- Йеңилиқлар
- 25 Қазан, 2013
Мәхсәткә йетишниң ениқ программиси
Жуқури дәриҗидә өтти
Һөкүмран партияниң новәттин ташқири қурултийи һәм сәясий, һәм идеологиялик, һәм тәшкилий җәһәттин алий дәриҗидә өтти. Делегатлар җәмийитимизниң күн тәртивидә туруватқан муһим проблемилар әтрапида өзара наһайити қизиқарлиқ пикир алмаштурди. Болупму партия Рәиси, мәмликәт Президенти Нурсултан Назарбаевниң нутқи чоң тәсират қалдурди. Дөләт рәһбириниң нутқини мубалиғисиз программилиқ дәп аташқа болиду. Чүнки нутуқ партия әзалириниң өз паалийитидә қураллиниши һаҗәт болған наһайити мәзмунлуқ пикирләр билән хуласиләргә толуп-ташқан.
Шундақла «Нур Отан» партиясиниң болуп өткән қурултийини тарихий қурултай дәп аташқа болиду. Униңда партияниң сәясий доктриниси қобул қилинди. Доктрина икки ай мабайнида барлиқ башланғуч тәшкилатларда, әмгәк коллективлирида кәң тәһлил қилинди. Башқичә ейтқанда, уни муһакимә қилишқа пүткүл Қазақстан хәлқи қатнашти. Доктринидиму һәрбир қазақстанлиқниң арзу-арманлири билән келәчәккә болған үмүт-ишәнчиси әкис әтти. Униңда Қазақстанда истиқамәт қиливатқан башқа хәлиқләрниң мәдәнийити вә әнъәнилирини сақлап қалған һалда, дөләт тилини риваҗландурушниң әһмийити тоғрилиқму алаһидә тәкитләнгән. Мәзкүр һөҗҗәттә һөкүмран партия «Қазақстан-2050» Стратегиясидин келип чиқидиған стратегиялик вәзипиләрни бәлгүлиди. Мениңчә, сәясий доктрина — бу партияниң истиқбалға бәлгүләнгән ишиниң баш йөнилиши. У партияниң мәхсәт вә вәзипилири ениқ баян қилинған программилиқ һөҗҗәт.
Асийәм ӘХМӘТОВА,
«Нур Отан» партияси Талдиқорған шәһәрлик шөбиси рәисиниң
орунбасари.
406 рет
көрсетілді0
пікір