Alämdiki äҗayip imarätlär

0
702 ret oqıldı

İҗadiyät adämlirigä ohşaş, memarlarniŋmu hiyalida çäk bolmaydu. Şuŋlaşqa ular şäkli җähättin bir-birigä ohşimaydiğan mähsulatliri bilän kšpçilikni häyran qaldurğusi kelidu. Äynä şuŋlaşqimu duniyada äҗayip mšҗüzilik benalar moҗut.

Pol'şaniŋ Sopota şähiridä «Qiŋğir šy» bar. Bu bena šziniŋ namiğa layiq, miҗip taşlavätkän qäğäzgä ohşaydu. Derizä-işikliri ägir-donay. Bu šydä ataqliq balilar kitapliriniŋ rässami Yan Marsin Şantser vä uzun jillardin beri Pol'şada istiqamät qilidiğan şved rässami Per Dahlberg yaşaydu. Mäzkür imarät 2003-jili selinğan bolup, şuniŋdin bu yan şähär mehmanliriniŋ ayiği üzülmäydiğan mäptunkar җaylarniŋ birigä aylanğan.

«Orman spirali» — Germaniyaniŋ Darmştadt şähiridiki äҗayip yeqimliq benalarniŋ biri. Äҗayip yeşilzarliqniŋ içigä orunlaşqan bu šyniŋ lahiyisi ismi duniyağa tonulğan avstriyalik memar vä rässam Fridensrayh Hundertvasserğa täälluq. Bena içigä 105 pätir vä şähärdä äҗayip kokteyl'-bari bilän daŋqi kätkän restoran bar.

Ogayo ştatidiki Longaberger şirkitiniŋ idarisi — AQŞtiki kšpçilikniŋ diqqitini birdin šzigä җälip qilidiğan benalarniŋ biri. U adättiki sevät şäklidä selinğan. 18000 kvadrat metrdin oşuq mäydanğa egä bu imarätniŋ quruluşi ikki jil davamlaşqan vä uniŋ üçün 30 million AQŞ dolliri hiraҗät qilinğan. Şirkät ğoҗayini Deyva Longabergniŋ šz idarisigä nemişkä näq moşundaq şäkilni, yäni sevätni tallavalğanliği ta bügünki küngiçä amerikiliqlar üçün sir bolup kälmäktä.

Häliqara EKSPO kšrgäzmisi 1967-jili Kanadida štkän. Şuniŋğa munasivätlik bu mämlikättä äҗayip çirayliq, haşamätlik benalar selinğan. Şularniŋ biri — «Habitat-67» turuşluq šy kompleksidur. Uniŋ başqa imarätlärdin alahidiligi — kub şäklidiki qurulmilardin tärkip tapqan. Kanadiliqlarniŋ etiqatiçä, kub — turaqliqniŋ, äqil-parasätniŋ, häqiqätniŋ vä mädäniyätniŋ rämzi. Mäzkür benadin orun alğan 146 pätir 554 kubtin täşkil tapqan. Eytmaqçi, kub şäklidiki qurulmilardin šy seliş täşäbbusi štkän äsirniŋ 70-jilliri kštirilgän. Bu layihini däsläpkilärdin bolup qolğa alğan gollandiyaliklär bolğan. Rotterdam şähiridä näq moşundaq šylärdin tärkip tapqan şähärçä sšzümizniŋ yarqin ispatidur. Ularniŋ här qaysi däräq şäklidä selinğaçqa, quş pärvazidin qariğanda şähärçä äҗayip çirayliq ormanni äslitidu.

Umumän, duniyada härqandaq adämniŋ diqqitini birdin җälip qilidiğan benalar kšpläp sanilidu. Hanoydiki V'etnam Sotsialistik Җumhuriyitiniŋ sabiq prezidentliriniŋ biriniŋ qizi üçün selinğan «Zäräpä vä šmçük», Pragidiki (Çehiya) «Ussulçilar», Mehikodiki (Meksika) «Kir juyuş maşinisi», «Tehastiki (AQŞ) «Çäynäk»,  Pensil'vaniyadiki (AQŞ) «Ayaq kiyim», Makaodiki (Hitay) «Ananas» benaliri şular җümlisidindur.

Bälüşüş

Javap qalduruŋ