqurdi. Maarip sahasiniŋ rivaҗlinişiğa qoşqan salmaqliq hässisi üçün kšpligän medal' vä Pähriy yarliqlar bilän täğdirländi. U student yaşlarğa maddiy vä mäniviy җähättin dayim yardäm berip turidiğan. Һeli hatirämdä, märhum Çoŋ Aqsuniŋ alma vä šrük qaqlirini bäkmu yaqturidiğan. Ana jutqa kälgidäk bolsa, häliq nahşisi

Salamim saŋayäy, äy, mehrivanim,

Aydäk yüzüŋni kšrgüli käldim,

däp šygä kirip kelätti.

Leväm Yüsüpovniŋ şagirtliri içidin ilim-pän sahasida şšhrät qazanğanlar kšpläp sanilidu. Şuniŋ üçünmu uniŋ ismi şagirtlar qälbidin munasip orun alğan. Leväm akiniŋ pärzäntliri Bährämҗan, Bähtiyar, Dilnarä vä Batur atisi ohşaş aliy bilimlik bolup yetildi. Peşqädäm ustaz hayat bolsa, biyil uniŋ 80 yaşliq tävälludini nişanlar eduq. Äpsus, bizgä bu künni mäyrämläş nesip bolmidi.

Җämläp eytqanda, Leväm vä Ämirdin Yüsüpovlarniŋ hayat yoli yaş ävlatqa ülgä bolup, ularniŋ illiq simaliri jutdaşliri qälbidä mäŋgü saqlanğusi.

Gülҗahan ҺOŞUROVA.

Çoŋ Aqsu yezisi, Uyğur nahiyäsi.

Bälüşüş

Javap qalduruŋ