Тарихий һөҗҗәткә қол қоюлди

Қазақстан Президенти Нурсултан Назарбаев 10-март күни «Конституциягә өзгиришләр вә толуқтурушлар киргүзүш тоғрилиқ» қанунға очуқ түрдә қол қоюш рәсмийитидә сөз сөзлиди, дәп хәвәрлиди Президентниң Мәтбуат хизмити. Толығырақ»

Дөләт үчүн муһим қәдәм

Өткән һәптидә Алмута шәһиридики «Достлуқ» өйидә Қазақстан хәлқи Ассамблеясиниң Конституциялиқ Толығырақ»

Уйғур гимназиясини әнди дуния тонуйду

Өткән һәптидә Алмута шәһиридики А.Розибақиев намидики 153- мәктәп-гимназиядә мәзкүр билим дәргаһиниң «ЮНЕСКО тәркивидики мәктәпләр» қатариға киришигә муна­сивәтлик тәнтәнә болуп өтти. Толығырақ»

 

Президент Тәшәккүрнамиси тапшурулди

Йеқинда Алмутидики бир топ сәнъәт вә мәдәнийәт әрбаплириға Қазақстан Җумһурийитиниң Президенти Нурсултан Назарбаевниң Тәшәккүрнамиси тапшурулди.

Мукапатланғанларниң арисида Қазақстан хәлиқ артисти Ескендир Хасанғалиев, униң оғли Биржан Хасанғалиев, нахшичилар Мадина Сәдвақасова, Ерболат Қудайбергенов, Ердос Қанаев вә башқилар бар. Қазақстан хәлиқ артисти Гүлвира Разиева болса, «Нур Отан» партияси әзалириниң қатариға өтти. Гүлвира Турсун қизиға партия билетини вә артистларға Президент намидин Тәшәккүрнамини «Нур Отан» Хәлиқ-демократик партияси Алмута шәһәрлик шөбиси рәисиниң биринчи орунбасари Кенжехан Матыжанов тапшурди.

У сәнъәт вә мәдәнийәт әрбаплирини шанлиқ вақиә билән тәбрикләп, бийилқи жилниң Алмута шәһиридә Мәдәнийәт жили дәп елан қилинғанлиғини, уни өткүзүшкә артистларға паал қатнишиш тәклип қилинғанлиғини тәкитлиди. Кенжехан Матыжановниң сөзичә, мәмликәтниң 200дин ошуқ мәдәнийәт вә сәнъәт әрбабиға Президент Тәшәккүрнамиси тапшурулиду.

Үмүтимизни ақлиди

Бийилқи оқуш жили М.Яқупов намидики 101-мәктәп-гимназияниң оқуғучилири үчүн алаһидә хошаллиқлар билән нишанланмақта. Мәсилән, мәктивимизниң 21 оқуғучиси уйғур, қазақ вә рус тиллири, математика, тарих, биология, география, физика, химия пәнлири бойичә өткүзүлгән наһийәлик вә шәһәрлик олимпиадида алдинқи орунларни егиләшкә муйәссәр болса, миллий мәктәпләр оқуғучилири арисида өткүзүлгән уйғур тили вә әдәбияти пәнлири бойичә регионаллиқ олимпиадида 11-синип оқуғучиси Гүлмира Йүсүпова ІІ орунни егилиди.

Әнди мошу йеқинда Қарағанда шәһиридә өткүзүлгән җумһурийәтлик олимпиадида мәктивимизниң 10-синип оқуғучиси Шахназ Аблеким қазақ тили пәни бойичә иккинчи, 11-синип оқуғучиси Манзура Тайирова рус тили пәни бойичә үчинчи орунни елишқа муйәссәр болди. Пурсити кәлгәчкә ейтип кетиш керәкки, уйғурчә оқуватқан балиларниң қазақ вә рус тиллири пәнлири бойичә билим дәриҗиси һәр кимни хошал қилиду.

Өзиниң тәңтушлиридин билиминиң чоңқурлуғи билән пәриқләнгән бу үч шагиртимиз Қазақстан Җумһурийити Билим вә пән министрлигиниң мәхсус дипломлири вә хатирә соғилири билән тәғдирлинип, устазлириниң үмүтини ақлиди.

Өз новитидә биз барлиқ шагиртлиримизни қолға кәлтүргән утуқлири билән сәмимий тәбрикләп, уларниң техиму егиз чоққилардин көрүнүшигә тиләкдашлиқ билдүримиз.

Абдуқейим ИМИРОВ,

101-мәктәп-гимназия мудириниң тәрбийә ишлири бойичә орунбасари. 

СҮРӘТТӘ: олимпиада ғалиплири Шахназ Аблеким (солдин оңға), Манзура Тайирова вә Гүлмира Йүсүпова.

 

Һәрәмгә беришни халисиңиз…

«Әл-һәрәмейн» туристик ширкити силәрни муқәддәс Мәккә-Мукарәм вә Мәдинә — Мунаввәргә һаҗилиқ вә өмрә һаҗилиқ сәпиригә тәклип қилиду.

Макан-җайимиз: Алмута шәһири, Қазыбек би (илгәрки Советская) кочиси, 50-өй (Фурманов кочисиниң дохмуши), 25-офис.

Алақә бағлаш телефонлири: 272-72-64, 8-707-840-05-05, 8-701-997-90-57.

 

«Анайәт» тәклип қилиду

Һөрмәтлик қериндашлар! «Анайәт» кафесиниң ишиги силәр үчүн һәр дайим очуқ! Бу йәрдә силәргә қиммәт вақтиңлар билән ахчаңларни үнүмлүк пайдиланған һалда ғизалинип кетиш үчүн һәммә мүмкинчиликләр яритилған.

Әгәр кафеға кәлгидәк болсиңиз:

Синипдашлар диққитигә!

Панфилов наһийәсидики А.Розибақиев намидики Пәнҗим оттура мәктивини 1972-жили тамамлиған синипдашларни 40 жилдин кейинки учришишқа тәклип қилимиз. Учришиш бийил 26-май, шәнбә күни өткүзүлиду.

Тәшкилий топ.

Алақә телефонлири: 8-701-579-85-73, 8-777-366-40-96.

Жутдашларни чақиримиз

Илгири Уйғур наһийәсиниң Шерин йезисида яшап, һазир таша жутларда истиқамәт қиливатқан сабиқ жутдашларни 18-апрель күни саат 10.00да мәзкүр йезида қәд көтәргән йеңи  мечит бенасиниң ечилиш мәрасимиға тәклип қилимиз.

Һөрмәт билән тиҗарәтчи Арупҗан МӘРИПОВ.

 

Өй сетилиду

Уйғур наһийәсиниң Чоң Ақсу йезисида һәммә қолайчилиқларға егә (һаҗәтхана, ванна өйниң ичидә) 1979-жили селинған умуммәйдани 176,6 квадрат метрни тәшкил қилидиған 6 ханилиқ өй сетилиду.

Йәр участкисиниң мәйдани 26 сотка болуп, у йәргә шундақла 12 квадрат метрлиқ язлиқ өй (времянка), язлиқ ашхана, монча, мал қораси, төписидә үсти йепиқ бүглүк (35м­2) бар гараж, қойма вә башқиму иншаәтләр селинған. Мевилик бағ вә көктатлиқ моҗут. Һойла толуқ асфальтланған. Спутникилиқ антенна орнитилған.

Алақә бағлаш телефонлири: 57-5-29, 8-702-280-82-27.

Миллий банкниң һесавити тиңшалди

Йеқинда Дөләт рәһбири Нурсултан Назарбаевниң қатнишиши билән кеңәшмә өткүзүлүп, униңда Миллий банкниң 2011-жилқи паалийитиниң һесавити тиңшалди.

Учумкарлар һәрбийләр билән учрашти

Қазақстан армияси вәкиллириниң Алмута алий оқуш орунлири һәрбий кафедрилириниң учумкарлири билән учришиши Әл-Фараби намидики ҚазМУниң Студентлар сарийида «Вәтән һимайичилири» намлиқ фильмни намайиш қилиштин башланди.

Учришиш Қазақстан Җумһурийити Қураллиқ күчлириниң жигирмә жиллиғиға беғишланди. Һәрбий хизмәтчиләр жигитләргә армиядики хизмәт вә униң вәзипилири тоғрилиқ сөзләп бәрди. Баш қошушта кадрлар ихтидарини ашуруш вә һәрбий хизмәтчиләрни иҗтимаий һимайә қилиш мәсилилиригә алаһидә диққәт бөлүнди.

Яш мәргәнләр күч синашти

Йеқинда Билал Назим намидики уйғур оттура мәктивидә пневматикилиқ милтиқтин нишанға етиш бойичә мәктәпләр ара мусабиқә болуп өтти. Панфилов наһийәлик Уйғур этномәдәнийәт мәркизи билән мәзкүр мәктәп мәмурийити тәрипидин уюштурулған бу мусабиқә Қазақстан Җумһурийити Қураллиқ Күчлириниң қурулғанлиғиниң жигирмә жиллиғиға беғишланди. Униңға Х.Һәмраев намидики, Әмгәкчи, А.Розибақиев намидики мәктәпләрдин бирдин команда вә мәйдан егилири — Билал Назим намидики мәктәптин оғул-қизлардин ибарәт икки команда қатнашти.

Мусабиқә башлиништин илгири Қазақстанниң Дөләт Гимни орунланди. Наһийәлик Уйғур этномәдәнийәт мәркизиниң рәиси Реһимҗан Тохтахунов, мәктәп мудири, наһийәлик мәслиһәтниң депутати Шеринай Һасанова, дөләтниң бехәтәрлиги билән течлиғини тәминләш йолида хизмәт қиливатқан Қазақстан Қураллиқ Күчлири һәққидә сөзләп бәрди. Андин мәзкүр билим дәргаһи башланғуч һәрбий тәйярлиқ пәниниң муәллими Мурат Һәмраев спортчиларни мусабиқиниң шәртлири билән тонуштурди.

Мусабиқә наһайити қизиқ вә кәскин күрәш шараитида өтти. Униң йәкүни бойичә Б.Назим намидики мәктәпниң қош командиси биринчи орунни егиләп, көчмә кубок билән тәғдирләнди. Иккинчи орунни — Х.Һәмраев намидики, үчинчи орунни Әмгәкчи оттура мәктәплириниң командилири йеңивалди. Уларға пәхрий ярлиқлар тапшурулди. Җиддий тәйярлиқлар билән өткән оқуғучиларниң бу күч синишиға «Ирадә» шәхсий дехан егилиги һамийлиқ қилди.

Нурәхмәт ӘХМӘТОВ.

Панфилов наһийәси.