• Йеңилиқлар
  • 27 Қыркүйек, 2013

Стратегия даирисидә

Өткән йәкшәнбә күни Ақордада Дөләт кативи Марат Тәжин Қазақстан Җумһурийитиниң Президенти Нурсултан Назарбаевниң «Қазақстан-2050» Стратегиясини әмәлгә ашуруш» даирисидә тематикилиқ тәтқиқат ишлирини уюштуруш бойичә идариләрара ишчи топиниң иккинчи кеңәшмисини өткүзди. Тәкитләш лазимки, мошу вақитқичә, йәни ахирқи кеңәшмидин кейин бу йөнилиштә бир нәччә ишлар әмәлгә ашурулди. Биринчидин, дөләт буйрутмисиниң асаси болған илмий вә консалтинглиқ тәтқиқатлар бойичә әмәлгә ашурулидиған Президент Мәмурийитиниң Тематикилиқ реҗиси қобул қилинди. Иккинчидин, Һөкүмәт тәрипидин тәтқиқат ишлири системисиниң ашкарилиғини вә нәтиҗидарлиғини ашуридиған чариләр қобул қилинди. Шуниң ичидә бу ишларға  дөләтлик әмәс аналитикилиқ мәркәзләрни җәлип қилишму мәхсәт қилинған. Үчинчидин, экспертларни қоллап-қувәтләш ишлириниң көләми кәңәйди. Аммивий әхбарат васитилири билән ишләйдиған эксперт топлири тәшкил қилинди. Регионларда болса, тәтқиқат вә диссертациялик реҗиләрни йүксәлдүрүш бойичә семинарларни өткүзүш реҗиләнди. Мәзкүр кеңәшмидә «Қазақстан-2050» Стратегиясиниң йүз йеңи аталғуси» йеңи сәясий аталғу луғитиниң лайиһиси муһакимә қилинди. Бу луғәттә стратегиядә қоллинилған аталғу вә чүшәнчиләргә әтраплиқ мәлумат  берилгән. Мәзкүр луғәт кейинки 15 жил ичидики аталғушунаслиқ  саһасидики әң чоң нәшир болиду. Жиғинда Астана клубини қуруш мәсилилириму муһакимә қилинди. Бу клуб тәркивигә пайтәхтимизниң атақлиқ алимлири кириду, дәп хәвәр қилди Президентниң Мәтбуат хизмити.

172 рет

көрсетілді

0

пікір
Алдыңғы мақала Доктрина муһакимә қилинди
Келесі мақала Дөләт рәһбири Қизилорда вилайитидә болди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *