• Йеңилиқлар
  • 25 Қазан, 2013

Дуниявий премьера

Дүшәнбә күни Президент Нурсултан Назарбаев «Астана Опера» Дөләт опера вә балет театрида болуп, «Аттила» оперисиниң дуниявий премьерисини тамашә қилди. «Астана Опера» өзиниң һашамәтлиги бойичә дуниядики үчинчи театр болуп һесаплиниду. Униң қурулушини Италия, Германия, Швейцария, Чехия устилири әмәлгә ашурди. Техникиниң заманивий үлгилири бойичә селинған бенада наһайити мурәккәп спектакльларни қоюшқа болиду. «Аттила» оперисиниң қоюлуши театрниң дуниявий премьерисини нишанлиди. Бу тәбиийки, пәқәт Қазақстанниңла әмәс, бәлки хәлиқара опера сәнъитидики муһим вақиә болди. Әсәрдә исми дунияға мәлум юлтузлар: музыка рәһбири вә дирижери — Россия хәлиқ артисти Валерий Гергиев, режиссер вә қойғучи-рәссам Пьер Луиджи Пицци (Италия), баш хормейстер — Қазақстан Җумһурийитиниң хизмәт көрсәткән артисти Ержан Даутов, хореограф Роберто Мария Пиззуто (Италия) бәнт болди. Аттила партиясини — Ильдар Абдразақов (Россия), Ордабелла партиясини — Анна Макарова (Россия), Эцио вә Форесто партиялирини Клаудио Сгура билән Лучано Ганчи (Италия) иҗра қилди.

218 рет

көрсетілді

0

пікір
Алдыңғы мақала Чапсан вә қолайлиқ
Келесі мақала Телефон арқилиқ сөһбәтләшти

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *